,,ევროკავშირის დროშა კიდია საქართველოს პარლამენტის წინ. ვისაც უნდა, რომ დაინახოს, დაე, გაახილოს თვალები,” – ამის შესახებ პარლამენტის თავმჯდომარემ, შალვა პაპუაშვილმა განაცხადა. მისი თქმმით, ქალაქი სავსეა ქართული დროშებით და ეს უხარია ქართველ ხალხს.
„ეს არის ხალხი, რომელსაც არ აქვს აღქმა, რა არის დამოუკიდებლობა, თავისუფლება, სამშობლო, რა არის, იყო პასუხისმგებლიანი მოქალაქე თუ პოლიტიკოსი. ესენი არიან პასუხისმგებლობისგან და სამშობლოს განცდისგან დაცლილი ადამიანები. ამიტომ არც კი ღირს ამ ადამიანებთან კამათში შესვლა. გუშინაც ვთქვი, რომ დღეს ჩვენი ქალაქი სავსეა ქართული დროშებით და ეს უხარია ქართველ ხალხს. რაც შეეხება ევროკავშირის დროშას, ევროკავშირის დროშა კიდია საქართველოს პარლამენტის წინ. ვისაც უნდა, რომ დაინახოს, დაე, გაახილოს თვალები. ვისაც არ უნდა, რომ დაინახოს, მას რაც არ უნდა დროშები უფრიალო წინ, მაინც ვერ დაინახავს. ეს არის მთავარი საკითხი, რომ მათ უნდათ, რაიმენაირად ეს დღე ჩააშხამონ ქართულ საზოგადოებას. კიდევ ერთხელ, მე ყველას ვულოცავ ამ დღეს, ბოლომდე ვიზეიმოთ, ეს დღე ჩვენია, არავის წავართმევინოთ ეს დღე“, – განაცხადა შალვა პაპუაშვილმა.
