დღე: აპრილი 11, 2023

სამხრეთ კორეის საპრეზიდენტო ოფისი აცხადებს, რომ სამხრეთ კორეისა და შეერთებული შტატების თავდაცვის მინისტრები შეთანხმდნენ, რომ პენტაგონის გაჟონილ დოკუმენტებში ინფორმაციის „საკმაოდ დიდი რაოდენობა“  გაყალბებულია. სამხრეთ კორეა აცხადებს, რომ მათმა თავდაცვის მინისტრმა სამშაბათს დილით ისაუბრა ამერიკელ კოლეგა, ლოიდ ოსტინთან. „აშშ-ს მთავრობის სავარაუდო მოსმენასთან დაკავშირებით, ორი ქვეყნის თავდაცვის მინისტრები შეთანხმდნენ, რომ „საკმაო რაოდენობის დოკუმენტები შეთხზული იყო“, – ნათქვამია პრეზიდენტის ოფისის განცხადებაში.  

უკრაინის გენშტაბის ინფორმაციით, ბოლო 24 საათის განმავლობაში უკრაინელებმა 5 მიმართულებით რუსების 52 შეტევა მოიგერიეს. უწყების ცნობით, ბოლო დღე-ღამეში რუსმა სამხედროებმა 39 საავიაციო და 7 სარაკეტო დარტყმა განახორციელეს. მათ შორის, 4 S-300-ის ტიპის რაკეტა ჩამოვარდა ქალაქ კრამატორსკში. ,,მიუხედავად ტექნიკისა და ცოცხალი ძალის მრავალრიცხოვანი დანაკარგისა, მტერი არ თმობს აგრესიულ ომს. ისინი აგრძელებენ ძირითადი ძალისხმევის ფოკუსირებას ლიმანის, ბახმუტის, ავდიივკასა და მარინკას ღერძებზე შეტევითი ოპერაციების განხორციელებაზე. გასულ დღეს ჩვენმა დამცველებმა მოიგერია მტრის 52-ჯერ შეტევა მითითებულ ღერძებზე,”- ნათქვამია გენშტაბის განცხადებაში. უწყების ინფორმაციით, ბოლო 24 საათს განმავლობაში, უკრაინის ავიაციამ 8 საჰაერო დარტყმა განახორციელა მტრის ცოცხალი ძალისა…

უკრაინის პრემიერმინისტრი დენის შმიგალი ოფიციალური ვიზიტით კანადაში ჩავიდა. შმიგალი ორმხრივ შეხვედრას გამართავს კანადის პრემიერ-მინისტრთან, ჯასტინ ტრუდოსთან. შეხვედრას შეუერთდებიან ვიცე-პრემიერი და ფინანსთა მინისტრი კრისტია ფრილანდი და საგარეო საქმეთა მინისტრი მელანი ჯოლი და ეროვნული თავდაცვის მინისტრი ანიტა ანანდი. ,,ახლა ჩვენ გვჭირდება მძიმე ჯავშანტექნიკა. ჩვენ გვჭირდება მეტი საარტილერიო ჭურვები: საბრძოლო მასალა ჰაუბიცებისთვის და საბრძოლო მასალა ტანკებისთვის. ეს ძალიან მნიშვნელოვანია კონტრშეტევის ორგანიზებისთვის”, – განაცხადა დენის შმიგალმა კანადურ გამოცემასთან ინტერვიუში.

უკრაინის შეიარაღებული ძალების გენერალური შტაბის ინფორმაციით, რუსეთმა ომში დაახლოებით 179 320 ჯარისკაცი დაკარგა. გენშტაბის ცნობით, ოკუპანტების სამხედრო დანაკარგი ასეთია:​  ჯარისკაცი – დაახლოებით 179 320; ​ტანკი – 3 644; ჯავშანტექნიკა – 7 038; საარტილერიო სისტემა – 2 765; სარაკეტო სისტემა – 535; საზენიტო საბრძოლო სისტემა – 293; თვითმფრინავები – 307; ვერტმფრენი – 292; ოპერატიულ-ტაქტიკური უპილოტო საფრენი აპარატი – 2 332; საკრუიზო რაკეტები – 911; საავტომობილო ტექნიკა და საწვავის ავზები – 5 620; გემი/ნავი/კატარღა – 18;  ​ სპეციალური აღჭურვილობა – 316.

უკრაინის თავდაცვის მინისტრის ოლექსეი რეზნიკოვის გამცხადებით, უკრაინის ტერიტორიების გაწმენდას ათეულობით წელი და მინიმუმ 5 000 სპეციალისტი დასჭირდება. ,,დაგვჭირდება მინიმუმ 5 000  სპეციალისტი, რომლებიც განაღმვით იმუშავებენ. ეს ეფუძნება ვარაუდს, რომ სპეციალისტები სხვა ქვეყნებიდანაც ჩამოვლენ. ეს მეტყველებს ხორვატიის გამოცდილებაზე. ომი იქ დასრულდა 28 წლის წინ და ეს ტერიტორია სრულად არ განაღმულა. ქვეყანა ბოლომდე არ განიღვრება, წელიწადში საშუალოდ 50 კვადრატული კილომეტრი შეიძლება გაინაღმოს და ჩვენი ომი ისევ გრძელდება”, – განაცხადა რეზნიკოვმა.  

უკრაინამ რუსეთის ტყვეობიდან  100 მებრძოლი დაიბრუნა. ამის შესახებ ინფორმაციას უკრაინის პრეზიდენტის ადმინისტრაციის ხელმძღვანელი ანდრეი ერმაკი ავრცელებს. ,,შევძელით ჩაგვეტარებინა კიდევ ერთი ტყვეების გაცვლა. უკან ვაბრუნებთ 100 ადამიანს. ესენი არიან სამხედროები, მეზღვაურები, სასაზღვრო პოლიციის თანამშრომლები და ეროვნული გვარდიის წევრები. მათ შორის არიან მარიუპოლში, აზოვსტალის მცველები. ზოგიერთი მათგანი არიან სერიოზულად დაშავებული. ყველაფერს გავაკეთებთ, რომ მათ ყველანაირად დავეხმაროთ”, – განაცხადა ანდრეი ერმაკმა.