დღე: მაისი 8, 2023

სერბეთის განათლების მინისტრმა ბრანკო რუზიჩმა ბელგრადის ერთ-ერთ სკოლაში განხორციელებული მასობრივი სროლის შემდეგ თანამდებობა დატოვა. ამის შესახებ ბრანკო რუზიჩმა სოციალურ ქსელ ტვიტერში დაწერა. „სამდღიანი ეროვნული გლოვის ბოლოს, როგორც პასუხისმგებელი და განათლებული ადამიანი, პროფესიონალი ყველა წინა საჯარო მოვალეობის შესრულებისას, როგორც მშობელმა და სერბეთის მოქალაქემ, მე მივიღე ერთადერთი რაციონალური და საპატიო გადაწყვეტილება ამ ვითარებაში“, – დაწერა ბრანკო რუზიჩმა. ცნობისთვის, სროლა ბელგრადის სკოლაში 3 მაისს მოხდა.   მე-7 კლასის მოსწავლემ ცეცხლსასროლი იარაღით 9 ადამიანი მოკლა, მათ შორის 8 ბავშვი და ერთი დაცვის თანამშრომელი. გავრცელებული ინფორმაციით, 13 წლის მოზარდი  თავდასხმას  კვირების განმავლობაში გეგმავდა.

თურქეთის საგარეო საქმეთა მინისტრის, მევლუთ ჩავუშოღლუს განცხადებით, თურქეთმა უარი თქვა აშშ-ის შეთავაზებაზე, უკრაინისთვის რუსეთისგან შეძენილი სარაკეტო თავდაცვის სისტემა „S-400“ გადაეცა. მისი თქმით, შეერთებული შტატები სთავაზობდა თურქეთს, რუსეთისგან შეძენილ სარაკეტო სისტემაზე კონტროლი გადაეცა აშშ-სთვის ან სხვა ქვეყნისთვის, მაგალითად, უკრაინისთვის, რომელიც ცდილობს, წინააღმდეგობა გაუწიოს რუსეთს. ჩავუშოღლუს თქმით, ეს წინადადება თურქეთისთვის მიუღებელია, რადგან თურქეთის სუვერენიტეტის ხელყოფას ისახავს მიზნად. „ამერიკის შეერთებულმა შტატებმა გვთხოვა „S-400”-ების გაგზავნა უკრაინაში და ჩვენ უარი ვუთხარით“,- განაცხადა ჩავუშოღლუმ. თურქული მედიის ცნობით,  2017 წელს, მას შემდეგ, რაც აშშ-სგან საჰაერო თავდაცვის სისტემის მოპოვების ხანგრძლივი მცდელობა უშედეგო აღმოჩნდა, ხელი მოაწერა კონტრაქტს რუსეთთან უახლესი „S-400” ტიპის სარაკეტო…

უკრაინა პარტნიორებთან ერთად მუშაობს ახალი სამხედრო დახმარების მისაღებად, რომელიც ახლა ფრონტის ხაზზეა საჭირო და ამას უახლოეს მომავალში ელოდება, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. უკრაინის პრეზიდენტის თქმით, გასული კვირა უკრაინისთვის ძალიან ნაყოფიერად დასრულდა. „ეს კვირა უკრაინისთვის ძალიან ნაყოფიერად დასრულდა. ამ დღეებში კი აქტიურად ვემზადებით მაისისა და ივნისის ახალი ღონისძიებებისთვის. ეს დრო არანაკლებ ნაყოფიერი უნდა გავხადოთ როგორც ჩვენი ჯარისკაცებისთვის იარაღის მიწოდებაში, ასევე ჩვენს პარტნიორებთან მოლაპარაკებების დროს უკრაინისთვის გადაწყვეტილებებში. ჩვენს პარტნიორებთან ვსაუბრობთ იარაღზე, რომელიც დაგვეხმარება, გავაკეთოთ მეტი მშვიდობის აღსადგენად. დეტალურად ვამუშავებთ ახალ გეგმებს უკრაინის დასახმარებლად, ველოდებით მათ უახლოეს მომავალში, ზუსტად…

უკრაინის შეიარაღებული ძალების გენერალური შტაბის ინფორმაციით, რუსეთმა ომის დაწყებიდან დღემდე,  დაახლოებით 194 970 ჯარისკაცი დაკარგა. გენშტაბის ცნობით, რუსეთის სამხედრო დანაკარგი ასე გამოიყურება – ჯარისკაცი – დაახლოებით 194 970; ​ტანკი – 3 730; ჯავშანტექნიკა – 7 253; საარტილერიო სისტემა – 3 018; სარაკეტო სისტემა – 554; საზენიტო საბრძოლო სისტემა – 306; თვითმფრინავები – 308; ვერტმფრენი – 294; ოპერატიულ-ტაქტიკური უპილოტო საფრენი აპარატი – 2 614; საკრუიზო რაკეტები – 947; საავტომობილო ტექნიკა და საწვავის ავზები – 5 958; გემი/ნავი/კატარღა – 18; ​ სპეციალური აღჭურვილობა – 384.

რუსეთი კიევის ოლქს ღამით თავს დაესხა –   ხუთი ადამიანი დაშავდა, დაზიანდა მანქანები და საცხოვრებელი კორპუსი. ამის შესახებ ინფორმაციას უკრაინის შეიარაღებული ძალების გენერალურ შტაბი ავრცელებს. „8 მაისის ღამეს მტერი კვლავ შეუტია უკრაინის ტერიტორიას ირანული დამრტყმელი უპილოტო საფრენი აპარატების შაჰედის გამოყენებით. 35 თვითმფრინავიდან 35 ჩვენმა დამცველებმა გაანადგურეს“,- ნათქვამია ინფორმაციაში. უკრაინის შეიარაღებული ძალების შეიარაღებული ძალების ინფორმაციით, შუაღამისას, რუსები  თავს დაესხნენ ოდესის რეგიონს Tu-22m3 შორ მანძილზე ბომბდამშენებიდან, რომლებიც ახორციელებდნენ 8 გაშვებას კონცხის თარხანკუტის ტერიტორიიდან. (ოკუპირებული ყირიმი). რაკეტების ნაწილმა მიზანს ვერ მიაღწია.

,,ყველაზე უარესი რუსეთისთვის წინ არის – დამარცხება, დაშლა, სასამართლო პროცესი, კონტრიბუცია”,- ამის შესახებ უკრაინის ეროვნული უსაფრთხოებისა და თავდაცვის საბჭოს მდივანი, ოლექსი დანილოვი ტვიტერზე წერს. ,,ყველაზე დიდი “გეოპოლიტიკური კატასტროფა”, რომელზეც პუტინმა ისაუბრა, პროგნოზი აღმოჩნდა და არა ფაქტი. რუსეთისთვის კატასტროფა ახლა ხდება და ყველაზე უარესი წინ არის – დამარცხება, დაშლა, სასამართლო პროცესი, კონტრიბუცია”,- წერს დანილოვი.