დღე: აპრილი 5, 2024

სამტრედიაში მეუღლის მკვლელობის ბრალდებით დაკავებულ ქალს პატიმრობა შეუფარდეს. მოსამართლემ სრულად გაითვალისწინა ბრალდების მხარის შუამდგომლობა. პროკურორის თქმით, საქმეში არსებული მტკიცებულებები ადასტურებდა, რომ დანაშაული 29 წლის ქალმა ჩაიდინა. სხდომას თავად ბრალდებული ნატო ხელაძეც ესწრებოდა. მისი თქმით, დანაშაული მას არ ჩაუდენია და მისი მეუღლე მისმა ძმამ მოკლა, რომელიც შემთხვევის ადგილიდან მიიმალა. ბრალდებულის თქმით, მან თავად დარეკა 112-ში და დახმარება ითხოვა. დაცვის მხარე აღკვეთის ღონისძიების გარეშე დატოვებას ითხოვდა, რადგან არც მიმალვის და არც მოწმეებზე ზემოქმედების საფრთხე არ არსებობდა. დაცვის მხარე საქმის გასაჩივრებას აპირებს. მომდევნო პროცესი 30 მაისს დაინიშნა.

საქართველოს კულტურის პალატის თავმჯდომარემ, დავით ოქიტაშვილმა ერთ-ერთ გადაცემაში განაცხადა, რომ აპირებს, ცნობილ ქართველ მსახიობს, ია ნინიძეს ვარსკვლავი გაუხსნას. „ია ნინიძის ვარსკვლავი უახლოეს მომავალში, სავარაუდოდ, მაისის თვეში გაიხსნება კინო „რუსთაველის” წინ. ქალბატონი ია მართლაც არაჩვეულებრივი მსახიობია, რომელიც ჯერ კიდევ ბავშვობაში შეიყვარა პუბლიკამ. თამამად შემიძლია განვაცხადო, რომ ძალიან საინტერესო ღონისძიების მოწყობას ვგეგმავთ, რომელსაც თავად ქალბატონი ია გაუწევს ორგანიზებას. თარიღი ჯერ დაზუსტებული არაა, რადგან უამრავი ქართველი და უცხოელი მსახიობი გეგმავს საზღვარგარეთიდან ჩამოსვლას. არასდროს დამავიწყდება სოფიკო ჭიაურელის და ია ნინიძის ურთიერთობა. სწორედ იას ჩამოყვანა მთხოვა ქალბატონმა სოფიკომ, როცა ძალიან ცუდად იყო და მართლაც საოცარი…

ზუგდიდში, ბარამიას ქუჩაზე, ე.წ. დევნილთა დასახლებაში, მკვლელობა მოხდა. მოკლულია საშუალო ასაკის ქალი, რომელიც ცოტა ხნის წინ ჩამოვიდა რუსეთიდან. მეზობლების ინფორმაციით, ასევე, მძიმე მდგომარეობაშია მისი ქმარი. მამაკაცი ჰოსპიტალშია გადაყვანილი. ადგილზე სამართალდამცველები მუშაობენ. სხვა დეტალები დეტალები, ჯერჯერობით, უცნობია.

ზუგდიდში ქალი მოკლეს. შემთხვევა ბარამიას ქუჩაზე მოხდა. ვინ ან რა მოტივით მოკლა ქალი, ჯერჯერობით უცნობია. არსებული ინფორმაციით, ნაცემია ოჯახის ერთ-ერთი წევრიც. სხვა დამატებითი დეტალები, ამ დროისთვის, უცნობია.

ადიგენში მიმდინარე პროცესებთან დაკავშირებით შინაგან საქმეთა სამინისტრო განცხადებას ავრცელებს: ,,შესაბამისი დანაყოფების თანამშრომლები მართლწესრიგისა და უსაფრთხოების დაცვის მიზნით, მობილიზებულნი არიან დაბა ადიგენში. მოვუწოდებთ ადგილზე შეკრებილ მოქალაქეებს, არ გასცდნენ გამოხატვის თავისუფლებისა და შეკრების კანონით დადგენილ ნორმებს. სამართალდარღვევის ნებისმიერი ფაქტი პოლიციის მხრიდან, კანონის ფარგლებში, დაუყოვნებლივ იქნება აღკვეთილი,” – ნათქვამია შსს-ს განცხადებაში. ცნობისთვის, მართლმადიდებელთა ნაწილი, სასულიერო პირებთან ერთად, დღეს დილიდან კიდევ ერთხელ შეიკრიბა ადიგენში, წერეთლის ქუჩაზე, იმ სახლთან, სადაც მუსლიმი თემი ლოცულობს. როგორც ოპოზიციონერი დეპუტატი ტარიელ ნაკაიძე სოციალურ ქსელში წერს, ვითარება დაძაბულია. მისი თქმით, მუსლიმებს ხელს უშლიან ლოცვაში.

,,ადიგენში მუსლიმებს ხელს უშლიან ლოცვაში. მდგომარეობა სერიოზულად დაძაბულია, პოლიციამ გადაკეტა გზები”, – ინფორმაციას სოციალურ ქსელში ოპოზიციონერი დეპუტატი ტარიელ ნაკაიძე ავრცელებს. ,,ამ წუთებში ადიგენში მუსლიმებს ხელს უშლიან ლოცვაში. მდგომარეობა სერიოზულად დაძაბულია ხელისუფლებამ პრაქტიკულად მოატყუა ორივე მხარე. 18 დღიანი ლოდინის მიუხედავად პრობლემა არ მოაგვარა. პირიქით დაძაბა. პოლიციამ გადაკეტა გზები და მუსლიმებს არ უშვებს მეჩეთში. სამლოცველიში იმყოფება რამდენიმე ადამიანი. სამაგიეროდ ამ ხალხს აძლევს უფლებას შეურაცხყოფა მიაყენონ მლოცველებს”, – წერს ნაკაიძე.

34 წლის მელანო ქიზინიძე ქმარმა ბათუმიდან მოტყუებით, შუახევში წაიყვანა და მდინარის სანაპიროზე მოკლა. ახალგაზრდა ქალს სასიკვდილო ჭრილობა ყელის არეში აქვს მიყენებული. მკვლელობის შემდეგ, თვითდაზიანებები მიიყენა თავად ბრალდებულმაც, 41 წლის რაულ დეკანაძემ, რომელიც ახლა კლინიკაშია გადაყვანილი. „კიდევ ერთი არაკაცის მოკლული ქალი და დედა გამოასალმა სიცოცხლეს და ობლად დატოვა შვილები… უფალმა დაუმკვიდროს ცათა სასუფეველი”. „იცნობდეთ! ცოლი მოსაკლავად გაიმეტა, ორი ანგელოზი კი უდედოდ დატოვა“, – წერენ სოციალურ ქსელში.

თბილისში მოძრავ N313, N320, N323, N326 და N372 მარშრუტებს 6 აპრილიდან ავტობუსები დაემატება და მოცდის ინტერვალი შემცირდება. ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე განაცხადა. როგორც მან აღნიშნა, ავტობუსების რაოდენობა ეტაპობრივად ემატება იმ მარშრუტებს, სადაც მგზავრთა ყველაზე დიდი დატვირთვა ფიქსირდება.