დღე: აპრილი 20, 2023

ნატოს გენერალური მდივანი იენს სტოლტენბერგი კიევში მოულოდნელი ვიზიტით ჩავიდა. ამის შესახებ ინფორმაციას უკრაინული მედია ავრცელებს. ხუთშაბათს დილით სტოლტენბერგი უკრაინის დედაქალაქის ცენტრში, მიხაილოვსკაიას მოედანზე დააფიქსირეს. დამატებითი დეტალები ამ დროისთვის უცნობია.

აშშ-ის სახელმწიფო დეპარტამენტის ყოფილი მაღალჩინოსანი, დიპლომატი დენიელ ფრიდი აშშ შეშფოთებულია ქართული დემოკრატიის მდგომარეობით. ფრიდი განმარტავს როგორ მიიღება აშშ-ში კონკრეტული პირების სანქცირების გადაწყვეტილება. ,,ესაა საჯაროდ გამოცხადებული სავიზო აკრძალვა და სიგნალი იმის შესახებ, რომ ამერიკა შეშფოთებულია ზოგადად ქართული დემოკრატიის მდგომარეობით და შესაძლებელია, რომ ამას დამატებითი ნაბიჯები მოჰყვეს.  ეს იმაზეა დამოკიდებული, რას გააკეთებს საქართველო. გადაწყვეტილება სავიზო აკრძალვის შესახებ ქართველი ან ნებისმიერი სხვა ოფიციალური პირის წინააღმდეგ, მოითხოვს მაღალი რანგის, სახელმწიფო დეპრატამენტის ოფიციალური პირის განსაზღვრებას. თითქმის დარწმუნებით შემიძლია ვთქვა, რომ ეს იქნებოდა კოორდინირებული ეროვნული უსაფრთხოების საბჭოს თანამშრომლებთანაც, სავარაუდოდ ხაზიანასთანაც, არა იმიტომ, რომ ეს ფინანსური სანქციაა, არამედ იმიტომ, რომ ხაზინამ უნდა იცოდეს,…

,,კიევი იყო და რჩება აგრესორის სამიზნე,”- ამის შესახებ კიევის მერმა, ვიტალი კლიჩკომ “ამერიკის ხმასთან” ინტერვიუში განაცხადა. მისივე თქმით,  უფრო დეტალური პროგრამა შემუშავდა კიევის დასაცავად. ,,კიევი იყო და რჩება აგრესორის სამიზნე. კიევი არის გული, კიევი არის დედაქალაქი. ასე რომ, ჩვენ ყველაფერს ვაკეთებთ იმისთვის, რომ განვჭვრიტოთ სხვადასხვა სცენარი, თუნდაც ყველაზე უარესი, რომ თუ ვინმეს შეუძლია და სურს, შეუძლია – ეს დიდი კითხვაა, სურს კიდევ ერთხელ შეუტიოს კიევს, რათა კბილებში დავარტყათ, შემიძლია ასე ვთქვა”, – აღნიშნა კლიჩკომ.  

უკრაინის პრეზიდენტის ვოლოდიმირ ზელენსკის განცხადებით, ქვეყნას ცის დასაცავად, უკვე ძალიან სერიოზული იარაღი აქვს. მისი თქმით, ყველაფერი კეთდება სახელმწიფო დონეზე, რათა გაიზარდოს რუსული დარტყმებისაგან თავდაცვის უნარი. „სახელმწიფო დონეზე ყველაფერი კეთდება იმისათვის, რომ გაიზარდოს რუსეთის დარტყმებისაგან დაცვისა და თავდაცვის უნარი. საჰაერო თავდაცვის სისტემები და ცის დასაცავად განკუთვნილი სხვა იარაღი უკვე უკრაინაშია. მაგრამ ისინი უნდა იყვნენ – და, რა თქმა უნდა, უფრო ძლევამოსილნი იქნებიან”, – განაცხადა ზელენსკიმ. ზელენსკიმ ასევე მადლობა გადაუხადა შეერთებულ შტატებს სამხედრო დახმარების კიდევ ერთი პაკეტისთვის, რომელიც 19 მარტს გამოცხადდა. კერძოდ, მასში შედიოდა HIMARS-ის რაკეტები და საავიაციო საბრძოლო მასალები. –

უკრაინის მხარდაჭერა ერთადერთი გზაა, სხვა შემთხვევაში რუსეთი გაიმარჯვებს, – ამის შესახებ  ჩეხეთის პრეზიდენტმა, პეტრ პაველმა ნატო-ს გენერალურ მდივანთან შეხვედრის შემდეგ განაცხადა. „მოხარული ვარ, რადგან ყველას გვესმის, რომ არ არსებობს უკრაინის მხარდაჭერის გარდა სხვა გზა. ალტერნატივა არის რუსეთის წარმატება, რაც ჩვენთვის გაცილებით მეტ პრობლემას ნიშნავს და, შესაძლოა, უფრო სერიოზულსაც, ვიდრე დღეს გვაქვს“, – განაცხადა პეტრ პაველმა. ცნობისთვის, ჩეხეთი  უკრაინისთვის დაახლოებით 29 მილიონი დოლარის ღირებულების სამხედრო დახმარების გადაცემას აპირებს.