დღე: იანვარი 4, 2023

4 იანვარს თურქეთის პრეზიდენტი რეჯეფ თაიფ ერდოღანი უკრაინისა და რუსეთის პრეზიდენტებთან სატელეფონო საუბარს გამართავს. ამ დროისთვის უცნობია, რა თემებზე აპირებს ერდოღანი უკრაინის პრეზიდენტ ვოლოდიმირ ზელენსკისა და რუსეთის პრეზიდენტ ვლადიმერ პუტინთან საუბარს. ცნობისთვის, რეჯეფ თაიფ ერდოღანსა და ზელენსკის შორის ბოლო საუბარი 11 დეკემბერს შედგა.

დიდი ბრიტანეთის დაზვერვის ინფორმაციით, ბახმუტთან რუსული ძალების თავდასხმები სავარაუდოდ შემცირდა. მათივე ცნობით, ნაკლებად სავარაუდოა, რომ უახლოეს კვირებში რუსეთს ბახმუტთან ახლოს მნიშვნელოვანი მიღწევები ექნება. ,,დეკემბრის შუა რიცხვებში, რუსმა სამხედროებმა და ვაგნერის მარიონეტულმა ძალებმა, სავარაუდოდ, გაზარდეს ქვეითთა თავდასხმების სიხშირე დონეცკის ოლქის ქალაქ ბახმუტის გარშემო, თუმცა ამ ოპერაციიდან ბევრი ცუდად იყო მხარდაჭერილი. ბოლო 10 დღის განმავლობაში უკრაინამ მნიშვნელოვნად გააძლიერა სექტორის დაცვა და რუსული თავდასხმების სიხშირე, სავარაუდოდ, შემცირდა დეკემბრის შუა რიცხვებთან შედარებით. ორივე მხარეს ბევრი დანაკარგი აქვს.  რუსეთის შეტევითი ოპერაციები რეგიონში ახლა სავარაუდოდ მხოლოდ ოცეულის ან განყოფილების დონეზე მიმდინარეობს. ნაკლებად სავარაუდოა, რომ რუსეთი უახლოეს…

უკრაინული მედიის ინფორმაციით, რუსეთმა იერიში მიიტანა ზაპოროჟიეს ოლქის იმ ნაწილზე, სადაც ზაპოროჟიეს ატომური ელექტროსადგური მდებარეობს. ოლქის ადმინისტრაციის ხელმძღვანელის, ალექსანდრ სტარუხის ინფორმაციით, რუსებმა იერიში სამოქალაქო ინფრასტრუქტურაზე მიიტანეს. დაშავებულია ერთი ადამიანი. განგაშის სიგნალი ჩაირთო ასევე დონეცკის, ხარკოვის , პოლტავსკის და დნეპროპეტროვსკის ოლქებში.

ლუგანსკის საოლქო სამხედრო ადმინისტრაციის ხელმძღვანელის, სერგეი გაიდაის განცხადებით, მთვრალი რუსი სამხედროები სამოქალაქო პირებს ესვრიან. “ისინი ხედავენ, რომ საბრძოლო მასალის საწყობები ფეთქდება. ხედავენ, რომ მობილიზებულთა ყაზარმები ფეთქდება. ამ ყველაფრის გამო ჭკუიდან იშლებიან. იწყება საკმაოდ სასტიკი ქმედებები მათი მხრიდან. გვაქვს ინფორმაცია იმის შესახებ, რომ მთვრალი სამხედროები სამოქალაქოებს ესვრიან. შეუძლიათ სამოქალაქო მამაკაცი დახვრიტონ, თუ მოეჩენებათ, რომ იგი თითქოს უკრაინელ სამხედროებს ეხმარება”, – აღნიშნა გაიდაიმ. მისი თქმით, რუსი ოკუპანტები ციხეში უშვებენ მათ, ვინც საბრძოლო მოქმედებებში მონაწილეობაზე უარს ამბობს. “გვაქვს ინფორმაცია იმის შესახებ, რომ ახალგაზრდა ბიჭებს უბრალოდ იჭერენ და, თუ ფრონტზე წასვლა არ სურთ, გაყავთ…

,,ტერორისტებმა უნდა წააგონ, მათი ახალი შეტევის ნებისმიერი მცდელობა უნდა ჩავარდეს, ეს იქნება ტერორისტული სახელმწიფოს საბოლოო დამარცხება,” – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიური ვიდეომიმართვისას განაცხადა. ზელენსკის თქმით, რუსეთი ახორციელებს მათ მობილიზებას, ვისი მოკვლაც სურს, უკრაინა კი ახორციელებს ცივილიზებული სამყაროს მობილიზაციას სიცოცხლის გულისთვის. „ჩვენ ეჭვი არ გვეპარება, რომ რუსეთის ამჟამინდელი ბატონები ყველაფერს და ყველას გამოიყენებენ, ომში სიტუაციის შემობრუნებასა და დამარცხების გადადებას შეეცდებიან. ჩვენ უნდა ჩავშალოთ ეს რუსული სცენარი. ვემზადებით ამისთვის. ტერორისტებმა უნდა წააგონ. მათი ახალი შეტევის ნებისმიერი მცდელობა უნდა ჩავარდეს. ეს იქნება ტერორისტული სახელმწიფოს საბოლოო დამარცხება. მადლობას ვუხდი ყველა პარტნიორს,…