დღე: აპრილი 8, 2024

აქციაზე დაკავების შემთხვევაში არასამთავროები მოქალაქეებს უფასო იურიდიულ დახმარებას სთავაზობენ. ამ წუთებში თბილისში საქალაქო სასამართლოსთან ლაზარე გრიგორიადისის მხარდამჭერი აქცია იმართება, კიდევ ერთი აქცია მიმდინარეობს პარლამენტთან. პარალელურად, ბიუროს სხდომაზე ,,ოცნებას” რუსული კანონი გააქვს. ,,მოქალაქეთა საყურადღებოდ: იმ შემთხვევაში თუ თქვენ დაგაკავეს აქციაზე, ქართული არასამთავრობო ორგანიზაციები მზად არიან უფასოდ გაგიწიონ იურიდიული დამხარება. დარეკეთ ცხელ ხაზზე: 577070563”, – ნათქვამია განცხადებაში. განცხადებას უერთდებიან: საქართველოს ახალგარზრდა იურისტთა ასოციაცია; საერთაშორისო გამჭვირვალობა საქართველო; სოციალური სამართლიანობის ცენტრი; უფლებები საქართველო; სამართლიანი არჩევნები; საქართველოს დემოკრატიული ინიციატივა; ადამიანის უფლებების ცენტრი.

ხვალ, 9 აპრილს, 18:00 საათზე რესპუბლიკის მოედნიდან პარლამენტის მიმართულებით რუსული კანონის წინააღმდეგ თავისუფლების მარში გაიმართება. რუსული კანონი პარლამენტში, ბიუროს სხდომაზე ამ წუთებში გადის. პარალელურად საკანონმდებლო ორგანოსთან საპროტესტო აქცია იმართება. ონლაინმედიების ჟურნალისტები, რომლებსაც აკრედიტაცია აქვთ, პარლამენტში არ შეუშვეს. ,,შემოგვიერთდით საქართველოს ევროპული მომავლისთვის! ჩვენ ვირჩევთ ევროპას, საქართველო არასდროს იქნება რუსეთი! ერთად დავიცვათ 9 აპრილის მონაპოვარი! კი ევროპას! არა რუსულ კანონს!”, – წერენ აქციის ორგანიზატორები.

ონკოპაციენტები საკუთარი უფლებების დასაცავად უწყვეტ პროტესტს იწყებენ და ხელისუფლებას დაპირების შესრულებისკენ მოუწოდებენ. უკვე თვეებია ისინი საქართველოში აუცილებელი მედიკამენტების შემოტანასა და სახელმწიფო პროგრამის 25-ათასლარიანი ლიმიტის გაუქმებას ითხოვენ, რომელიც, მათი თქმით, კვლევებსა და გადასხმებს არ ჰყოფნის. ონკოპაციენტები ითხოვენ პრემიერმინისტრ ირაკლი კობახიძესთან შეხვედრასაც და მისგან კონკრეტულ პასუხებს ელოდებიან. მათ მთავრობის კანცელარიას განცხადებით უკვე მიმართეს. ,,მიზანი არის ის, რომ ყველა ონკოპაციენტისთვის ხელმისაწვდომი იყოს სიცოცხლისთვის აუცილებლად საჭირო ყველა მედიკამენტი და არა განსაზღვრული რაოდენობა, რადგანაც ჩვენ ძალიან კარგად ვიცით, რომ 13 და 21 მედიკამენტი სრული სიმსივნეების სპექტრისთვის, რა თქმა უნდა, ვერ იქნება დამაკმაყოფილებელი. და ყველა, სიცოცხლისთვის…

ქუთაისში პატიმარი გარდაიცვალა. 44 წლის დემნა გაბელია სასჯელს მეორე პენიტენციურ დაწესებულებაში იხდიდა. ოჯახის ინფორმაციით, მას ბადრაგთან შელაპარაკება მოუვიდა, დასჯის მიზნით პატიმარი ციხის ადმინისტრაციამ კარცერში გადაიყვანა. ნათესავები ამბობენ, რომ პატიმარი საავადმყოფოში დიალიზის პროცედურის ჩასატარებლად 10 დღის მერე, მას შემდეგ გადაიყვანეს რაც, მისი მდგომარეობა დამძიმდა. იმის გამო, რომ მისი გადაყვანა კლინიკაში დაგვიანდა, კაცს სეფსისი განუვითარდა. ოჯახის წევრების განმარტებით, პატიმრის მდგომარეობა საავადმყოფოში შეყვანისთანავე ექიმების მიერ შეფასდა როგორც კრიტიკული და ის რეანიმაციულ განყოფილებაში მოათავსეს. პატიმარი დემნა გაბელია საავადმყოფოში გადაყვანიდან მეორე დღეს გარდაიცვალა.

400-ზე მეტი არასამთავრობო ორგანიზაცია და მედია “ქართული ოცნების” მიერ რუსული კანონის ხელახლა ინიცირებაზე განცხადებას ავრცელებს და ამბობს, რომ ეს კანონი სიტყვის თავისუფლების ჩახშობის რუსული ავტორიტარული ინსტრუმენტია. იხილეთ განცხადება: ,,ჩვენ, ქართული მედია და არასამთავრობო ორგანიზაციები, კატეგორიულად ვეწინააღმდეგებით ხელისუფლების მიერ ხელახლა ინიციირებულ რუსულ კანონს. „ქართული ოცნების“ მიერ საკუთარი სიტყვის გატეხა და ხალხის მოტყუება მიმართულია არა მხოლოდ ქართული მედიისა და ქართული არასამთავრობო ორგანიზაციების, არამედ თითოეული მოქალაქისა და საქართველოს ევროპული მომავლის წინააღმდეგ. ქართული არასამთავრობო ორგანიზაციები ვეხმარებით ხალხს. ამ რუსული კანონის მიღება დაუცველს დატოვებს ძალადობის მსხვერპლ ბავშვებსა და ქალებს; შეზღუდული შესაძლებლობის მქონე პირებს, მეცნიერებს, მშრომელებსა და…

,,არა რუსულ კანონს” – პარლამენტის უკანა შესასვლელთან აქციისთვის ემზადებიან. საპროტესტო აქცია სტუდენტების ორგანიზებულია. აქციას შეუერთდებიან სხვადასხვა სფეროს წარმომადგენლები. ისინი “ოცნების” გადაწყვეტილებას, დააბრუნოს რუსული კანონი პარლამენტში, ერთობლივად გააპროტესტებენ. სწორედ დღეს გეგმავს მმართველი პარტია კანონპროექტის ბიუროზე დარეგისტრირებას. პარლამენტის გარე და შიდა პერიმეტრზე გომელაურის უწყებას მობილიზაცია აქვს გამოცხადებული. ადგილზე სხვადასხვა საპოლიციო ძალებია მობილიზებული.

დიდუბის რაიონში, ლუბლიანას ქუჩაზე საგზაო მოძრაობა გადატვირთულია. შეფერხების მიზეზი აღმაშენებლის ხეივანში მომხდარი ავტოსაგზაო შემთხვევაა, რის გამოც ვერ ხერხდება საზოგადოებრივი ტრანსპორტის მოძრაობაც. ,,მომხდარის გამო, მძღოლები ლუბლიანას ქუჩაზე გადაადგილდებიან, რაც აღნიშნული ტერიტორიის გადატვირთვას იწვევს. შემთხვევის ადგილზე მობილიზებულია საპატრულო პოლიცია. ავტოსაგზაო შემთხვევის აღმოფხვრის შემდეგ, სატრანსპორტო მოძრაობა ჩვეულ რეჟიმში განახლდება”, – აღნიშნულია განცხადებაში.

გარემოს ეროვნული სააგენტოს ინფორმაციით, 9-10 აპრილს დასავლეთ საქართველოში შენარჩუნებული იქნება უმეტესად უნალექო ამინდი, 11 აპრილს კი ზოგან გაწვიმდება. აღმოსავლეთ საქართველოში 9-11 აპრილს ზოგან წვიმიანი ამინდია მოსალოდნელი. დედაქალაქში –  თბილისში 9 აპრილს გამოიდარებს, 10-11 აპრილს მცირე წვიმაა მოსალოდნელი. ჰაერის ტემპერატურა დღისით +19, +21 გრადუსი დაფიქსირდება. სანაპირო რაიონებში (ბათუმი, ქობულეთი, ანაკლია, ფოთი): უმეტესად უნალექო ამინდია მოსალოდნელი. ჰაერის ტემპერატურა დღისით +18, +20 გრადუსი დაფიქსირდება. დასავლეთ საქართველოს დაბლობ რაიონებში (ქუთაისი, ზესტაფონი, ზუგდიდი, მარტვილი, ოზურგეთი): 9-10 აპრილს უმეტესად უნალექო ამინდია მოსალოდნელი, 11 აპრილს კი ზოგან გაწვიმდება. ჰაერის ტემპერატურა დღისით +22, +24 გრადუსი დაფიქსირდება. დასავლეთ საქართველოს…

ცხოველთა მონიტორინგის სააგენტოს მაშველებმა გუმათჰესის ქუჩაზე დაახლოებით 25 მეტრის ხიდან კატა ამწე-კალათის დახმარებით უსაფრთხოდ ჩამოიყვანეს და პატრონთან დააბრუნეს. ,,სამწუხაროდ, ხშირად ძაღლებისაგან შეშინებული კატები, თავის დაცვის მიზნით ხეებზე ადიან, მაგრამ იქიდან ჩამოსვლას რამდენიმედღიანი მცდელობის შემდეგაც ვერ ახერხებენ. შინაური კომპანიონი ცხოველების დახმარების აუცილებლობის შემთხვევაში, გთხოვთ, დაგვიკაშირდით ცხელი ხაზის საშუალებით – 032 2 421 424”, – ნათქვამია განცხადებაში.

თბილისში, ისნის რაიონში, ბოჭორმის ქუჩაზე მაღაზია „ბეთლ გრაუნდის“ სასროლეთში მომხდარ აფეთქებას 3 ადამიანი ემსხვერპლა. აფეთქების შედეგად ერთ-ერთი გარდაცვლილი კოდორის სპეცოპერაციის მონაწილე, პოლკოვნიკი იური ლომიძეა, რომელიც ამავე დაწესებულების თანამშრომელი იყო. გარდაცვლილებს შორის არის შინაგან საქმეთა სამინისტროს თანამშრომელი. სამართალდამცველი მიზანში სროლაში ვარჯიშობდა, როცა აფეთქება მოხდა. ცეცხლი შენობის ნულ სართულზე გაჩნდა. მაშველებმა შემთხვევის ადგილიდან ოთხი ადამიანი ცოცხალი ამოიყვანეს, მაგრამ ოთხიდან ერთი კლინიკაში შეყვანისთანავე გარდაიცვალა. შინაგან საქმეთა სამინისტროს თანამშრომლებმა აფეთქებაზე გამოძიება საქართველოს სისხლის სამართლის კოდექსის 240-ე პრიმა მუხლის მესამე ნაწილით დაიწყეს, რაც ელექტრო-ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს, რამაც…

ქუთაისში ქურდობების სერია გრძელდება – ქალაქის ცენტრში ამ დროისთვის დაუდგენელმა პირებმა მაღაზია გატეხეს. მძარცველებმა სალაროდან 300 ლარამდე თანხა წაიღეს. სავარაუდოდ, მაღაზია არასრულწლოვნებმა გატეხეს. მეპატრონე ამბობს, რომ გასული ორი დღის განმავლობაში ეს მესამე მსგავსი შემთხვევაა. ,,წაღებულია ფულადი თანხა. ვარაუდობენ, რომ დამნაშავეები მცირეწლოვან ბავშვები არიან. საბოლოო ჯამში ყველა პოლიციის პასუხს ელოდება. ეს პირველი შემთხვევა არ არის. გუშინ წინ გვერდით მაღაზია გატყდა, გუშინ კიდევ გატეხეს იგივე მაღაზია და დღეს არის ახლა ეს მაღაზია. ადამიანები წვალობენ და ბოლოს მივდივართ ამ შედეგამდე,” – ამბობს ერთ-ერთი მესაკუთრე.

მივიღეთ უმნიშვნელოვანესი გადაწყვეტილება ახალი მეგაპროექტის განხორციელების შესახებ. კერძოდ, თბილისში აშენდება ახალი საერთაშორისო აეროპორტი, – ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა. პრემიერის თქმით, ახალი აეროპორტი ვაზიანში აშენდება. „პირველი საკითხი უკავშირდება თბილისის საერთაშორისო აეროპორტს. 6 აპრილს გაიმართა ეკონომიკური საბჭოს სხდომა, სადაც მივიღეთ უმნიშვნელოვანესი გადაწყვეტილება ახალი მეგაპროექტის განხორციელების შესახებ. კერძოდ, თბილისში აშენდება ახალი საერთაშორისო აეროპორტი. დღევანდელი აეროპორტის გამტარუნარიანობა არის დაახლოებით 4,5 მილიონი მგზავრი. იცით, რომ ჩვენ გვაქვს ძალიან დადებითი დინამიკა ტურიზმის სფეროში. მომავალშიც მოსალოდნელია ვიზიტორთა რაოდენობის სწრაფი და თანმიმდევრული ზრდა, რასაც ფეხი უნდა აუწყოს ინფრასტრუქტურამ. ჩვენ განვიხილეთ ორი ალტერნატიული ვარიანტი.…

მოქალაქეთა პირადი ცხოვრების საიდუმლოს ხელყოფისა და დისკრიმინაციული ტიპის დანაშაულების სწრაფი და ეფექტიანი გამოძიების უზრუნველსაყოფად, სპეციალურ საგამოძიებო სამსახურში სპეციალიზებული სამმართველო 2023 წლის მარტში შეიქმნა. სამმართველოს მიერ გაწეული სამუშაოსა და შედეგების შესახებ საუბარია საქართველოს პარლამენტისთვის წარდგენილ 2023 წლის საქმიანობის ანგარიშში. უწყების ცნობით, ახალი დანაყოფის ჩამოყალიბება ქვეყანაში პირადი ცხოვრების საიდუმლოების ხელყოფის ფაქტების გახშირებამ გამოიწვია, პრაქტიკა აჩვენებს, რომ არაერთ შემთხვევაში დანაშაულის მსხვერპლი და მონაწილე არასრულწლოვნები არიან. შესაბამისად სამსახურმა მის ერთ-ერთ მთავარ პრიორიტეტად ამ კატეგორიის დანაშაულის წინააღმდეგ ბრძოლა და პრევენცია დაისახა. ,,სამმართველოს ჩამოყალიბების შემდეგ, გამომძიებლები სპეციალური საგამოძიებო სამსახურის რიგებიდან შეირჩნენ, რომლებიც ამ გამოწვევებისთვის სპეციალურად გადამზადდნენ.…