დღე: ივნისი 13, 2023

საქართველოს პრემიერ-მინისტრი, ირაკლი ღარიბაშვილი ევროპული საბჭოს პრეზიდენტს, შარლ მიშელს შეხვდება. როგორც ევროპის საბჭოს ვებგვერდზე გამოქვეყნებულ ინფორმაციაში აღნიშნული, შეხვედრა ხვალ, 14 ივნისს, ბრიუსელში გაიმართება. დამატებითი დეტალები შეხვედრის შესახებ ამ ეტაპზე უცნობია.

ხერსონის საოლქო-სამხედრო ადმინისტრაციის ხელმძღვანელის ოლექსანდრ პროკუდინის განცხადებით, წყლის დონის კლების ტენდენცია გრძელდება. მისი თქმით, 13 ივნისის დილის მდგომარეობით ხერსონის რეგიონში წყალდიდობის საშუალო დონე 2 მ 70 სმ-ს შეადგენს. ,,წყლის დონის კლების ტენდენცია გრძელდება, 13 ივნისის დილის მდგომარეობით წყალდიდობის საშუალო დონეა 2 მ 70 სმ, რაც 27 სმ-ით ნაკლებია წუხანდელთან შედარებით. მარჯვენა სანაპიროზე დატბორილია 3 600 სახლი 31 დასახლებაში”, – განაცხადა პროკუდინმა. ცნობისთვის, კახოვკის ჰიდროელექტროსადგურის აფეთქებას 10 ადამიანი ემსხვერპლა.

აშშ-ის სახელმწიფო მდივნის, ენტონი ბლინკენის განცხადებით, ვილნიუსში ნატო-ს სამიტზე მოსალოდნელია,  უკრაინას პოლიტიკური და პრაქტიკული მხარდაჭერის ძლიერი პაკეტი შესთავაზონ. მისი თქმით, ეს ძლიერ მესიჯს გაუგზავნის პუტინს. „ვფიქრობ, შეიძლება, ელოდოთ ნატო-ს სამიტზე უკრაინის მომავალი პოლიტიკური და პრაქტიკული მხარდაჭერის ძლიერი პაკეტის ხილვას. ვფიქრობ, ეს პრეზიდენტ პუტინს გაუგზავნის ძლიერ გზავნილს, რომ ის უბრალოდ ვერ დაგველოდება, რადგან ჩვენ ყველა აქ ვრჩებით. ჩვენ მტკიცედ ვართ. უკრაინელ ხალხს, ყველა ჩვენგანს სურს მშვიდობა, თუმცა კიდევ ერთხელ აღვნიშნავ, ის უნდა იყოს სამართლიანი და გრძელვადიანი”, – განაცხადა ენტონი ბლინკენმა.  

,,ვინარჩუნებთ და ვაძლიერებთ ჩვენს საოპერაციო დომინანტობას. მე განსაკუთრებით მადლობელი ვარ ბახმუტისთვის, რადგან ჩვენ ამ ზონაში კონტროლს ვზრდით”,- ამის შესახებ უკრაინის პრეზიდენტმა ვოლოდიმირ ზელენსკიმ საღამოს ტრადიციულ ვიდეომიმართვაში განაცხადა. მისი თქმით, სასტიკი ბრძოლები მიმდინარეობს, თუმცა უკრაინის ძალები წინ მიდიან. ,,სასტიკი ბრძოლებია, მაგრამ ჩვენ წინ მივდივართ და ეს ძალიან მნიშვნელოვანია. მტრის დანაკარგები ზუსტად ის არის, რაც ჩვენ გვჭირდება. მიუხედავად იმისა, რომ ამ დღეებში არახელსაყრელი ამინდია და წვიმები ართულებს ჩვენს ამოცანას – ჩვენი მეომრების სიძლიერე შედეგს მაინც იძლევა. მადლობას ვუხდი ყველას, ვინც ახლა ბრძოლაშია, ყველას, ვინც მხარს უჭერს ჩვენს საბრძოლო ბრიგადებს შესაბამის რაიონებში. მადლობა…

საქართველოს აშშ-ის ჯორჯიის შტატის გუბერნატორი ბრაიან პ. კემპი ეწვევა. გუბერნატორი საქართველოში მეუღლესთან, მარტი კემპისთან ერთად ჩამოვა. აშშ-ის საელჩოს ინფორმაციით, გუბერნატორი და პირველი ლედი მარტი კემპი უხელმძღვანელებენ ოფიციალურ დელეგაციას  საერთაშორისო მისიით, რომელიც დაიწყება საქართველოს დედაქალაქში, თბილისში და დასრულდება პარიზში, საფრანგეთში. ეს არის პირველი შემთხვევა, როდესაც მოქმედი ამერიკელი გუბერნატორი სტუმრობს საქართველოს, რათა ხაზი გაუსვას ამერიკის ერთგულებას მის მიმართ, განსაკუთრებით მეზობელი რუსეთის ტერიტორიული აგრესიის ფონზე. ვიზიტის მიზანია განამტკიცოს სტრატეგიული პარტნიორობა ევროპულ ინდუსტრიებთან ეკონომიკური შესაძლებლობების ხელშეწყობის გზით. „მოუთმენლად ველი საქართველოში დისლოცირებული ეროვნული გვარდიის მამაც წევრებსა და საქართველოს ოფიციალურ პირებთან შეხვედრას, რათა განვამტკიცოთ ჩვენი ერთგულება სამხედრო…

რუსეთმა გვიან ღამით კიევს საკრუიზო რაკეტებით შეუტია. რუსეთის ძალებმა სარაკეტო თავდასხმა განახორციელეეს კრივოი როგზეც. დნეპროპეტროვსკის რეგიონის სამხედრო ადმინისტრაციის ხელმძღვანელის, სერგეი ლისაკის ინფორმაციით,  ღამით განხორციელებული თავდასხმის შედეგად 3 ადამიანი დაიღუპა, 25 დაშავდა. ,,დაშავებულია 25 ადამიანი, მათგან 19 საავადმყოფოშია გადაყვანილი. ნანგრევების ქვეშ ისევ ხალხია. პირველიდან მეხუთე სართულამდე ბინები იწვის. ხანძარმა 700 კვადრატული მეტრი ფართობი მოიცვა. მაშველები მუშაობენ”, – აცხადებს ლისაკი. მისივე თქმით, დანგრეული საწყობის ნანგრევების ქვეშ სავარაუდოდ ადამიანები იმყოფებოდნენ. მათ მაშველები ეძებენ.