თვე: მაისი 2024

„სად არის რუსული რეჟიმი შვილო, ეს არის ქართული რეჟიმი.  ქართული ხელისუფლებაა“- განაცხადა საქართველოს ტექნიკური უნივერსიტეტის რექტორმა  დავით გურგენიძემ. მისი თქმით, ტექნიკურ უნივერსიტეტში საწავლო პროცესი გრძელდება. მის ამ  განცხადებას სტუდენტთა ნაწილში უკმაყოფილება გამოიწვია. ახალგაზრდები სკანდირებდნენ – „სირცხვილია“ „მე ვალდებული ვარ სასწავლო პროცესს ორგანიზება გავუკეთო. ვალდებული ვარ სასწავლო პროცესი არ ჩავშალო. მე მყავს 24 ათასი სტუდენტი, სხვას სხვა აზრი აქვს. პოლიტიზირებულ უნივერსიტეტებთან მე არ მაქვს საუბარი. სად არის რუსული რეჟიმი შვილო, ეს არის ქართული რეჟიმი.  ქართული ხელისუფლებაა“- განცახადა მან. უნივერსიტეტების ნაწილი გაფიცულია. სტუდენტები საპროტესტო აქციებს შეუერთდნენ.

საპროტესტო აქცია მიმდინარეობს საკანონმდებლო ორგანოსთან, რუსთაველის გამზირი კვლავ გადაკეტილია. „ეს არის მუხტი, რომელიც ყველაზე მეტად არის გასათავლისწინებელი. აქ როცა ხარ ბევრად უფრო ენერგიული ხარ. ეს არის აქციები, რომელიც არის შემოქმედებითი, რამდენნაირად ფიქრობენ და რამდენნაირად შეუძლიათ თქვან მათი სათქმელი“- თქვა აქციის ერთ-ერთმა მონაწილემ.

“თურქეთის რესპუბლიკა საქართველოსთვის ნომერ პირველი სავაჭრო პარტნიორია და ჩვენ ვიმსჯელეთ იმასთან დაკავშირებით, თუ როგორ შეიძლება, კიდევ უფრო მეტად გაღრმავდეს ჩვენი  პარტნიორობა, –  ამის შესახებ საქართველოს პრემიერ-მინისტრმა ირაკლი კობახიძემ თურქეთის რესპუბლიკის პრეზიდენტთან რეჯეფ თაიფ ერდოღანთან  ერთად გამართული ერთობლივი ბრიფინგის დროს განაცხადა. მთავრობის მეთაურის თქმით, საქართველო ხედავს დიდ პოტენციალს ორმხრივი სავაჭრო ურთიერთობების შემდგომი გაღრმავების კუთხით. “რა თქმა უნდა, ბატონ პრეზიდენტს მივაწოდე ინფორმაცია იმ პროცესებთან დაკავშირებით, რომელიც წარიმართება ჩვენს ქვეყანაში სხვადასხვა თვალსაზრისით.  ჩვენ ასევე განვიხილეთ ახლო აღმოსავლეთში მიმდინარე პროცესები. აღინიშნა, რომ საქართველო ემხრობა ახლო აღმოსავლეთში მშვიდობის დამყარების აუცილებლობის იდეას, რაც შესაძლებელია მიღწეულ იქნას მოლაპარაკებების საშუალებით საერთაშორისო საზოგადოების მხარდაჭერით“- განაცხადა ირაკლი კობახიძემ.    

„ჩვენი ფეხბურთის ეროვნული ნაკრები საქართველოს ნაკრებთან ერთად არის ჯგუფში და ერთმანეთს დაუპირისპირდებიან პირველი მატჩით 18 ივნისს დორტმუნდში გერმანიის ერთ-ერთ ქალაქში“- განაცხადა რეჯეფ თაიფ ერდოღანმა. მანვე საქართველოს და თურქეთის ნაკრებებს 18 ივნისს, დორტმუნდში, ევროპის ჩემპიონატის ფარგლებში, წარმატებები უსურვა. თურქეთის პრეზიდენტმა დღეს საქართველოს პრემიერ-მოინისტრ ირაკლი კობახიძესთან შეხვედრა გამათა.  

დედაქალაქში 17 მაისს დაგეგმილ მსვლელობასთან დაკავშირებით გარკვეულ ქუჩებზე ტრანსპორტის გადაადგილება შეიზღუდება. მსვლელობა ქაშვეთის ტაძრის მიმდებარე ტერიტორიიდან 12:00 საათზე დაიწყება და სამების საკათედრო ტაძრის მიმართულებით გაგრძელდება, რა დროსაც მიმდევრობით ჩაიკეტება რუსთაველის გამზირის ნაწილი, კერძოდ, გია ჭანტურიას ქუჩის კვეთიდან თავისუფლების მოედნამდე არსებული საგზაო მონაკვეთი, თავისუფლების მოედანი, ბარათაშვილის ხიდი, ბარათაშვილის აღმართი და ავლაბრის მოედანი. რუსთაველის გამზირიდან მთაწმინდის დანარჩენ ქუჩებზე მოხვედრა შესაძლებელი იქნება თარხნიშვილის, ჭოველიძის, ზანდუკელის, ბარნოვის, გოგებაშვილის, მაყაშვილისა და კაკაბაძეებების ქუჩების გამოყენებით; მძღოლები მელიქიშვილის გამზირისა და მეტროსადგურ „რუსთაველის“ მიმართულებით გადაადგილებას შეძლებენ გრიბოედოვის, მაყაშვილის, ბარნოვის, ზანდუკელისა და შანიძის ქუჩების გამოყენებით; მეტროსადგურ „რუსთაველის“ მიმდებარე ტერიტორიიდან…

2 დღის წინ, გამჭვირვალობის შესახებ კანონის საწინააღმდეგო აქციაზე დაკავებული ლაზარე გრიგორიადისი თავისუფალია. მან წინასწარი დაკავების იზოლატორი რამდენიმე წუთის წინ დატოვა. ,,საერთოდ ვერ მივხვდით რაზე დაგვაკავეს, გზაში გვირტყამდნენ, გვცემდნენ, გვაგინებდნენ, გვიღებდნენ ამავდროულად და დაგვაკავეს მოულოდნელად. დავით ქაცარავაც დააკავეს, ფიზიკურად საშინელ მდგომარეობაში იყო. პარლამენტის წინ ვიდექი მეგობართან ერთად და წინიდან ვიღაცების აყვანა დაიწყეს და მაგას ვეხმარებოდი, რომ არ დაეჭირათ და მეც შემითრიეს მაგ მომენტში. კიდე შენ ხარო? თან მირტყამდნენ, თან მაგინებდნენ”, – ამბობს გრიგორიადისი.

უბედურ შემთხვევას ქუთაისელი ბაიკერი ალექსანდრე ნუცუბიძე ემსხვერპლა. არსებული ინფორმაციით, ბიჭი მოტოციკლით დაიმტვრა. ახალგაზრდას მეგობრები და ახლობლები ემოციურად ემშვიდობებიან: „ალე, რამდენი მოგონება უნდა გავიხსენო. შენნაირი საოცარი ადამიანები რატო უნდა მიდიოდნენ ასე უდროოდ…შენი სიცილი სამუდამოდ თვალწინ მექნება“. „წუხანდელი ღამე არარეალურ სამყაროში გავატარე, ვერ ვიჯერებ“.

უხერხულობას ქმნის ის იმპერატიული ტონი და ზეწოლა, რომელიც გარედან ისმის. უბრალოდ მოდის დირექტივა, რომელი კანონი მიიღოს სახელმწიფომ, რომელი არა, – ამის შესახებ საქართველოს საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ პარლამენტის თავმჯდომარესთან გამართული შეხვედრის შემდეგ განაცხადა. „ჩვენ „უცხოური გავლენის გამჭვირვალობის შესახებ“ კანონთან დაკავშირებით შეხვედრაზე შეფასებები არ გაგვიკეთებია. ჩვენ ვუყურებთ უბრალოდ, ამ პროცესის ცოტა არალოგიკურ მიმდინარეობას, როდესაც არ ხდება კანონის დეტალური გარჩევა და მსჯელობა. უბრალოდ მოდის დირექტივა, რომელი კანონი მიიღოს სახელმწიფომ, რომელი არ მიიღოს. ასე იყო, როდესაც მიიღეს ანტიდისკრიმინაციული კანონი. ახლა ისმის, რომ არ უნდა მიიღოს სახელმწიფომ ეს. თვითონ კანონის…

გამჭვირვალობის შესახებ კანონის საწინააღმდეგო აქციაზე დაკავებული გუკა რჩეულიშვილი სამართალდამცველების მხრიდან ძალადობრივ ქმედებებზე საუბრობს: „მათმა სიძულვილმა მართლაც გამაოცა. აბსოლუტურად ყველას ჰქონდა სურვილი, დაერტყა ხელი. ჩემ გვერდით მწვანე ან ყვითელ ქურთუკში ჩაცმული ბიჭის დაკავებას ცდილობდნენ. მას გამოვესარჩლე და გადმოვიდნენ ჩემზე. მაშინვე შემაგდეს იმ კორდონში. იქით მხარეს არის ზიზღი. თანამოქალაქის მიმართ ზიზღის კოეფიციენტი იყო წარმოუდგენელი“, – ამბობს რჩეულიშვილი ,,რადიო თავისუფლებასთან”. როგორც მან აღნიშნა, სპეცრაზმელებს სრულად ჰქონდათ დაფარული სახეები და მათი ამოცნობა პრაქტიკულად შეუძლებელია. მისი თქმით, ძალადობით შეუძლებელია აქციის მონაწილეებს პოზიცია შეაცვლევინონ.

გამჭვირვალობის კანონის საწინააღმდეგო აქციებზე დაკავებული მოქალაქე, გათავისუფლების შემდეგ წერს, რომ გდდ-ს სპეცრაზმმა უმიზეზოდ, რამდენჯერმე სცემა: ,,მეგობრებო, გამოვედი და შემართებით და მხნედ ვარ. არ მეშინია, არც გაჩერებას ვაპირებ და ერთობით შევძლებთ დიდი ბოროტების დამარცხებას. დამიჭირეს უმიზეზოდ, მხოლოდ იმის გამო რომ აქციაზე ვიდექი. ბევრჯერ გამიმეორა სპეცრაზმმა აქ რატო იყავი რა პროტესტი მოგინდათო. ეს ნიღბიანი ჯგუფი – გდდ, ხარებას დაჯგუფება, არის “განსაკუთრებული დანაშაულის დაჯგუფება”. უმიზეზოდ რამდენჯერმე მცემეს და მემუქრებოდნენ ათასი საშინელებით. მიმეორებდნენ აბა კიდე მოდი და დადექი აქციაზე ამის შემდეგო! დააბრუნეს ის ძველი, საშინელი დრო: გაკავებს რამდენიმე სპეცრაზმელი და რამდენიმე გირტყამს. წამართვეს ყველა…

პერსონალურ მონაცემთა დაცვის სამსახური განცხადებას ავრცელებს და ამბობს, რომ უწყებას არაერთმა პირმა მიმართა უცხო ნომრებიდან მათ ტელეფონზე ზარების განხორციელებასთან დაკავშირებით. საუბარია გამჭვირვალობის კანონის წინააღმდეგ აქციის მონაწილეებისა და მათი ოჯახის წევრების მიმართ განხორციელებულ მუქარის შემცველ ზარებზე. უწყება ამბობს, რომ მოქალაქეების ნაწილი მიუთითებდა მათ მიმართ მუქარაზე, რაც დანაშაულის ნიშნებს შეიცავს და საქმეები შემდგომი რეაგირების მიზნით უფლებამოსილ სამართალდამცავ ორგანოში გადაგზავნეს. იხილეთ განცხადება: ,,პერსონალურ მონაცემთა დაცვის სამსახურს მომართა არაერთმა პირმა, მათ სარგებლობაში არსებულ სატელეფონო ნომრებზე უცხო ნომრებიდან ზარების განხორციელებასთან დაკავშირებით. მსგავსი შინაარსის მომართვების სამსახურისთვის წარმოდგენა მოცემული დროისთვისაც გრძელდება. ზემოაღნიშნულ მომართვათა ნაწილში მოქალაქეები უთითებენ, რომ სატელეფონო საუბრების…

ეკატერინა ხვედელიძე-ივანიშვილი განცხადებას ავრცელებს და ლექტორ როსტომ ცხვედიანის გაკეთებულ განცხადებას პასუხობს. ხვედელიძე ლექტორს მიმართავს, რა არ მოსწონს გამჭვირვალობის შესახებ კანონში. ,,შეუძლებლად ჩავთვალე, უყურადღებოდ დამეტოვებინა თქვენი ემოციური სატელევიზიო მომართვა ჩემ მიმართ. სამწუხაროდ, ვერც მე და ვერც ჩემმა დამ ვერ შევძელით, ჩვენი ბავშვობის მოგონებებში აღგვედგინა თქვენთან ურთიერთობის სცენები, მაგრამ თუნდაც ის ფაქტი, რომ თქვენ იცნობდით ჩემს მამას და ბრძანდებით მისი თაობის წარმომადგენელი, საშუალებას მაძლევს მოგმართოთ. უდიდეს პატივს მივაგებ თქვენს თაობას! მადლიერების გრძნობით მინდა აღვნიშნო, რომ თქვენმა თაობამ, მიუხედავად ბევრი ქარტეხილისა, შეინარჩუნა ჩვენი საქართველო, ქართული ენა და თვითმყოფადობა! დღეს ეს ჩემი თაობის ვალდებულებაა!…

ქუთაისში, რუსთაველის გამზირზე, მაღაზია გაქურდეს. ობიექტიდან ამ დროისთვის დაუდგენელმა პირებმა თამბაქო წაიღეს. ადგილზე სამართალდამცველები მუშაობენ და საგამოძიებო მოქმედებები მიმდინარეობს. შსს-ს ცნობით, მომხდარზე გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს.

„არცერთი ოპოზიციონერისგან არ გამიგია, რატომ არის ცუდი ეს კანონი?! ჩვენ, მოაზროვნე ადამიანებს გვჭირდება არგუმენტები, ეს მონური დამოკიდებულება არ გვექნება არავისთან”, – ამის შესახებ მამა შალვა კეკელიამ განაცხადა. ,,არცერთი ოპოზიციონერისგან არ გამიგია, რატომ არის ცუდი ეს კანონი?! ჩვენ, მოაზროვნე ადამიანებს გვჭირდება არგუმენტები, ეს მონური დამოკიდებულება არ გვექნება არავისთან. გათხოვილი კაცი გვასწავლის ჩვენ, როგორი მორალი და როგორი კანონი უნდა გვქონდეს ქართველებს?! რატომ უნდა მიგვითითონ რამეზე ქვეყანას, რომელიც დამოუკიდებელია, – აღნიშნა მამა შალვა კეკელიამ.

სტუდენტების პროტესტი გრძელდება. დილიდან ახალგაზრდები გმირთა მოედანზე შეიკრიბნენ, საიდანაც ტექნიკურ უნივერსიტეტთან მსვლელობით მივიდნენ და გამჭვირვალობის შესახებ კანონი გააპროტესტეს. საპროტესტო შეძახილები მოყვა ადმინისტრაციულ შენობასთან სასწავლებლის რექტორის გამოჩენას და მისი მხრიდან ქართული ოცნების პროპაგანდის გამეორებას. ტექნიკურ უნივერსიტეტთან გამართული დემონსტრაციის შემდეგ კი მსვლელობა ისევ გმირთა მოედანზე დაბრუნდა.

120 ორგანიზაცია ერთობლივ განცხადებას ავრცელებს და ამბობს, რომ გამჭვირვალობის შესახებ კანონი უპირობოდ უნდა იქნას გაწვეული. ხელმომწერები იზიარებენ საქართველოს პრეზიდენტის პოზიციას, რომ ამ კანონის გაუმჯობესება შეუძლებელია და ევროკომისიის განცხადებას, რომლის თანახმად კანონი გაწვეულ უნდა იქნას. ,,14 მაისს საქართველოს პარლამენტის უმრავლესობის წევრებმა ქართველი ხალხის ეროვნული ინტერესებისა და კონსტიტუციის საწინააღმდეგო რუსული კანონი მესამე მოსმენით მიიღეს. საქართველოში პუტინის წესების დამკვიდრების ეს მცდელობა ღალატია ყველა ჩვენი წინაპრისა და თანამემამულისა, ვინც ორასზე მეტი წლის განმავლობაში საქართველოს გარუსების წინააღმდეგ იბრძოდა და იბრძვის. მთელი საერთაშორისო საზოგადოების მიერ დაგმობილი კანონპროექტის კანონად ქცევამდე პრეზიდენტის ვეტო რჩება, რომელიც პარლამენტმა არ უნდა…

თბილისში, სულიკო ჟღენტის ქუჩაზე, იტალიურ ეზოში ხანძარი იყო. საგანგებო სიტუაციების მართვის სამსახურის ცნობით, ცეცხლი უკვე ლიკვიდირებულია. დაშავებულია ერთი ასაკოვანი ქალი, რომელიც კლინიკაშია გადაყვანილი. რა გახდა ხანძრის გამომწვევი მიზეზი, ამ ეტაპზე უცნობია.

სოფელ ერგნეთში ინციდენტების პრევენციისა და მათზე რეაგირების მექანიზმის მორიგი შეხვედრა გაიმართება. მოლაპარაკებების მთავარი თემა მშვიდობიანი მოქალაქეების გატაცება და უკანონო ბორდერიზაციაა. სახელმწიფო უსაფრთხოების სამსახურის წარმომადგენელს, ირაკლი ანთაძეს ჟურნალისტებმა ჰკითხეს გავრცელებულ ინფორმაციაზე, რომ საოკუპაციო რეჟიმის წარმომადგენლებმა, გალში ანტირუსული აქციების მონაწილე სტუდენტები დააკავეს. მისი თქმით, აღნიშნული არ დასტურდება. დღევანდელ შეხვედრაზე განიხილება 2 თვის განმავლობაში რუსების მიერ უკანონოდ დაკავებული 7 პირის საქმე, რომლებიც უკანონო პატიმრობაში რჩებიან, გარდა ამისა ბორდერიზაციის 15 შემთხვევა. გარდა ამისა, ქართულ მხარეს სურს მიიღოს ინფორმაცია რუსების მიერ გატაცებული რამაზ ბეღელურის ჯანმრთელობის მდგომარეობის შესახებ. ასევე, დააყენებენ თამაზ გინტურის მკვლელების დასჯის საკითხს.