დღე: აპრილი 9, 2024

პრეზიდენტი სალომე ზურაბიშვილი 9 აპრილის ტრაგედიის დროს დაღუპულ გმირებს თავისუფლებისთვის მადლობას უხდის. „მტერი ვინაა, ამას ვერ დავივიწყებთ, სანამ თქვენ არ დაგივიწყებთ! მადლობა თავისუფლებისთვის! ადამია აზა, 22 წლის; ბაშალეიშვილი ეკა, 16 წლის; ბეჟანიშვილი ეკა, 16 წლის; გიორგაძე ნატო, 23 წლის; დოლიძე თამუნა, 28 წლის; ენუქიძე თინა, 70 წლის; თოიძე ნინო, 25 წლის; კიკვიძე ზაირა, 61 წლის; ლოლაძე მანანა, 33 წლის; მამულიშვილი თამარი, 50 წლის; მეტრეველი ვენერა; ნოზაძე მამუკა, 22 წლის; სამარგულიანი ნანა, 41 წლის; ქვასროლიაშვილი შალვა; ჭყონია-სამარგულიანი მარინა, 31 წლის; ჭიპაშვილი ელისო, 25 წლის; ჭოველიძე თამარი, 16 წლის; ჯანგირაშვილი ნოდარი, 40…

უკრაინაში დაღუპული ქართველი მებრძოლი, თენგიზ ჭანია, მშობლიურ სოფელში, ენგურზე გავლებულ საოკუპაციო ზოლთან დღეს, სამხედრო პატივით დაკრძალეს. აფხაზეთიდან დევნილი ჭანია ქალაქ ავდეევკასთან მასირებულ საარტილერიო დაბომბვას 22 მარტს ემსხვერპლა. უკრაინაში ის ომის დაწყების პირველი დღეებიდანვე იბრძოდა. ირიცხებოდა უკრაინის შეიარაღებული ძალების ,,აზოვის” პოლკის შემადგენლობაში. როგორც მეგობრები იხსენებენ, საბრძოლო შეტაკებების დროს ჭანია ორჯერ დაიჭრა, თუმცა ორივეჯერ ფრონტის წინა ხაზზე დაბრუნდა. 48 წლის ჭანია აფხაზეთისა და 2008 წლის აგვისტოს ომების მონაწილე, საქართველოს თავდაცვის სამინისტროს დაზვერვის დეპარტამენტისა და შსს განსაკუთრებულ დავალებათა მეორე სამმართველოს ყოფილი თანამშრომელი იყო.

საზოგადოების ინფორმირების მიზნით, გვსურს განვმარტოთ, რომ მიმდინარე წლის 8 აპრილს, საპატრულო პოლიციის დეპარტამენტის თანამშრომლები ასრულებდნენ სამსახურეობრივ მოვალეობას, რა დროსაც გზის სავალი ნაწილის გვერდულზე შენიშნეს ავტომობილი, რომლის მძღოლმაც პოლიციის ეკიპაჟის დანახვისას დაძრა ავტომობილი, შეეჯახა სავალი ნაწილის გვერდულს და სცადა მიმალვა. პატრულ-ინსპექტორებმა არაერთხელ მოუწოდეს ავტომობილის მძღოლს დამორჩილებოდა პოლიციელების კანონიერ მოთხოვნას. მიუხედავად პოლიციის მხრიდან გაკეთებული არაერთი მოწოდებისა, რომ აღნიშნულ პიროვნებას შეენარჩუნებინა სიმშვიდე, ნასვამ მდგომარეობაში მყოფი მძღოლი იქცეოდა აგრესიულად. მანქანიდან გადმოსვლის შემდეგ, ცივი იარაღის დემონსტრირებით, პატრულ-ინსპექტორებს სიცოცხლის მოსპობით ემუქრებოდა. ასევე, მან ფიზიკური შეურაცხყოფა მიაყენა ადგილზე მყოფ ერთ-ერთ პოლიციელს. აღნიშნული პირი, რომელიც სხვადასხვა მძიმე დანაშაულისთვის…

ეროვნული ბანკის გადაწყვეტილებას, რომლის მიხედვითაც სავალუტო რეზერვებს მონეტარული ოქრო დაემატა, სებ-ის ყოფილი პრეზიდენტი, დეპუტატი რომან გოცირიძე ეხმაურება. მისი თქმით, ბოლო პერიოდში, ოქროს საკუთარ საცავებში ის ქვეყნები აბრუნებენ, რომლებიც დასანქცირებული არიან, ან ელოდებიან სანქციებს. გოცირიძის თქმით, ეროვნულმა ბანკმა უნდა ახსნას 7 ტონა ოქროს შეძენის მიზანშეწონილობა: ,,ქვეყნის რეზერვების 11 პროცენტი, 500 მილიონი დოლარი ჩაყარო ისეთ აქტივში, ოქროში, რომლის ფასი მკვეთრად მერყევია, იყიდო ღირებულების პიკზე, ჩამოიტანო თბილისში და დაასაწყობო, არის უაზრობა. ამ ხუთას მილიონ დოლარს ყოველწლიურად რამდენიმე მილიონი დოლარი შემოსავალი მოჰქონდა. ბოლო პერიოდში, ოქროს საკუთარ საცავებში ის ქვეყნები აბრუნებენ, რომლებიც დასანქცირებული არიან ან…

29 წლის ნოდარ რუსაძე, რომელსაც ოჯახი თბილისში 5 აპრილის შემდეგ ეძებდა, გარდაცვლილი იპოვეს. სამწუხარო ინფორმაციას სოციალურ ქსელში ახლობლები ავრცელებენ. გარდაცვალების მიზეზი ჯერჯერობით უცნობია.

საქართველოს პრემიერ-მინისტრმა ირაკლი კობახიძემ 9 აპრილის მემორიალი ყვავილებით შეამკო და საქართველოს ერთიანობისთვის დაღუპულთა ხსოვნას პატივი მიაგო. პრემიერ-მინისტრი ადგილზე თბილისის მერთან, აღმასრულებელი და საკანონმდებლო ხელისუფლების წარმომადგენლებთან ერთად მივიდა. 9 აპრილის მემორიალთან საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა მეუფე შიომ 9 აპრილს დაღუპულთა სულის მოსახსენებელი პანაშვიდი გადაიხადა.

რუსული სპეცსამსახურების ტერორისტული თავდასხმა – ასეთ კვალს ხედავენ ქართველი სამხედროები ბოჭორმის ქუჩაზე მომხდარ აფეთქებაში. გენერალი თათუხაშვილი და უკრაინაში მებრძოლი ვიცე-პოლკოვნიკი ვანო ნადირაძე ამტკიცებენ, რომ სასროლეთ ბათლგრაუნდში აფეთქება არ იყო შემთხვევითი. ამ თავდასხმის მსხვერპლი, ეგრეთ წოდებული, კოდორის სპეცოპერაციის კიდევ ერთ მონაწილე პოლკოვნიკი იური ლომიძე გახდა.

9 აპრილის ტრაგედიიდან 35 წელი გავიდა. ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ, პირველმა მოადგილემ ნიკოლოზ კვეზერელმა, მოადგილეებმა მირონ ჩიგოგიძემ, ჯანდრი უბირიამ, დირექტორის მრჩეველმა ვლადიმერ იმნაძემ, დღეს, გამთენიისას, რუსთაველის გამზირზე, მთავრობის სასახლის წინ, საქართველოს დამოუკიდებლობისათვის 9 აპრილს დაღუპულ გმირთა მემორიალი ყვავილებით შეამკეს და მათ ხსოვნას პატივი კიდევ ერთხელ მიაგეს. ,,35 წელი გავიდა იმ დღიდან, როცა ამ ახალგაზრდებმა, ამ მამულისთვის გულანთებულმა ადამიანებმა თავიანთი თავი სამსხვერპლოზე მიიტანეს. ფაქტობრივად, პირველად იყო მაშინ ახალი აღდგენილი დამოუკიდებლობის ისტორიაში, რომ ჩვენ მზად ვიყავით გვებრძოლა თავისუფლებისათვის და თავი გაგვეწირა მისთვის. ჩვენ ვართ განწირულები იმისთვის, რომ ვიყოთ…

„კი ევროპას! არა რუსულ კანონს!“ – დღეს 6 საათზე თავისუფლების მარშია. პოლიტიკური პარტიები, არასამთავრობო ორგანიზაციები, სტუდენტური მოძრაობები, სხვადასხვა საინიციატივო ჯგუფები და მოქალაქეები ქვეყნის თავისუფლებისა და ევროპული მომავლის დასაცავად ერთიანდებიან. მსვლელობა 18:00 საათზე რესპუბლიკის მოედნიდან დაიწყება და საქართველოს პარლამენტის შენობასთან დასრულდება.

შინაგან საქმეთა სამინისტრომ ტრეფიკინგის ბრალდებით 1981 წელს დაბადებული ნ.გ. დააკავა. დანაშაული 15 წლამდე ვადით თავისუფლების აღკვეთას ითვალისწინებს. ,,გამოძიებით დადგინდა, რომ ბრალდებულმა ნ.გ.-მ ადამიანებით ვაჭრობის სქემა შეიმუშავა და აღნიშნულის სისრულეში მოყვანისა და შრომითი ექსპლუატაციის გაწევის მიზნით, ოთხ პირს ფსიქოლოგიური ზეწოლითა და ფიზიკური ანგარიშსწორების მუქარით, მის კუთვნილ ფერმაში ამუშავებდა. ბრალდებული დაზარალებულებს ტერიტორიის დატოვებასა და მობილური ტელეფონით სარგებლობას უკრძალავდა. ნ.გ. ოთხივე მათგანს აიძულებდა შეესრულებინათ მისი ნებისმიერი მითითება, თუნდაც ეს არ ყოფილიყო დაკავშირებული მათ ფერმაში მუშაობასთან. იმ შემთხვევაში, თუ დაზარალებულები ბრალდებულის მოთხოვნების შესრულებაზე უარს იტყოდნენ, ან ის უკმაყოფილო დარჩებოდა შესრულებული სამუშაოთი, მათ ფიზიკურად უსწორდებოდა”,…