დღე: ნოემბერი 24, 2022

,,საქართველომ განაცხადა, რომ უნდა ევროკავშირის წევრი გახდეს. ჩვენ მოხარული ვიქნებით, თუ ეს მოხდება. ბურთი ახლა საქართველოს მოედანზეა,” – ამის შესახებ საქართველოში გერმანიის ელჩმა, პეტერ ფიშერმა განაცხადა. მისი თქმით, 12-პუნქტიანი რეკომენდაციის შესრულების შემდეგ იქნებ საუბარი კანდიდატის სტატუსზე. „საქართველომ განაცხადა, რომ უნდა ევროკავშირის წევრი გახდეს. ჩვენ მოხარული ვიქნებით, თუ ეს მოხდება. ბურთი ახლა საქართველოს მოედანზეა. ჩვენ, ევროპა დავეხმარებით საქართველოს, რომ თამაში მისთვის წარმატებით წარიმართოს. ჩემი რჩევა იქნებოდა, რომ საქართველოსთვის თუ ეს არის პრიორიტეტული თემა, გახდეს ევროკავშირის წევრი ქვეყანა, ამ შემთხვევაში კონცენტრირება მოახდინოს ამ თემაზე. ევროპა არის პლურალისტული დემოკრატიული ქვეყნების გაერთიანება, სწორედ ამიტომ…

უკრაინაზე გუშინდელი თავდასხმების შემდეგ, კიევის ოლქის 70% კვლავ ელექტროენერგიის გარეშეა დარჩენილი. ამის შესახებ კიევის მერმა, ვიტალი კლიჩკომ განაცხადა. მისი თქმით, კიევის მარჯვენა სანაპიროზე წყალმომარაგების აღდგენა ჯერ კიდევ ვერ მოხერხდა. კიევის რეგიონალური სამხედრო ადმინისტრაციის ხელმძღვანელის, ალექსეი კულებამს განცხადებით,  რაკეტა მოხვდა მაღალსართულიან შენობებს ვიშგოროდში და დაზიანდა კერძო სექტორი ჩაბანში. მისი თქმით, ვიშგოროდში ოთხი ადამიანი დაიღუპა, 27 დაშავდა, მათ შორის ოთხი ბავშვი.  

საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი ჯოზეფ ბორელი რუსეთის მიერ უკრაინაზე სარაკეტო თავდასხმას გმობს. მისი თქმით, ზამთარში მილიონობით ადამიანის დენის, წყლისა და გათბობის გარეშე დატოვება სისასტიკეა. ,,მტკიცედ ვგმობთ რუსეთის განახლებულ კრიმინალურ თავდასხმებს უკრაინაში მშვიდობიანი მოსახლეობისა და კრიტიკული ინფრასტრუქტურის წინააღმდეგ: მასიური ჩაბნელება, ასევე მოლდოვაში. ზამთარში მილიონობით ადამიანის ელექტროენერგიის, წყლისა და გათბობის გარეშე დატოვება სასტიკი და არაადამიანურია. ევროკავშირის მხარდაჭერა უკრაინისა და მოლდოვასადმი უცვლელად გრძელდება”,- განაცხადა ჯოზეფ ბორელმა.

რუსეთის უშიშროების საბჭოს თავმჯდომარის მოადგილე დიმიტრი მედვედევი ისევ იმუქრება და აცხადებს, რომ “რაკეტები ყველასთვის საკმარისია”. “მტერი აგრძელებს ჩვენი გაშავებისა და მარაგების გულდასმით “გამოთვლას”. ჩვენი შესაძლებლობების ამოწურვის იმედი ამაოდ აქვთ – რაკეტები ყველასთვის საკმარისია”, – წერს მედვედევი ”ტელეგრამში”.

გამოცემა „პოლიტიკო“, თეთრ სახლსა და თავდაცვის დეპარტამენტში არსებულ, ექვს ანონიმურ წყაროზე დაყრდნობით იტყობინება, რომ აშშ-ში არ გამორიცხავენ, რომ რუსეთმა უკრაინაში შესაძლოა, ქიმიური იარაღი გამოიყენოს, იმ შემთხვევაში თუ ბრძოლის ველზე პოზიციებს ისევ დაკარგავს. გამოცემის ცნობით, ამ ეტაპზე აშშ-ს დაზვერვას არ გააჩნია ინფორმაცია, რომელიც მიუთითებს უკრაინაში ქიმიური თავდასხმის გარდაუვალობაზე. აშშ-ში მიაჩნიათ, რომ ვლადიმერ პუტინმა თავიდან შესაძლოა, ქიმიური იარაღი გამოიყენოს, შემდეგ კი, ნატო-სთან ბირთვულ კონფრონტაციას მიმართოს, თუკი ბრძოლის ველზე პოზიციებს კვლავ დაკარგავს. ერთ-ერთი ოფიციალური პირი აცხადებს, რომ ასეთი თავდასხმა გულისხმობს ისეთი ნივთიერებების გამოყენებას, რომლებიც ადვილად დამალვადია, რაც დასავლეთს გაურთულებს მომხდარის მოსკოვთან დაკავშირებას. მათივე…

,,რუსეთს ეჭვი არ ეპარება, რომ უკრაინაში მის სპეცოპერაციას წარმატებული შედეგი ექნება,” – ამის შესახებ კრემლის პრესსპიკერმა, დიმიტრი პესკოვმა განაცხადა. პესკოვმა უპასუხა კითხვას, ეთანხმება თუ არა იმ აზრს, რომ კოლექტიური უსაფრთხოების ხელშეკრულების ორგანიზაციის მომავალი დამოკიდებულია უკრაინაში „რუსული სპეცოპერაციის“ წარმატებაზე. “ჩვენ შეგვიძლია დავეთანხმოთ ამას იმ შენიშვნით, რომ სპეცოპერაციის მომავალი და წარმატება ეჭვს არ იწვევს“, – აღნიშნა პესკოვმა.

აშშ-ის სახელმწიფო მდივანი ენტონი ბლინკენი აცხადებს, რომ რუსეთის მიერ ინფრასტრუქტურაზე თავდასხმები, მიმართულია მშვიდობიანი მოსახლეობის სიცივესა და სიბნელეში დატოვებისკენ. მისივე თქმით, რუსეთის ტაქტიკა არ გატეხს უკრაინისა და მისი პარტნიორების სიმტკიცეს. „მთელი უკრაინის მასშტაბით, მილიონობით ადამიანი თავშესაფრებში შეეფარა, როდესაც რუსეთმა კვლავ დაუშვა მათზე რაკეტები. ინფრასტრუქტურაზე უწყვეტი თავდასხმები მიმართულია მშვიდობიანი მოსახლეობის სიცივესა და სიბნელეში დატოვებისკენ. ეს საშინელი ტაქტიკა არ გატეხს უკრაინისა და მისი პარტნიორების სიმტკიცეს“, – წერს ბლინკენი ”ტვიტერზე”.

უკრაინის პრეზიდენტმა, ვოლოდიმირ ზელენსკიმ გაერო-ს უსაფრთხოების საბჭოს რუსულ ტერორზე რეაგირებისკენ მოუწოდა. ამის შესახებ უკრაინის ლიდერმა ტრადიციულ ვიდეომიმართვაში ისაუბრა. „მივმართე გაერო-ს უსაფრთხოების საბჭოს და რუსულ ტერორზე რეაგირებისკენ მოვუწოდე. გაერო-ს უსაფრთხოების საბჭოში ერთი სავარძელი ჯერ კიდევ ოკუპირებულია. დარწმუნებული ვარ, რომ რუსული სიცრუის მოსმენა მსოფლიოში უკვე აღარავის სურს“, – განაცხადა ზელესკიმ.