დღე: დეკემბერი 19, 2022

უკრაინის ეროვნული უსაფრთხოებისა და თავდაცვის საბჭოს მდივანი ოლექსი დანილოვის განცხადებით, რუსებს დარჩენილი აქვთ რაკეტების მარაგი 3-4 თავდასხმისთვის. მისი თქმით, ამის შემდეგ მარაგი ამოეწურებათ. „თუ გავითვალისწინებთ იმ დიდ თავდასხმებს, რაც უკვე განვახორციელეთ, მაშინ მათ დარჩათ მაქსიმუმ ორი-სამი, შესაძლოა ოთხი, შეტევა, მაგრამ შემდეგ ისინი მთლიანად რაკეტების გარეშე დარჩებიან, რაც მიუღებელია, რადგან შეიძლება ჰქონდეთ სრულიად განსხვავებული გამოწვევები და მათ რეზერვი მაინც უნდა დაიტოვონ“, – განაცხადა დანილოვმა.  

ირანის საგარეო საქმეთა სამინისტროს განცხადებით, თეირანი არ ითხოვს ნებართვას არავისგან რუსეთთან ურთიერთობების გასაფართოებლად. ირანის საგარეო საქმეთა სამინისტროს პრესსპიკერის ნასერ კანანის თქმით,  თეირანი „დამოუკიდებლად მოქმედებს თავისი საგარეო ურთიერთობების რეგულირებაში და არავისგან ნებართვას არ ითხოვს“. დასავლური ქვეყნები ადანაშაულებენ ირანს რუსეთს უპილოტო თვითმფრინავების მიწოდებაში, რომლებიც სავარაუდოდ გამოიყენება უკრაინაზე თავდასხმისთვის და სანქციები დაუწესეს თეირანს, რომელიც უარყოფს ბრალდებებს. აშშ-ის ცენტრალური სადაზვერვო სააგენტოს ხელმძღვანელის, უილიამ ბერნსის განცხადებით,  ირანსა და რუსეთს შორის სამხედრო თანამშრომლობა „ნამდვილ საფრთხეს უქმნის“ აშშ-ის მოკავშირეებს ახლო აღმოსავლეთში.  

უკრაინის ხელისუფლება ომის შეწყვეტასთან დაკავშირებით აშშ-ის ყოფილი სახელმწიფო მდივნის, ჰენრი კისინჯერის განცხადებას ეხმიანება და აკრიტიკებს. უკრაინის პრეზიდენტის ადმინისტრაციის მრჩეველის მიხაილო პოდოლიაკის განცხადებით, ”ნჯერმა ვერაფერი გაიგო”. „ბატონმა კისინჯერმა ვერაფერი გაიგო… ვერც ამ ომის ბუნების და ვერც მისი გავლენის შესახებ მსოფლიო წესრიგზე. რეცეპტი, რომელსაც ყოფილი სახელმწიფო მდივანი აყალიბებს, მაგრამ ხმამაღლა თქმის ეშინია, მარტივია: დაამშვიდე აგრესორი უკრაინის ნაწილის შეწირვით აღმოსავლეთ ევროპის სხვა სახელმწიფოების წინააღმდეგ თავდაუსხმელობის გარანტიებისთვის“, – განაცხადა პოდოლიაკმა. ცნობისთვის, ჰენრი კისინჯერმა განაცხადა, რომ უკრაინაში მშვიდობაზე მოლაპარაკებების დრო დგება და რომ ეს აუცილებელია, რათა კიდევ ერთი კატასტროფული მსოფლიო ომის საფრთხე შემცირდეს.

უკრაინის პრეზიდენტის, ვოლოდიმირ ზელენსკის განცხადებით, რუსი ოკუპანტები ყველაფერს აკეთებენ, რომ ქალაქ ბახმუტში ერთი მთლიანი კედელიც არ დარჩეს. მისი თქმით, თუ პარტნიორი ქვეყნები უკრაინას საჰაერო თავდაცვის თანამედროვე სისტემებს საკმარისად მიაწოდებენ, რუსეთის ტერორის მთავარი იარაღი განეიტრალდება. „ჩვენ უკვე ვამზადებთ სპეციალურ სამიტს ამ ზამთარში, სამიტი მშვიდობისთვის, ჩვენი ქვეყნისა და ნებისმიერი სხვა ხალხისთვის, ვინც შეიძლება, დაექვემდებაროს იმავე აგრესიას, იმავე ტერორს, რომელიც რუსეთმა შემოიტანა ჩვენს მიწაზე. უკრაინული მშვიდობის ფორმულა არის ნათელი წერტილი, რომელსაც შეუძლია, შექმნას უსაფრთხოების ახალი არქიტექტურა, რომელიც გლობალურად მნიშვნელოვანია. რაღაც, რაც მთელ ჩვენს უკრაინულ მიწას, მთელ ჩვენს ხალხს თავისუფლებას დაუბრუნებს და რაც იქნება…