ხანძარია ბათუმში, აღმაშენებლისა და კობალაძის ქუჩების კვეთაზე.
ცეცხლი დაახლოებით ნახევარი საათის წინ რესტორან „ვოქსში“ გაჩნდა, რომელიც მრავალსართულიანი კორპუსის ბოლო სართულზე მდებარეობს. ამ დროისთვის ცეცხლი მთელ რესტორანს მოედო.
ადგილზე სახანძრო-სამაშველო ჯგუფები იმყოფებიან. კორპუსიდან მოსახლეობის ევაკუაცია მიმდინარეობს.
მედიის ინფორმაციით, შენობიდან ცვივა ცეცხმოკიდებული სამშენებლო მასალები.
გავრცელებული ინფორმაციით, შენობაში რემონტი მიმდინარეობდა და ხანძრის მომენტში რესტორანში არავინ იმყოფებოდა.
