2012 წლიდან მოყოლებული, „ნაცმოძრაობა“, მათ შორის კოლექტიური „ნაცმოძრაობა“, გამუდმებით საუბრობს, რომ იგებენ არჩევნებს, მარცხდება „ქართული ოცნება“, თუმცა მათ უკვე რვა არჩევნები წააგეს და აუცილებლად წააგებენ მეცხრე, მეათე და გარანტირებულად ასევე მეთერთმეტე არჩევნებს – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.
„ყოველი არჩევნების წინ ისინი არწმუნებენ საკუთარ მხარდამჭერებს, რომ მოიგებენ, თუმცა შემდეგ საკუთარ ამომრჩევლებში იწვევენ იმედგაცრუებას. ამით ალბათ თავიანთი მხარდამჭერებიც დაიღალნენ და ერთ-ერთი მიზეზი, რატომაც მათი რეიტინგი არის შემცირებული, სწორედ ეს იმედგაცრუებაა. უკვე მათ მხარდამჭერებსაც აღარ სჯერათ კოლექტიური „ნაცმოძრაობის“ გამარჯვების. რვაჯერ მოატყუეს, რომ იგებნენ არჩევნებს და რვაჯერ წააგეს არჩევნები. რა თქმა უნდა, მეცხრედაც აუცილებლად წააგებენ შემდეგ არჩევნებს“, – განაცხადა ირაკლი კობახიძემ.
