თეთრი სახლის ინფორმაციით, რუსეთი ძალას იკრებს და გაზაფხულზე უკრაინაში მორიგ შეტევას ამზადებს. თეთრი სახლის სტრატეგიული კომუნიკაციების კოორდინატორის (ეროვნული უსაფრთხოების საკითხებში) ჯონ კირბის განცხადებით, რუსეთს უკრაინელების დასუსტების იმედი აქვს.
მისივე ინფორმაციით, რუსული გეგმის საპასუხოდ, აშშ და უკრაინის სხვა პარტნიორი ქვეყნები სამხედრო დახმარებას გაზრდიან, რომ უკრაინის შეიარაღებული ძალები რუსების გეგმებს მომზადებული შეხვდნენ.
