დღე: მარტი 9, 2023

,,მოდი, დავიწყოთ მადლობით! მადლობა ახალგაზრდებს!”- ამის შესახებ საქართველოს ყოფილი პრემიერ-მინისტრი გიორგი გახარია წერს. გახარია ე.წ. ”აგენტების კანონის” გაწვევას ეხმიანება და აღნიშნავს, რომ ეს გამარჯვების დასაწყისია. ,,მოდი, დავიწყოთ მადლობით! მადლობა ახალგაზრდებს! #მადლობაGenZ #მადლობამილენიალებს მადლობა ყველა იმ ადამიანს, ვინც იბრძვის საქართველოს ევროპული მომავლისთვის! მადლობა ყველა ჩვენს უცხოელ მეგობარს, ევროკავშირს, აშშ-ს ქართველი ხალხის ევროპული არჩევანის ურყევი მხარდაჭერისთვის! ეს არ არის საბოლოო გამარჯვება. ეს გამარჯვების დასაწყისია. საქართველოს ადგილი ევროპაშია! ამ კანონის ინიციირებამ, მისმა დაცვამ და უკან წაღებამ ყველას დაანახა, რომ დღეს ქვეყანა იმართება ერთი ადამიანის შიშებით და აღქმებით. დადგა დრო, რომ ყველამ, პირველ რიგში…

”ნაციონალური მოძრაობის” წევრი, ხატია დეკანოიძე  საპარლამენტო უმრავლესობის მიერ „უცხოური გავლენის გამჭვირვალობის შესახებ“ კანონპროექტის გაწვევას ეხმიანება. “ჩვენმა შვილებმა შეძლეს ეს! არასდროს რუსეთში! შვილებო, თქვენ გენაცვალეთ”, – წერს ხატია დეკანოიძე.   საპარლამენტო უმრავლესობამ ე.წ. ”აგენტების კანონი” გაიწვია

საქართველოში ევროკავშირის წარმომადგენლობა საპარლამენტო უმრავლესობის მიერ „უცხოური გავლენის გამჭვირვალობის შესახებ“ კანონპროექტის გაწვევას ეხმიანება. ,,მივესალმებით მმართველი პარტიის განცხადებას „უცხოური გავლენის გამჭვირვალობის შესახებ“ კანონპროექტის გაწვევის შესახებ. მოვუწოდებთ საქართველოს ყველა პოლიტიკურ ლიდერს, ინკლუზიური და კონსტრუქციული გზით განაახლონ პროევროპული რეფორმები 12 პრიორიტეტის შესაბამისად საქართველოს მიერ კანდიდატის სტატუსის მიღწევის მიზნით”,- ნათქვამია განცხადებაში.     საპარლამენტო უმრავლესობამ ე.წ. ”აგენტების კანონი” გაიწვია    

,,მივიღეთ გადაწყვეტილება, უპირობოდ, ყოველგვარი დათქმის გარეშე გავიწვიოთ ჩვენს მიერ მხარდაჭერილი კანონპროექტი,”- ამის შესახებ „ქართული ოცნების“ პოლიტიკური საბჭოს, „ხალხის ძალისა“ და საპარლამენტო უმრავლესობის ერთობლივ განცხადებაშია ნათქვამი. „საზოგადოებას გვინდა ვაცნობოთ, რომ გაიმართა კონსულტაციები „ქართული ოცნების“ პოლიტიკური საბჭოს, „ხალხის ძალისა“ და საპარლამენტო უმრავლესობის წევრებს შორის „უცხოური გავლენის გამჭვირვალობის შესახებ“ კანონის გარშემო მიმდინარე პოლიტიკურ პროცესებთან დაკავშირებით. ვხედავთ, რომ მიღებულმა კანონპროექტმა საზოგადოებაში აზრთა სხვადასხვაობა გამოიწვია. სიცრუის მანქანამ შეძლო კანონპროექტის უარყოფითად წარმოჩენა და საზოგადოების გარკვეული ნაწილი შეცდომაში შეიყვანა. კანონპროექტს მიაკერეს „რუსული კანონის“ ყალბი იარლიყი, ხოლო მისი პირველი მოსმენით მიღება საზოგადოების ნაწილის თვალში ევროპული კურსიდან გადახვევად წარმოაჩინეს. გარდა…

,,გვჭირდება მხარდაჭერა ჩვენი ევროპელი პარტნიორებისგან. ისინი გვჭირდება იმაზე მეტად, ვიდრე ოდესმე, მათი სტრატეგიული გადაწყვეტილება, მიანიჭონ კანდიდატის სტატუსი საქართველოს, მათ შორის, თუ საჭირო იქნება, მთავრობის ნების წინააღმდეგ,”- ამის შესახებ საქართველოს პრეზიდენტმა სალომე ზურაბიშვილმა France 24-თან ინტერვიუში განაცხადა. პრეზიდენტის თქმით, ეს იქნება სტრატეგიული გადაწყვეტილება საქართველოს მოსახლეობისთვის. ,,რუსეთი არასდროს არის შორს, მას ოკუპირებული აქვს ჩვენი ტერიტორიის 20%, იგი ჩვენი უახლესი ისტორიის განმავლობაში, ბოლო ორ-ნახევარი საუკუნეა გამუდმებით გვიტევს და აგრესიას იჩენს ჩვენდამი, ასე რომ, მას მუდმივად აქვს ცდუნება, რომ თავისი ნება თავს მოგვახვიოს. შეიძლება ეს ცდუნება ძლიერდება, რადგან აგებენ ომს უკრაინაში და სურთ, წარმატებას…

,,ხელისუფლებამ უნდა გაიაზროს, რომ მათ აქვთ ბოლო შანსი შეამცირონ საზოგადოებასთან უფსკრული, რომელიც სულ უფრო ფართოვდება, მათ აქვთ უკანასკნელი შანსი, რომ აჩვენონ, რომ არ არიან პრორუსული ძალა,”- ამის შესახებ საქართველოს პრეზიდენტმა ”სიენენთან” ინტერვიუში განაცხადა. სალომე ზურაბიშვილის თქმით, ვენეციის კომისია დიდი ალბათობით იტყვის, რომ ასეთ კანონს დამოუკიდებლად არსებობის უფლება არ აქვს. ,,ახლა არ არის ამ კანონის საჭიროება, არავის მოუთხოვია ის, არ არის არასამთავრობო ორგანიზაციების მეტი რეგისტრაციის საჭიროება, ამ ადამიანებისთვის უცხოური გავლენის აგენტების წოდება ძალიან ჰგავს რუსულ პოლიტიკას, რუსულ პოლიტიკას, რომელიც ადამიანების ნების თავისუფალი გამოხატულების საპასუხოდ ხდება პროტესტის ჩახშობა. ადამიანები საქართველოს პარლამენტის წინ…

ბოდიში, გულწრფელად უნდა ვთქვა, ამ ხალხს ყველა პარტია ჰკიდია ფეხებზე, საკუთარი ქვეყნისა და სამშობლოს გარდა და უნდათ ევროპული მომავალი,”- ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა განაცხადა. მისი თქმით, აქციაზე შეკრებილი ადამიანები იცავენ საკუთარ ევროპულ მომავალს. „საქართველოს კონსტიტუცია გუშინ რუსულმა ოცნებამ საქართველოს პარლამენტში ოფიციალურად დახია. კონსტიტუციაში რომ გვიწერია „ევროპული მომავლის შესახებ“ და განსაზღვრულია კონსტიტუციით, რუსულმა ოცნებამ დაიკიდა ფეხებზე და საქართველოს მოქალაქეებს უთხრა, რომ ჩვენ გვინდა რუსული, პუტინისტური კანონი. უთხრა, რომ მივიღებთ ისეთ კანონს, რომელიც ევროკავშირის გზაზე, ევროატლანტიკურ სტრუქტურებში ჩვენს გაერთიანებას არათუ საფრთხეს შეუქმნის, არამედ წარმოუდგენელი იქნება ამ დოკუმენტთან ერთად ჩვენი…

,,გიორგი ვაშაძე არის ჩვეულებრივი ჯაშუში, ის არ არის უცხოური გავლენის აგენტი, მიხეილ სააკაშვილიც არის ჯაშუში, არ მინდა ამ თემაში შესვლა, მაგრამ მნიშვნელობა არ აქვს, ვისია, ჩრდილოეთ კორეის, რუსეთის თუ ავსტრალიის. ჯაშუში ჯაშუშია და ეს საზოგადოებამ ძალიან კარგად უნდა გააცნობიეროს” – ამის შესახებ „ქართული ოცნების“ თავმჯდომარემ, ირაკლი კობახიძემ „ღამის კურიერში“ განაცხადა. მისი თქმით, ”ყველაფერი ჩაივლის, გულწრფელი პროტესტიც, საბოლოო ჯამში, გადაიზრდება ინფორმირებულ გადაწყვეტილებებში.” „ერთი კარგი რამ, რაც მოიტანა ამ კანონმა არის ის, რომ, საბოლოო ჯამში, გაირკვა, რომ აგენტის, ჯაშუშის იარლიყი (ჯაშუშთან იყო ასოცირებული აგენტი), ყველა შემთხვევაში სათაკილოა, ვისი ჯაშუში და აგენტიც არ…

რუსთაველის გამზირზე ვითარება უკონტროლო და უკიდურესად დაძაბულია. სპეციალური დანიშნულების რაზმმა მთელ პერიმეტრი გაათავისუფლა, თუმცა, აქციის მონაწილეები რუსთაველზე ისევ დაბრუნდნენ. გზის სავალ ნაწილზე სხედან. მეორე მხარეს კი განლაგებულია სპეცდანიშნულების რაზმი, რომლებსაც ზურგს უმაგრებს სპეციალური ტექნიკა და წყლის ჭავლის მანქანები. პერიოდულად ჟღერდება გაფრთხილება, რომ თუ არ დაიშლებიან, გამოყენებული იქნება შესაბამისი ზომები.  

საქართველოს საპატრიარქო პარლამენტთან მიმდინარე პროცესებთან დაკავშირებით განცხადებას ავრცელებს. „ეკლესია, როგორც ჩვენი ერისა და ქვეყნის ყველაზე დიდი გამაერთიანებელი და მოამაგე, გულმხურვალედ ლოცულობს მშვიდობისა და ერთსულოვნებისათვის. მიგვაჩნია, რომ ჩვენს სამეზობლოში არსებული რთული ვითარებიდან გამომდინარე, მშვიდობიანი კურსის შენარჩუნება და ქვეყნის დამოუკიდებლობა ქვეყნის წინსვლისათვის ერთადერთი ამოსავალი ფაქტორია. მშვიდობის დარღვევის მცდელობად მიგვაჩნია პოლარიზების გამღვივებელი რადიკალური განცხადებები, რომელი მხრიდანაც უნდა ვრცელდებოდეს ისინი, მით უმეტეს, სასულიერო პირთაგან. სოციალურ ქსელში ხდება იმ ცალკეულ სასულიერო პირთა ქადაგებების თუ გამოსვლების ტირაჟირება, რომელნიც პოლიტიკურ თემებს ეხებიან, იქნება ეს ჩრდილოელი მეზობლის მიმართ გადაჭარბებული „სიმპათიები“ თუ უშუალოდ სახელმწიფოს მიმართ რადიკალური კრიტიკა. ცალსახად ვაცხადებთ, რომ…

სპეცდანიშნულების რაზმმა პარლამენტის მიმდებარე ტერიტორია აქციის მონაწილეებისგან გაწმინდა. გამოიყენებს როგორც ცრემლსადენი ე.წ. გაზი, ისე წყლის ჭავლი. აქციის მონაწილეებმა თავი მიმდებარე შენობებს შეაფარეს. მათ შორის ქაშუეთის ეკლესიას, რომლიც კარებიც მათ გაუხსნეს. ამ წუთებში, ცრემლსადენი გაზით დაზიანებული მოქალაქეები ტაძარში იმყოფებიან და ერთმანეთს ეხმარებიან, თუმცა, იქაც უჭირთ სუნთქვა, რადგანაც გაზმა ტაძარშიც შეაღწია. აქციის რამდენიმე მონაწილე დააკავეს.