თვე: თებერვალი 2024

პირველ აპრილამდე ტაქსის გაუაქტიურებელი ნებართვა ავტომატურად გაუქმდება და მისი აღდგენა შეუძლებელი იქნება, – ამის შესახებ დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე განაცხადა. მისი თქმით, მესაკუთრეები, ვისაც აღნიშნული ნებართვების შენარჩუნების სურვილი აქვთ, ნებართვების გააქტიურების შესახებ ინფორმაციას ვებგვერდზე: www.taxi.tbilisi.gov.ge და თბილისის მერიის ცხელ ხაზზე მიიღებენ. „გასული წლის პირველი აპრილიდან ამოქმედდა ტაქსების რეფორმის მესამე ეტაპი, რომელმაც პირებს A კატეგორიის ტაქსის ნებართვები დაუკანონა. აღნიშნული ნებართვების გააქტიურებისთვის, რეფორმა ითვალისწინებდა ერთწლიან ვადას, რომელიც მიმდინარე წლის პირველ აპრილს იწურება. პირველ აპრილამდე უნდა მოხდეს იმ ნებართვების გააქტიურება, რომელიც მძღოლებს საკუთრებაში აქვთ. ჯამში, 35 000-ზე მეტი A…

2 მარტიდან ახალი 18-მეტრიანი ავტობუსები დამატებით კიდევ რამდენიმე მარშრუტზე გაეშვება. ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე განაცხადა. მისი თქმით, ავტობუსები თავდაპირველად იმ მარშრუტებზე გავა, სადაც მაღალი მგზავრთნაკადი ფიქსირდება. „როგორც იცით, გასული წლის ბოლოს დაიწყო დედაქალაქში 18-მეტრიანი ავტობუსების შემოყვანა. ეს არის იმ სატრანსპორტო პოლიტიკის ნაწილი, რომელიც ჩვენ დავიწყეთ. რეფორმის ერთ-ერთი მთავარი კომპონენტი ავტობუსის პარკის განახლებაა, თუმცა დამატებით დაგვჭირდა 18-მეტრიანების შემოყვანა, რომ უფრო მეტი მგზავრის გადაყვანა მოხერხდეს. 160 ერთეული ავტობუსი უკვე შესყიდულია და ეტაპობრივად შემოდის. აქედან 50 ერთეული უკვე თბილისშია. დავიწყეთ კონკრეტულ ხაზებზე ავტობუსების გაშვება. თავდაპირველად, შევარჩიეთ ოთხი…

მარნეულში “ფორდის” ტიპის მიკროავტობუსი გზაზე გაჩერებულ სატვირთო მანქანას შეეჯახა, რის შედეგადაც მძღოლმა სხვადასხვა სახის დაზიანება მიიღო. შემთხვევის ადგილას სასწრაფო-სამედიცინო დახმარების ჯგუფები და სამაშველო სამსახურის თანამშრომლები, ასევე სამართალდამცველები მუშაობენ. ისინი დაშავებულს პირველად დახმარებას უწევენ.

საჯარო მოხელეები ნარკოლოგიურ შემოწმებას აღარ გაივლიან. ,,ქართული ოცნების” ახალი ინიციატივა მმართველმა გუნდმა ბიუროზე უკვე დაარეგისტრირა. დოკუმენტის მიხედვით, ხელისუფლება კანონმდებლობიდან იმ მუხლის ამოღებას გეგმავს, რომელიც მაღალი თანამდებობის პირებს ნარკოტიკულ შემოწმებას ავალდებულებს.

აჭარის სოფელ კვატიაში მეწყრის გააქტიურების საშიშროებაა. 1989 წელს გაცემულ გეოლოგიურ დასკვნებში წერია, რომ  სოფელი კვატია გეოლოგიურად საშიშ ზონაში მდებარეობს და ეს ტერიტორია განსახლებას ექვემდებარება. კვატიაში სულ 65 კომლი ცხოვრობს. პრობლემის შესახებ ინფორმაცია ერთ-ერთმა ადგილობრივმა გაავრცელა. მათი თქმით, აქამდე თუ სოფელში პატარ-პატარა ნაპრალები იყო, ახლა რაოდენობამაც იმატა და არსებული ნაპრალებიც გაფართოვდა, ზოგიერთ ადგილას მეწყრული პროცესებიც გააქტიურდა.  

1 მარტამდე დასავლეთ საქართველოში მოსალოდნელია თბილი და უნალექო ამინდი. 28 თებერვალს ზოგან იქროლებს აღმოსავლეთის მიმართულების ძლიერი, დროგამოშვებით ძალიან ძლიერი ქარი. ინფორმაციას გარემოს ეროვნული სააგენტო ავრცელებს. თბილისში – 28 თებერვალს უნალექო ამინდი იქნება. ჰაერის ტემპერატურა ღამით -1, -3, დღისით +7, +9 გრადუსია მოსალოდნელი. სანაპირო რაიონებში (ბათუმი, ქობულეთი, ანაკლია, ფოთი): თბილი და უნალექო ამინდი იქნება. 28 თებერვალს ანაკლია-ფოთის მიდამოებში იქროლებს აღმოსავლეთის მიმართულების ძლიერი ქარი. ჰაერის ტემპერატურა დღისით +17, +19 გრადუსი დაფიქსირდება. დასავლეთ საქართველოს დაბლობ რაიონებში (ქუთაისი, ზესტაფონი, ზუგდიდი, მარტვილი, ოზურგეთი): უნალექო ამინდი იქნება. 28 თებერვალს იქროლებს აღმოსავლეთის მიმართულების ძლიერი, დროგამოშვებით ძალიან ძლიერი ქარი. ჰაერის ტემპერატურა დღისით…

საქართველოს პროკურატურამ წინასწარი შეთანხმებით ჯგუფის მიერ დიდი ოდენობით ქრთამის აღების ფაქტზე, წალენჯიხის მუნიციპალიტეტის მერიის ორ თანამშრომელს ბრალდება წარუდგინა. სახელმწიფო უსაფრთხოების სამსახურის ანტიკორუფციული სააგენტოს მიერ ჩატარებული გამოძიებით დადგინდა, რომ 2024 წლის თებერვალში, წალენჯიხის მუნიციპალიტეტის მერიის ეკონომიკისა და ინფრასტრუქტურის განვითარების სამსახურის, დარგობრივი ეკონომიკის, ქონების მართვისა და სტატისტიკის განყოფილების უფროსმა და საფინანსო-საბიუჯეტო სამსახურის, საფინანსო ზედამხედველობისა და ბუღალტრული აღრიცხვის განყოფილების უფროსმა სპეციალისტმა,  მუნიციპალიტეტის ტერიტორიაზე მდებარე 1550 კვ.მ მიწის ნაკვეთის აუქციონზე გატანის სანაცვლოდ, მოქალაქეს ქრთამის სახით მოსთხოვეს და გამოართვეს 20 000 ლარი. სამართალდამცველებმა ბრალდებულები 26 თებერვალს დააკავეს. მათ ბრალდება საქართველოს სისხლის სამართლის კოდექსის 338-ე მუხლის…

ანტიკორუფციული ბიურო საქართველოს პარლამენტისა და თბილისის საკრებულოს ოპოზიციონერი დეპუტატების ქონებრივი დეკლარაციის შემოწმებას გეგმავს. ბიუროს მიერ გავრცელებულ სიაში 30 ოპოზიციონერია: თეონა აქუბარდია – საქართველოს პარლამენტის წევრი სალომე სამადაშვილი – საქართველოს პარლამენტის წევრი გელა მიქაძე – საქართველოს პარლამენტის წევრი ალექსანდრე მოწერელია – საქართველოს პარლამენტის წევრი ტარიელ ნაკაიძე – საქართველოს პარლამენტის წევრი ანა ნაცვლიშვილი – საქართველოს პარლამენტის წევრი ჰერმან საბო – საქართველოს პარლამენტის წევრი ხათუნა სამნიძე – საქართველოს პარლამენტის წევრი გუბაზ სანიკიძე – საქართველოს პარლამენტის წევრი დავით უსუფაშვილი – საქართველოს პარლამენტის წევრი ბაჩუკი ქარდავა – საქართველოს პარლამენტის წევრი ანა წითლიძე – საქართველოს პარლამენტის…

გორთან მამაკაცს მატარებელი დაეჯახა. ის ადგილზე გარდაიცვალა. ,,თბილისი-ფოთის მატარებელი იყო. მამაკაცს ხიდისთავთან დაეჯახა. გარდაცვლილი 34 წლისაა“, – უთხრა ერთ-ერთმა თვითმხილველმა “მოზაიკას”. მომხდარზე შსს-მ გამოძიება 275-ე მუხლის მეოთხე ნაწილით დაიწყო, რაც სარკინიგზო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

საგარეო საქმეთა სამინისტრო ოკუპირებული აფხაზეთის ე.წ. პრეზიდენტისა და ე.წ. საგარეო საქმეთა მინისტრის განცხადებას ეხმაურება, რომელიც ჟენევის დისკუსიების სხვა ადგილას გადატანას შეეხება. ,,ჟენევის საერთაშორისო მოლაპარაკებების ფორმატი წარმოადგენს მნიშვნელოვან პლატფორმას, სადაც ქართული მხარე, საერთაშორისო პარტნიორებთან ერთად მიზნად ისახავს, პროგრესს მიაღწიოს ისეთ უმნიშვნელოვანეს საკითხებზე, როგორიც არის 2008 წლის 12 აგვისტოს ცეცხლის შეწყვეტის შეთანხმების შესრულება, ჰუმანიტარული საკითხები და იძულებით გადაადგილებულ პირთა დაბრუნება. საქართველო განაგრძობს და მომავალშიც გააგრძელებს ამ მიზნით ძალისხმევას ჟენევის საერთაშორისო მოლაპარაკებებში და ემზადება მომდევნო რაუნდისთვის,” – აღნიშნულია საგარეოს განცხადებაში.

UFC-ის ქართველი მებრძოლი მერაბ დვალიშვილი სოციალური ქსელის საშუალებით მიმართვას ავრცელებს: „გამარჯობა მეგობრებო. როგორც იცით, ჩემს მიმართ, ბოროტი ადამიანებისგან წამოვიდა ცილისწამება და აბსურდული ბრალდებები ჩემი სახელისა და რეპუტაციის შელახვის მიზნით, რამაც ძალიან იმოქმედა ჩემს ოჯახზე, ნათესავებსა და გულშემატკივრებზე. ჩემს მშობლებს ნერვიულობის ნიადაგზე სერიოზული ჯანმრთელობის პრობლემები დაეწყოთ. აქამდე ვიკავებდი თავს და არ მინდოდა ამ პროვოკაციებზე პასუხის გაცემა. ეხლა კი იძულებული ვარ მოგმართოთ და დაგამშვიდოთ. ვინც მე მიცნობს, ემიგრაციასა და საქართველოში, ყველამ კარგად იცის, რომ მე არასდროს არ ჩამიდენია ისეთი საქციელი, რაც შეარცხვენდა ჩემს გვარს, ჩემს ოჯახს და ჩემს სამშობლოს. მე არასდროს, ჩემს…