სენატის ასიგნებების კომიტეტში მოსმენაზე ამერიკის სახელმწიფო მდივანს, ენტონი ბლინკენს დემონსტრანტებმა გამოსვლა რამდენჯერმე შეაწყვეტინეს.
ბლინკენის გამოსვლის დაწყებიდან მალევე, დარბაზში გაისმა შეძახილები: „ცეცხლის შეწყვეტა ღაზის სექტორში“, „გადაარჩინეთ ბავშვები ღაზის სექტორში“, „პალესტინიდან მექსიკამდე ყველა კედელი უნდა დაინგრეს“.
დემონსტრანტების ნაწილს ხელები წითლად ჰქონდა შეღებილი.
