დღე: აპრილი 11, 2024

„საქართველო თანმიმდევრულად ახორციელებს ყველა სავალდებულო რეფორმას საქართველო-ევროკავშირს შორის ორმხრივი შეთანხმების ფორმატში. გამჭვირვალობის შესახებ კანონი  ხელს ვერ შეუშლის საქართველოს ევროინტეგრაციას“ – აცხადებს საგარეო საქმეთა მინისტრი. ილია დარჩიაშილის თქმით, მინისტრის თქმით, საქართველოს რეკომენდაციების შესრულებისთვის აქვს ძალიან ცალსახა სამოქმედო გეგმა. „ამაზე ჩვენ არაერთხელ გვისაუბრია. საქართველოს პრემიერ-მინისტრიც, რა თქმა უნდა, გაუზიარებს ინფორმაციას გერმანელ კოლეგას იმ სამუშაოს შესახებ, რომელიც გაატარა ჩვენმა ხელისუფლებამ, საქართველოს პარლამენტმა, მათ შორის საკანონმდებლო ცვლილებები და ყველა ის საკანონმდებლო პაკეტი, რომელზეც ჩვენ გვქონდა საუბარი,“ – განაცხადა ილია დარჩიაშვილმა. მინისტრის განცხადებით, გამჭვირვალეობა არის ერთ-ერთი ის მთავარი ღირებულება, რომელიც საქართველოს ევროპულ ოჯახთან აახლოვებს. შესაბამისად,…

,,ახალის” თანათავმჯდომარე ნიკა მელია მამუკა მდინარაძის დღევანდელ განცხადებას ეხმაურება, სადაც საპარლამენტო უმრავლესობის ლიდერი სპორტსმენებს მოუწოდებს, არ ჩაერიონ პოლიტიკაში ,,ჯერ ერთი, ეტყობა გაგიჭირდათ, თორემ მორალი ნამდვილად არ დაგიშლიდათ, სადაც საჯარო მოხელეებს ითრევთ დეზინფორმაციის ტირაჟირებაში, სხვასაც მოსთხოვდით. ექიმებო პაციენტებს მიხედეთ, მსახიობებო სპექტაკლი ითამაშეთ, მოცეკვავეებო იცეკვეთ, მომღერლებო იმღერეთ, ფეხბურთელებო, ბურთი აგორავეთ, ქვეყნის ბედს კი ჩვენ განგისაზღვრავთ, ამბობს მდინარაძე. ეს ქვეყანა ყველასია, ევროპული მომავალი ეროვნული არჩევანია, ეს კანონი გვეხება ყველას, ვისაც გვინდა ევროპა”, – წერს ნიკა მელია.

,,ქართული ოცნების” დეპუტატს, მამუკა მდინარაძეს ჟურნალისტებმა ჰკითხეს ამერიკის ელჩის განცხადებაზე, რომელმაც რუსულ კანონზე თქვა, რომ ,,როცა ოკუპანტი ქვეყანა მიესალმება ამ კანონპროექტს, მეგობრები შეშფოთებას გამოხატავენ, კითხვა უნდა დაისვას, არის თუ არა ის კარგი”. მდინარაძემ თქვა, რომ ელჩის კრიტიკას არ იღებენ. ,,დრამატიზირებისათვის და უტრირებისთვის ბოდიში, თუ კი ჩვენი მეგობრები გვეტყვიან მოდით, ქართულად აღარ ილაპარაკოთ და რუსები იტყვიან, რომ კარგია, ისინი ქართულად რომ ლაპარაკობენ, ჩვენ ქართულად ლაპარაკი უნდა შევწყვიტოთ, თუ უნდა გავაგრძელოთ?!”, – აღნიშნა მდინარაძემ.

,,ქართული ოცნება” რუსული კანონის მიღებას 17 მაისს გეგმავს. საკანონმდებლო ორგანოს ვებგვერდზე გამოქვეყნებული ინფორმაციის მიხედვით, ე.წ. ,,უცხოური გავლენის გამჭვირვალობის შესახებ” კანონპროექტის განხილვა იურიდიულ კომიტეტზე 15 აპრილის 10 საათზე იწყება, პლენარულ სხდომაზე პირველი მოსმენით 16 აპრილს იმსჯელებენ. ბოლო მოსმენის თარიღად კი 17 მაისია მითითებული.

საქართველოს პარლამენტში ცესკოს წევრობის კანდიდატებთან გასაუბრება დაიწყო. პროცესს ბოიკოტს უცხადებს პრეზიდენტის წარმომადგენელი. ლევან შენგელია ამბობს, რომ ეთანხმება საქართველოს პრეზიდენტის პოზიციას, რომელიც სოლიდარობას უცხადებს არასამთავრო ორგანიზაციებს და ვიდრე რუსულ კანონთან დაკავშირებით არ იქნება საქართველოს ხელისუფლების პოზიცია, აზრი არ აქვს განხილვის პროცესში მონაწილეობას. ,,ამ შემთხვევის მე, როგორც კომისიაში წევრი პრეზიდენტის წარმომადგენელი ასევე ვაჩერებ ჩემს მონაწილეობას კომისიაში და ეს გვინდა, რომ აღქმული იქნას, როგორც სოლიდარობის დასტური, იმ პოზიციისადმი, რომელიც ზოგადად აქვს საზოგადოებას, არასამთავრობო სექტორს და კონკრეტულად იმ წევრებს, რომლებიც წარმოადგენენ ამ საზოგადოებას” – ამბობს ლევან შენგელია.

საქართველოს პრემიერ-მინისტრი ირაკლი კობახიძე ოფიციალური ვიზიტით გერმანიის ფედერაციულ რესპუბლიკაში გაემგზავრა. 12 აპრილს გერმანიის ფედერალურ კანცელარიაში საქართველოს პრემიერ-მინისტრის დახვედრის ოფიციალური ცერემონია გაიმართება. ირაკლი კობახიძეს გერმანიის ფედერალური კანცლერი ოლაფ შოლცი უმასპინძლებს. დაგეგმილია შეხვედრები პირისპირ და გაფართოებულ ფორმატში, რის შემდეგაც ირაკლი კობახიძე და ოლაფ შოლცი ერთობლივ პრესკონფერენციას გამართავენ. ოფიციალური ვიზიტის ფარგლებში საქართველოს მთავრობის მეთაური შეხვდება გერმანიის ფედერაციული რესპუბლიკის პრეზიდენტს ფრანკ ვალტერ შტაინმაიერს და გერმანიის ბუნდესტაგის პრეზიდენტს ბერბელ ბასს. საქართველოს დელეგაციაში, რომელსაც პრემიერ-მინისტრი ირაკლი კობახიძე ხელმძღვანელობს, ვიცე-პრემიერი, თავდაცვის მინისტრი ირაკლი ჩიქოვანი, საგარეო საქმეთა მინისტრი ილია დარჩიაშვილი და მთავრობის ადმინისტრაციის უფროსი ლევან ჟორჟოლიანი არიან.