დღე: ნოემბერი 29, 2023

შეიხ მანსურის ბატალიონის კურატორად ჩეჩნეთის უფროსის ადამ კადიროვის ვაჟი დაინიშნა, – ამის შესახებ სახელმწიფო სათათბიროს დეპუტატმა ადამ დელიმხანოვმა ტელეგრამის არხზე განაცხადა. ადამ კადიროვს, რომელსაც 24 ნოემბერს 16 წელი შეუსრულდა, ბოლო რამდენიმე თვის განმავლობაში მიიღო ჩეჩნეთის გმირის წოდება და რამდენიმე ორდენი, რომელიც მას რუსეთის ზოგიერთი რეგიონის ხელისუფლებამ მიანიჭა. ადამ კადიროვმა ჯილდოებისა და ჩეჩნეთის მთავრობის სტრუქტურებში თანამდებობის მიღება მას შემდეგ დაიწყო, რაც გავრცელებულ ვიდეოში ყურანის დაწვაში ბრალდებულ აქტივისტს სცემდა. ვიდეო თვითონ რამზან კადიროვმა გაავრცელა და განაცხადა, რომ შვილით ამაყობს.

,,მე ვიყავი სტამბოლის მომლაპარაკებელი ჯგუფის წევრი, თუმცა მეც კი არ ვიცი ბოლომდე, რატომ შევწყვიტეთ მოლაპარაკებები,”- ამის შესახებუკრაინის პრეზიდენტის აპარატის ყოფილი მრჩეველმა, ალექსეი არესტოვიჩმა განაცხადა. მისი თქმით,  იმ ფონზე, როდესაც ნატო უკრაინას წევრად არ იღებს, ასობით ათასი უკრაინელის სიცოცხლის გაწირვა და ქვეყნის ნგრევა აზრს მოკლებულია. ,,მე ვიყავი სტამბოლის მომლაპარაკებელი ჯგუფის წევრი, თუმცა მეც კი არ ვიცი ბოლომდე, რატომ შევწყვიტეთ მოლაპარაკებები. არადა, სტამბოლის სამუშაო დოკუმენტი სულაც არ იყო ცუდი. ბევრი ამბობდა, NATO-ზე უარი არ შეიძლებოდა, თუმცა ვინ თქვა, რომ NATO წევრად გვიღებს? სამაგიეროდ, 300 000 ადამიანი ცოცხალი იქნებოდა და ნახევარი უკრაინა არ…

„დიდი შვიდეულის“ საგარეო საქმეთა მინისტრები „ჰამასს“მოუწოდებენ,  გაათავისუფლოს ყველა მძევალი და მხარი დაუჭიროს საბრძოლო მოქმედებების შეჩერებას. „ჩვენ მტკიცედ ვინარჩუნებთ ვალდებულებას, ვიმუშაოთ რეგიონის ყველა პარტნიორთან, რათა თავიდან ავიცილოთ კონფლიქტის შემდგომი ესკალაცია“, – ნათქვამია განცხადებაში. აშშ  მხარს უჭერს გაერთიანებული ერების ორგანიზაციის ძალისხმევას ამ პაუზის დროს ჰუმანიტარული დახმარების მიწოდების კოორდინაციისთვის.

ისრაელის პენიტენციურმა სამსახური ადასტურებს,  რომ ზავის პირობების გათვალისწინებით, 30 პალესტინელი პატიმარი გათავისუფლდა. ყველა პატიმარი გათავისუფლებულია ოფერის ციხიდან და იერუსალიმის დაკავების ცენტრიდან. ისრაელის პენიტენციური სამსახურის ცნობით, გათავისუფლებულ 30 მძევალს შორის არიან მამაკაცები და ქალები.  

ნატო-ს გენერალური მდივანი, იენს სტოლტენბერგი დასავლეთის ორმაგი სტანდარტების შესახებ ბრალდებებს პასუხობს და აცხადებს, რომ  საერთაშორისო სამართალი ყველა კონფლიქტში უნდა მოქმედებდეს, თუმცა ომი უკრაინასა და ღაზაში ძალიან განსხვავებულია. „მნიშვნელოვანია იმის აღიარება, რომ ღაზასა და უკრაინაში ვითარება ბევრ საკითხში განსხვავებულია. უკრაინა არასოდეს წარმოადგენდა საფრთხეს რუსეთისთვის, უკრაინას არასოდეს შეუტევია რუსეთისთვის, რუსეთის შეჭრა უკრაინაში იყო არაპროვოცირებული შეჭრა, ეს იყო სრულმასშტაბიანი შეჭრა სხვა ქვეყანაში”, – აღნიშნა სტოლტენბერგმა ალიანსის საგარეო საქმეთა მინისტრების შეხვედრის შემდეგ პრესკონფერენციაზე სიტყვით გამოსვლისას.