დღე: ივნისი 20, 2023

20-21 ივნისის აქციის დარბევსიას დაზარალებული პირის სასარგებლოდ, თბილისის საქალაქო სასამართლომ თითქმის 2.5 წლიანი განხილვის შემდეგ მიიღო გადაწყვეტილება, რომლითაც სარჩელი ნაწილობრივ დაკმაყოფილდა და მოპასუხე საქართველოს შინაგან საქმეთა სამინისტროს დაეკისრა მისთვის მორალური ზიანის ანაზღაურება 30 000 ლარის ოდენობით. ამის შესახებ ინფორმაციას საქართველოს ახალგაზრდა იურისტთა ასოციაცია ავრცელებს. მათივე ცნობით, შრომისუნარიანობის შემცირების გამო ყოველთვიური სარჩოს სახით  შსს-ს დაეკისრა 1155 ლარის გადახდა 2019 წლის 21 ივნისიდან სიცოცხლის ბოლომდე. ,,ამ საქმეზე სასამართლოს მიერ მიღებული გადაწყვეტილება არის მნიშვნელოვანი იმ თვალსაზრისით, რომ ერთი მხრივ, დადგინდა სახელმწიფოს მიერ მოსარჩელესთან მიმართებით უკანონო და არაპროპორციული ძალის გამოყენების ფაქტი. ამასთან, ქართულ სასამართლო პრაქტიკაში…

“ტაბულას” ჟურნალისტის ინფორმაციით,  ლევან ბერძენიშვილს თავს დაესხნენ. მისივე თქმით, ახალგაზრდა ბიჭმა ბერძენიშვილს კვერცხები ესროლა. ,,5 წუთის წინ ჭავჭავაძეზე ჩემ თვალწინ დაესხნენ თავს ლევან ბერძენიშვილს – ახალგაზრდა ბიჭმა კვერცხები ესროლა და მონა ეძახა”, – წერს ცისია კირვალიძე სოციალურ ქსელში.  

კლინიკა „ვივა მედის“ გენერალური დირექტორი, ნინო ნადირაძე„ნაციონალური მოძრაობის“ წევრის, თინა ბოკუჩავას განცხადებას ეხმაურება. მისი თქმით, არაადამიანური მოპყრობის და წამების მსხვერპლი თავად და კლინიკის თანამშრომლები არიან. „უტიფრობასაც აქვს საზღვარი, ვითმენ, ვატარებ, რამდენი ხანი უნდა გაგრძელდეს? არაადამიანური მოპყრობის და წამების მსხვერპლი თუ ვინმეა მე და კლინიკის თანამშრომლები ვართ“, – წერს ნინო ნადირაძე. ცნობისთვის: ,,მიუხედავად იმისა, რომ სააკაშვილის მიმართ არაადამიანური მოპყრობა გრძელდება, ის ამბობს, რომ მზად არის, ქვეყნის პოლიტიკურ ცხოვრებაში ჩაერთოს, რაც მისასალმებელია.”

მოძრაობა „ხალხის ძალის“ განცხადებას ავრცელებს, რომლითაც საქართველოში აშშ-ის ელჩს, კელი დეგნანს მიმართავს.  როგორც განცხადებაშია აღნიშნული, საზოგადოებას აქვს საერთო წარმოდგენა იმის შესახებ, თუ ვისგან არიან მხარდაჭერილი ”მაპოლარიზებელი და აგრესიული ლიბერალ-ფაშისტური დაჯგუფებები.” „დაზუსტებით დღესაც არავინ იცის, ვინ, რისთვის და რა თანხით აფინანსებს „სირცხვილიას“, „ფრანკლინის კლუბს“, „გირჩს“, „დროას“ და სხვა აგრესიულ და მაპოლარიზებელ ლიბერალ-ფაშისტურ დაჯგუფებებს. შესაბამისად, საზოგადოებამ არც ის იცის, კონკრეტულად ვისგან და რა მოცულობით ფინანსდება რევოლუციური გეგმა, რომელზეც რადიკალური დაჯგუფებები დაუფარავად საუბრობენ. რეგიონში არსებული ურთულესი ვითარებისა და უკრაინაში მიმდინარე ომის ფონზე, რთული გამოსაცნობი არაა, რას ემსახურება საქართველოში სიმშვიდის დარღვევის ყველა მცდელობა. თუმცა, დარწმუნებული ვართ, რევოლუციური გეგმის ავტორები…