დღე: აგვისტო 18, 2023

შოვში დაღუპული სოფო ბაკურაძის შვილს, 4 წლის ლუსის, ხალხმა ბინის ფული შეუგროვა. ამის შესახებ ინფორმაციას “რადიო თავისუფლება” ავრცელებს. ლუსის დედა, სოფო ბაკურაძე შოვში სტიქიის შედეგად დაიღუპა. სოფო მარტოხელა დედა იყო, შოვში კი კოტეჯების დამლაგებლად მუშაობდა. ლუსიზე მეურვეობის აღებას ოჯახი აპირებს.   „ბავშვის როგორ უნდა ვუთხრათ, არც ვიცით, ჯერ ვერც გაიგებს. რამდენიმე ფსიქოლოგს ვესაუბრე, კიდევ დავუკავშირდები მომავალში. 23 წლის იყო ჩემი და. ამ ასაკში იწყებს ხალხი ცხოვრებას. მხოლოდ ბავშვი დატოვა, სამი წელიც ვერ მოასწრო მასთან ყოფნა.ხატვა უყვარდა. სკოლის მერე სამხატვრო აკადემიაში უნდოდა ჩაბარება, მაგრამ ბოლო გამოცდაზე დააგვიანდა და ის წელი გაუცდა.…

18 აგვისტოს საქართველოს ეროვნული გმირის, გიორგი ანწუხელიძის დაბადების დღეა. მას 39 წელი შეუსრულდებოდა. გიორგი ანწუხელიძე 2008 წლის ომში რუსებს ტყვედ ჩაუვარდა. ის სასტიკი წამებით მოკლეს. ანწუხელიძეს ეროვნული გმირის წოდება 2013 წლის 15 აპრილს მიენიჭა, ის, ასევე დაჯილდოებულია, სიკვდილის შემდეგ, ვახტანგ გორგასლის I ხარისხის ორდენით და საქართველოს თავდაცვის სამინისტროს უწყებრივი მედლით “სამშობლოსათვის თავდადებული”.

შოვში, სტიქიის ზონაში, 15 აგვისტოს ნაპოვნი ცხედარი სალომე ხეთაგურს ეკუთვნის.   სალომე ხეთაგური სტიქიის ზონაში მეგობრებთან ერთად იმყოფებოდა, რომელთაგან ერთ-ერთს, გვანცა ბუბაშვილს ამ დრომდე ეძებენ. გოგონას ახლობლები და მეგობრები ემშვიდობებიან. „ხანდახან უდიდეს ტკივილშიც კი გაგაოცებს ბუნება… მაშინ, როცა ამდენი სულის შემძვრელი ინფორმაცია მოდის შოვიდან. ძალა აღარ გაქვს მოისმინო… ელოდები. იქნებ იპოვონ შენი ოჯახის წევრი მიცვალებული მაინც… გიჭირს იმის გაფიქრება, ფრაგმენტები (რა საშინელი სიტყვაა) არ იყოს ცალ-ცალკე. ჩემო სალომე (ხეთაგური) შენი მხიარული სახე კი ჩააქრო ბოროტმა სიკვდილმა, მაგრამ ისეთი ლამაზი იყავი, ღმერთსაც კი შეეცოდე და ამ ჯოჯოხეთში სრულყოფილი დაგვიბრუნდები სახლში შენს სახლში…