დღე: აპრილი 28, 2023

სუდანიდან საქართველოს მოქალაქეთა ევაკუაცია დასრულდა. დღეს სამშობლოში 13 საქართველოს მოქალაქე  დაბრუნდა. გუშინ ევაკუაციის პირველი ეტაპი ავიაკომპანიამ “Geo Sky”განახორციელა, რის შედეგადაც 20 მოქალაქე სუდანიდან სამშობლოში დაბრუნდა. სუდანიდან ეკიპაჟის წევრების ევაკუაცია ეგვიპტის საზღვრამდე განხორციელდა, საიდანაც ისინი დღეს საქართველოში დაბრუნდნენ. სუდანში 14 აპრილს დაწყებული სამხედრო დაპირისპირების დროს დროს სუდანში საქართველოს 35-მდე მოქალაქე იყო დარჩენილი. რამდენიმე დღის შემდეგ საქართველოს მოქალაქეების ევაკუაცია ეგვიპტეში განხორციელდა.

საქართველოს პროკურატურამ, სოციალური ქსელებისა და კომუნიკაციის სხვადასხვა საშუალებების გამოყენებით ჩადენილი თაღლითური სქემა გამოავლინა და სისხლისსამართლებრივი დევნა ერთი პირის მიმართ დაიწყო. ,,საქმეზე ჩატარებული გამოძიებით დადგინდა, რომ ბრალდებული სოციალური ქსელითა და კომუნიკაციის სხვადასხვა საშუალებებით დაუკავშირდა საქართველოს მოქალაქეებს, რომლებსაც გაეცნო გამოგონილი სახელებით, შევიდა მათთან ნდობაში და თითქოსდა აშშ-ში გამგზავრების, ასევე ესტონეთისა და ლიეტუვას რესპუბლიკების სამუშაო ვიზების მიღებაში დახმარების გაწევის სანაცვლოდ, დიდი ოდენობით ფულადი თანხები მოსთხოვა. პარალელურ რეჟიმში ბრალდებულმა მოიძია საქართველოში კრიპტოვალუტით მოვაჭრე პირები, რომლებსაც ყალბი ფეისბუქ-პროფილებით დაუკავშირდა და კრიპტოვალუტის შეძენაზე შეუთანხმდა. ბრალდებულმა ვითომდა გასაწევი მომსახურების სანაცვლოდ, დაზარალებულებს დიდი ოდენობით ფულადი თანხები მის მიერ…

რუსთავში, ერთ-ერთ კორპუსში 25 წლამდე მამაკაცი ბუნებრივი აირის ნამწვით გარდაიცვალა. ამის შესახებ ინფორმაციას ,,ინფო რუსთავი” ავრცელებს. მათივე ცნობით, ბინაში ბუნებრივი აირის ნამწვი წყლის გამათბობლიდან დაგროვდა. ახალგაზრა მამაკაცი ოჯახის წევრების ზარებს არ პასუხობდა, რის შემდეგაც მაშველები გამოიძახეს. ბინაში  სამართალდამცველებს ახალგაზრდა გარდაცვლილი დახვდათ.