დღე: ივნისი 12, 2023

უკრაინის პრეზიდენტმა ტრადიციულ ვიდეომიმართვაში რუსეთის ტყვეობიდან დახსნილ 95 ადამიანზე ისაუბრა და აღნიშნა, რომ ეს არის ტერორისტული სახელმწიფო, რომელიც ბოროტებას ჩადის. „მოვახერხეთ კიდევ 95 ადამიანის დაბრუნება რუსული ტყვეობიდან.  ვაგრძელებთ სამაშველო ოპერაციას უკრაინის სამხრეთში. დაახლოებით 4000 ადამიანის ევაკუაცია შევძელით. დატბორილია ათობით ქალაქი და სოფელი, უმძიმესი მდგომარეობაა კვლავ ხერსონის რეგიონის დროებით ოკუპირებულ ნაწილში. რუსი ტერორისტები აგრძელებენ საევაკუაციო გზების, საევაკუაციო პუნქტებისა და ნავების დაბომბვას, ერთ-ერთი ასეთი თავდასხმის შედეგად, სამი ადამიანი დაიღუპა. ოკუპანტებმა ეს კატასტროფა კაშხლის აფეთქებით შექმნეს. რუსული ტერორისტული სახელმწიფოს სამართლიანი პასუხისმგებლობა არის წინაპირობა იმისა, რომ მსოფლიოში ასეთი ბოროტება აღარ განმეორდეს,” – აღნიშნა პრეზიდენტმა…

უკრაინული მხარის ინფორმაციით, დონეცკის ოლქის დასახლებული პუნქტი ბლაგოდატნოეს უკრაინა აკონტროლებს. ოლექსა დოვბუშის სახელობის უკრაინულმა 68-ე ეგერთა ბრიგადამ სოციალურ ქსელში  ვიდეო გამოაქვეყნა, სადაც ჩანს რომ უკრაინელი სამხედროები ერთ-ერთ შენობაზე უკრაინულ დროშას აღმართავენ.  

ვოლოდიმირ ზელენსკის განცხადებით, კახოვკიეს კაშხლის განადგურებას  სისხლის სამართლის საერთაშორისო სასამართლო იძიებას. როგორც უკრაინის პრეზიდენტი ამბობს, სასამართლოს წარმომადგენლები უკრაინაშიც ჩავიდნენ. „სისხლის სამართლის საერთაშორისო სასამართლოს წარმომადგენლები ხერსონის ოლქს ეწვივნენ. გენერალურმა პროკურორმა სტიქიის გამოძიების თხოვნით ICC-ის პროკურატურას მიმართა და მუშაობა უკვე დაწყებულია. ძალიან მნიშვნელოვანია, რომ საერთაშორისო მართლმსაჯულების წარმომადგენლებმა საკუთარი თვალით ნახეს რუსეთის ტერორისტული აქტის შედეგები და თავად გაიგეს, რომ რუსული ტერორი გრძელდება“ – აცხადებს პრეიდენტი ზელენსკი. შეგახსენებთ, რომ კახოვკის ჰესის აფეთქების შედეგად 13 სოფელი წყლით დაიფარა, 50 000 – ზე მეტი ადამიანი უსახლკაროდ დარჩა, განადგურდა შინაური ცხოველები და ფრინველები, უკრაინაში ეკოციდი მძვინვარებს.

კიმ ჩენ ინი რუსეთს სოლიდარობას უცხადებს და ამბობს, რომ ეს ერი საკუთარი სუვერენიტეტისა და მომავლისთვის იბრძვის. ჩრდილოეთ კორეის ლიდერმა რუსეთის პრეზიდენტს მაამებლური უსტარი გაუგზავნა. „,ხარდაჭერას და სოლიდარობას უცხადებს რუს ერს, რომელიც იცავს მათ სუვერენიტეტსა და მომავალს და უსურვებს კეთილდღეობას და გამარჯვებას“ – აღნიშნულია პუტინისთვის გაგზავნილ წერილში. კიმ ჩენ ინი პუტინს წერს, რომ სამართლიანობა ყოველთვის იმარჯვებს და სამართალი რუსეთის მხარესაა. „რუსი ერი იბრძვის მტრული ძალების წინააღმდეგ, რომლებიც მზარდი საფრთხეებს წარმოადგენენ და ცდილობენ შეარყიონ ქვეყნის სუვერენიტეტი, უსაფრთხოება და მშვიდობიანი ცხოვრება.  სამართლიანობა ყოველთვის იმარჯვებს და რუსი ხალხი გააგრძელებს გამარჯვების ისტორიის დიდებას“, – აღნიშნულია რუსეთის…

უკრაინა-რუსეთს შორის ტყვეების გაცვლის პროცესი განორციელდა. ამჯერად, უკრაინამ 95 ჯარისკაცი დაინრუნა. რუსეთის ტყვეობიდან დახსნილებს შორის არიან შეიარაღებული ძალების 51 წარმომადგენელი; ეროვნული გვარდიის 29 წევრი; 11 მესაზღვრე და ოთხი სამხედრო მეზღვაური. დახსნილთა შორის არიან სისასტიკით ცნობილი კერძო სამხედრო დაჯგუფება „ვაგნერის“ და ქვედანაყოფ „ახმატის“ ტყვეობაში მყოფები.