დღე: აპრილი 18, 2024

სენაკის მუნიციპალიტეტში, კერძოდ კი სოფელ ნოსირთან ავტოსაგზაო შემთხვევა მოხდა.  ერთმანეთს ორი მსუბუქი მანქანა შეეჯახა. ერთი ადამიანი დაიღუპა. არიან დაშავებულები.  

სამეგრელოში ავტოსაგზაო შემთხვევა მოხდა. ერთმანეთს ორი მსუბუქი ავტომანქანა შეეჯახა. დაშავებულია ოთხი და დაღუპულია ერთი ადამიანი. ამ წუთებში ადგილზე ექსპერტ-კრიმინალისტები მუშაობენ. 2 დაშავებული ქუთაისის, 2 კი სენაკის კლინიკებშია გადაყვანილი. შეჯახების სავარაუდო მიზეზად გადაჭარბებული სიჩქარე სახელდება.  

სპეციალურმა საგამოძიებო სამსახურმა სახალხო დამცველის მიმართვის საფუძველზე ალეკო ელისაშვილთან დაკავშირებული ინციდენტის შესწავლა დაიწყო. უწყების ინფორმაციით, დეპუტატი დაბარებულია საგამოძიებო უწყებაში, სადაც მოხდება გამოძიების ფარგლებში მისი გამოკითხვა. შეგახსენებთ, რომ გასულ ღამეს, კანცელარიის მიმდებარე ტერიტორიაზე, რუსული კანონის საწინააღმდეგო აქციაზე, ელისაშვილს სამართალდამცველები ფიზიკურად გაუსწორდნენ. დეპუტატს დაზიანებები აქვს სახის არეში და აღენიშნება ნეკნის მოტეხილობა. თავად ელისაშვილი აცხადებს, რომ პოლიციამ მასზე საპატრულოს ხელმძღვანელის, ვაჟა სირაძის მითითებით იძალადა.

ავტორთა საინიციატივო ჯგუფი (გია მაჭარაშვილი, დათო ევგენიძე, კახა ცაბაძე და სხვები) საქართელოს ხელოვანთა სახელით ღია წერილს აქვეყნებს და საზოგადოებას მიმართავს: „გვსურს გამოვეხმაუროთ ბოლო დღეების განმავლობაში ჩვენს ქვეყანაში განვითარებულ მოვლენებს, რომელმაც ჩვენი საზოგადოება კიდევ ერთხელ დააყენა გახლეჩისა და დაქსაქსვის წინაშე. საქართველოს ისტორია გვასწავლის, რომ როდესაც ქართველები ერთმანეთს ვუპირისპირდებოდით, ერთმანეთან ბრძოლებით საკუთარ ერთობას ძირს ვუთხრიდით, ჩვენი ქვეყნის მტრებს სწორედ მაშინ უმარტივდებოდათ გათითოკაცებულ საქართველოში მიზნების მიღწევა და ჩვენი დასუსტება. დღეს ამის დრო არ არის! თვალნათლივ ვხედავთ, რომ ჩვენი ქვეყანა საკუთარი ისტორიის ერთ-ერთ გარდამტეხ ეტაპზეა, რომლის საბოლოო შედეგი განსაზღვრავს საქართველოს, ჩვენი და ჩვენი მომავალი…

რუსული კანონის წინააღმდეგ გორში მშვიდობიანი საპროტესტო აქცია გაიმართება. აქციის ორგანიზატორები ადგილობრივებს მოუწოდებენ დღეს, 19 საათზე, ლომჭაბუკის სკვერში შეუერთდნენ სახალხო პროტესტს. ,,ჩვენ, გორელები, მხარს ვუჭერთ ახალგაზრდებს, ვინც ქუჩაში დგას და აპროტესტებს რუსულ კანონს; ჩვენც, გორშიც, ყოველდღე ვიდგებით ქუჩაში, არ დავიღლებით პროტესტით, სანამ ამის საჭიროება იქნება; ვიკრიბებით ყველა, ლომჭაბუკი სკვერში – Gen Z, მილენიალელები, Gen X და Baby Boomers – ყველა – რუსული კანონის წინააღმდეგ!”,-ნათქვამია სოციალურ ქსელში გავრცელებულ ინფორმაციაში.

დედოფლისწყაროში ავტოსაგზაო შემთხვევას რუსთაველი და-ძმა ემსხვერპლა. არსებული ინფორმაციით, გარდაცვლილები თამუნა და ვალერი ფრიდონაშვილები არიან. და-ძმა შემთხვევის ადგილზე გარდაიცვალა, ხოლო მესამე მგზავრი დაშავდა და კლინიკაში გადაიყვანეს.

პოლიტიკური ძალადობა რუსულმა ხელისუფლებამ ნორმად გახადა, – აცხადებს საპარლამენტო ოპოზიცია და 16-17 აპრილის აქციებზე, პოლიციის მხრიდან ძალადობის ყველა შემთხვევაზე რეაგირებას მოითხოვს. ,,ივანიშვილის პირობებში ქართული პოლიცია გადაიქცა სადამსჯელო ჯგუფად, რომელმაც შური იძია ელისაშვილის წინააღმდეგ. ეს არის პოლიტიკური თავდასხმა, ანგარიშსწორება, რისთვისაც ივანიშვილი იყენებს სახელმწიფო უწყებებს” – აცხადებს ენმ-ის წევრი, თინა ბოკუჩავა. ოპოზიცია კატეგორიულად მოითხოვს, შს მინისტრმა ახსნას, რატომ ძალადობას მოქალაქეებზე პოლიცია, ხოლო დეპუტატებზე ძალადობით სამართალდამცველები აჩვენებენ ხალხს, რა ელით მას. ოპოზიცია ითხოვს ნაცემი დეპუტატის საქმის დროულ და ადეკვატურ გამოძიებას და პოლიტიკური პასუხისმგებლობის დაყენებას.

რამდენიმე წუთის წინ სვანეთში, ლაშენში, მეწყერი ჩამოწვა. კადრები სოციალურ ქსელში ერთ-ერთმა თვითმხილველმა გაავრცელა. ,,მივდიოდით, ორმა მანანამ გაასწრო და შემდეგ დავინახეთ, მეწყერი მოდიოდა. სამაშველოში დავრეკეთ და ველოდებით”, – ამბობს ლაშა არაბული.

საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 89-ე კმ-ზე, გზის სავალ ნაწილზე ჩამოსულია მეწყერი, რომელმაც ჩაკეტა საავტომობილო მოძრაობა. ამ ეტაპზე  მიმდინარეობს ტექნიკის მობილიზება, რათა უმოკლეს ვადებში გაიწმინდოს  გზის სავალი ნაწილი და აღდგეს საავტომობილო მოძრაობა.

რუსული კანონის წინააღმდეგ გასული წლის მარტში გამართული აქციების დროს დაკავებული ლაზარე გრიგორიადისი პენიტენციურ დაწესებულებას დღეს დატოვებს. ადვოკატის ინფორმაციით, დოკუმენტაცია პრეზიდენტის ადმინისტრაციიდან იგზავნება პენიტენციურ უწყებაში. ,,როგორც ჩემთვის ცნობილია, პრეზიდენტის ადმინისტრაციიდან უკვე იგზავნება შესაბამისი დოკუმენტაცია პენიტენციურ დაწესებულებაში, რის შემდეგაც ლაზარე დატოვებს დაწესებულებას. დღის ბოლომდე, წესით, უნდა იყოს უკვე გადაგზავნილი დოკუმენტაცია. პროცედურული საკითხები იყო მოსაგვარებელი დოკუმენტაციასთან დაკავშირებით, განაჩენის სარეზოლუციო ნაწილი იყო დარჩენილი ჩასაბარებელი პრეზიდენტის ადმინისტრაციაში და უკვე ფაქტობრივად მზად არის დოკუმენტაცია და გადაიგზავნება პენიტენციურ დაწესებულებაში”, – ამბობს ადვოკატი, თათია მანიჟაშვილი.

სამტრედიაში მომხდარ მკვლელობის საქმეზე, პატიმრობიდან განთავისუფლებულ ნატო ხელაძეს, კვლავ ემუქრებიან და მისი შვილების სიცოცხლე საფრთხეშია, – ინფორმაციას ადვოკატი, მაგდა კოტრიკაძე ავრცელებს და პროკურატურასა და შსს-ს მიმართავს: ,,სამტრედიაში მომხდარ მკვლელობის საქმეზე, პატიმრობიდან განთავისუფლებულ ნატო ხელაძეს, კვლავ ემუქრებიან და მისი შვილების სიცოცხლე საფრთხეშია! გამოძიებაში გამოიკითხა გარდაცვლილის არასრულწლოვანი გერი და შვიდი წლის შვილი, რომელებმაც გამოძიებას მიაწოდეს დეტალური ინფორმაცია მომხდარზე თუ ვინ მოკლა მ. გოგია და დაადასტურეს ის ფაქტი, რომ მათ დედას არანაირად არ მიუძღვის ბრალი ქმრის მკვლელობაში , ხოლო ქალმა შიშის გამო განაცხადა, რომ მან მოკლა ქმარი. ახლა ერთ-ერთი ოჯახის წევრი,რომელიც დაკავებულის დედაა,…

საქართველოს პარლამენტში დღესაც უსაფრთხოების ყვითელი დონე იმოქმედებს და საკანონმდებლო ორგანოში ისევ არ შეუშვებენ ონლაინმედიის ჟურნალისტებს. ,,დაგეგმილ საპარლამენტო ღონისძიებებზე (მათ შორის კომიტეტის სხდომებზე) დაიშვებიან მხოლოდ შესაბამისი სტრუქტურული ერთეულების მიერ მოწვეული პირები. შეზღუდვა არ შეეხება ტელემაუწყებლების/ტელემედია საშუალებების აკრედიტებულ ჟურნალისტებს. აღნიშნული ღონისძიების მიზანია საქართველოს პარლამენტის სასახლეში სამუშაო და უსაფრთხო გარემოს უზრუნველყოფა”, – წერია განცხადებაში.

დაგდებულს მირტყამდნენ გამეტებით, აღმოჩნდა რომ ერთი ნეკნი მაქვს მოტეხილი, – ამბობს მოქალაქეების ლიდერი, ალეკო ელისაშვილი. კადრებში ჩანს, რომ ის გუშინ აქციაზე პოლიციელებმა ძალის გამოყენებით მანქანაში ჩასვეს და ტერიტორიიდან გაიყვანეს. ,,უშუალოდ ვაჟა სირაძის მითითებით, რამდენიმე პოლიციელმა შემათრია, ამ შეთრევის დროს წავიქეცი და დაგდებულს მირტყამდნენ გამეტებით. რამდენიმე საათის განმავლობაში გადამიყვანეს წერეთელზე, რომ შსს-ს დიდუბის განყოფილებაა, იქ ვიყავი, იქ არაფერი, ძალიან ნორმალური ადამიანური გარემო იყო. მოვედი კლინიკაში, შევემოწმე, იმიტომ რომ ძალიან მტკიოდა, აღმოჩნდა რომ ერთი ნეკნი მაქვს მოტეხილი, ანჯელინა ჯოლის ტუჩიც მოვიპოვე ბრძოლით”, – აღნიშნა ელისაშვილმა.

16 აპრილის ღამეს, რუსული კანონის წინააღმდეგ გამართული აქციის დარბევისას დაშავებულ აქტივისტს, მარიამ დოლიძეს იდაყვის ძვლის ოპერაცია გაუკეთეს, მას ფეხზეც ჰქონდა ჭრილობა და დაბეჟილობა. დოლიძე წერს, რომ ნახევარი სხეული დალურჯებული და დასიებული აქვს, აწუხებს ძლიერი ტკივილი და გამაყუჩებლები სჭირდება. ,,საშინელი ტკივილები მაქვს, გამაყუჩებლის გარეშე ვერ ვძლებ. დალურჯებულ-დასიებული მაქვს ნახევარი სხეული. არაფერი ასეთ სიგიჟეს არ მოასწავებდა. პარლამენტის უკან, ჭიჭინაძის კუთხეში ვიყავით. შიგადაშიგ რუსეთის გინება და საყვარელი სიმღერების ღიღინი ისმოდა. ტროტუარზე ჩამოვჯექი, ბევრნი ვისხედით, და ტელეფონი ჩამოვსქროლე. ძალიან მოულოდნელად გაისმა ხელჯოხების ფარებზე ბრაგუნის ხმა. წამოვდექი, მაგრამ ნაბიჯი ვერ გადავდგი, ხალხის დიდი მასა დამეჯახა,…