გერმანიის ყოფილი კანცლერი ანგელა მერკელ რუსი ოპოზიციონერის, ალექსეი ნავალნის ციხეში სიკვდილს ეხმაურება და ამბობს, რომ პატიმარი რუსეთის რეპრესიული სახელმწიფო ძალის მსხვერპლი გახდა:
„საშინელებაა, რომ მამაცი, უშიშარი ხმა, რომელიც იცავდა თავის ქვეყანას, საშინელი მეთოდების გამოყენებით გააჩუმეს. ჩემი ფიქრები მის მეუღლესთან, მის შვილებთან, მის მეგობრებთან და თანამშრომლებთან არის“, – განაცხადა გერმანიის ყოფილმა კანცლერმა.
ცნობისთვის, ანგელა მერკელმა გერმანიის კანცლერის თანამდებობაზე ყოფნის პერიოდში ალექსეი ნავალნი საავადმყოფოში მოინახულა, როდესაც რუსი ოპოზიციონერი ნერვული აგენტით, „ნოვიჩოკით“ მოწამვლის შემდეგ მკურნალობდა. მერკელი ნავალნის მხარს აქტიურად უჭერდა.
