დღე: მარტი 16, 2023

„მე მგონი, მართლა შემოგზავნილია, ისეთ განცხადებებს აკეთებს,”- ასე აფასებს „ნაციონალური მოძრაობის“ წევრი ბაჩო დოლიძიძე ყოფილი შინაგან საქმეთა მინისტრის, ვანო მერაბიშვილის განცხადებებს. მისი თქმით, მერაბიშვილის ტყუილებს ამბობს და დესტრუქციის მეტი არაფერი არ მოაქვს საერთო საქმეში. „მე მგონი, მართლა შემოგზავნილია, ისეთ განცხადებებს აკეთებს. გუშინ რაც თქვა იმასთან დაკავშირებით, თურმე პარტია ხმას არ იღებდა უკრაინაში არსებულ ტრაგედიაზე, არაფერში აღარ ჯდება. რას ნიშნავს? რამდენჯერ ვიყავით ჩასული, განცხადებებს რომ თავი დავანებოთ, როგორ არ რცხვენია, ასეთ ტყუილებს რომ იძახის. ან ახალ მენეჯმენტს მივმართავ, თვითონ ისაუბრონ, მე კარგი, მხარე ვარ, გავიგე, ჩემი სუბიექტური დამოკიდებულება მაქვს მერაბიშვილთან მიმართებაში,…

„ნაციონალურ მოძრაობაში“ თუ ვინმეს ჭკუა აქვს, „სკოჩი“ მიაკრან ვანო მერაბიშვილს“,- ამის შესახებ პარტია „მოქალაქეების“ წევრმა  ალეკო ელისაშვილმა განაცხადა. მისი თქმით, ვანო მერაბიშვილი ”დარეტიანებულ „ქართულ ოცნებას“ ახლა რეტიდან გამოსვლაში ეხმარება”. „ძალიან დაიზიანა თავი „ქართულმა ოცნებამ“, ყველა რომ ვეუბნებოდით, ფოცხს ნუ დააბიჯებ ფეხს იმ კანონპროექტის მიღებით, გაექანენ, ძალიან ენერგიულად დააბიჯეს იმ ფოცხს ფეხი, ტარი მოხვდათ თავში და ახლა არიან დარეტიანებული. ამ დარეტიანებულ „ქართულ ოცნებას“ ახლა რეტიდან გამოსვლაში ეხმარება ვანო მერაბიშვილი. თუ ვინმეს ჭკუა მოეკითხება „ნაციონალურ მოძრაობაში“, უნდა გააკეთოს ერთი მარტივი რამ – დაახლოებით 10 სანტიმეტრი „სკოჩი“ მოჭრან და მიაკრან პირზე ვანო მერაბიშვილს,…

ოპოზიციონერი დეპუტატის, ხათუნა სამნიძის განცხადებით, ახლა ვადამდელი არჩევნების მოთხოვნა არასწორია. მისი თქმით, დღეს ნომერ პირველი არჩევანი და პრიორიტეტი უნდა იყოს 12 პუნქტი. „ვადამდელი არჩევნების მოთხოვნა ახლა მგონია არასწორი, პოლიტიკური სიბეცეც, რადგან დღეს ნომერ პირველი არჩევანი და პრიორიტეტი უნდა იყოს 12 პუნქტი. იქნება თუ არა რიგგარეშე არჩევნები, ამას აჩვენებს პოლიტიკური პროცესი, როგორ მოიქცევა „ქართული ოცნება“, მაგრამ ამის მოთხოვნა დღეს არასწორია“, – განაცხადა ხათუნა სამნიძემ.

,,კანდიდატის სტატუსი როცა მიეცემა საქართველოს, სტატუსი მიეცემა საქართველოს ხელისუფლებას, რომელიც წარმოადგენს ქართველ ხალხს,”- ამის შესახებ პარლამენტის თავმჯდომარემ. შალვა პაპუაშვილმა განაცხადა. შალვა პაპუაშვილი ოპოზიციის წარმომადგენლების ევროპარლამენტში ვიზიტს გამოეხმაურა. ,,ისინი (ოპოზიცია) მიდიან და ყველას ეუბნებიან, რომ საქართველოს ხელისუფლება არის ცუდი. ჩვენთან არის დიქტატურა, არაფერი არ ვარგა, მაგრამ ქართველი ხალხი არის კარგი და ამიტომ მოგვეცით სტატუსიო. ეს არის ან აბსოლუტური მიამიტობა ან მავნებლობა. საკუთარი ქვეყნის ასეთი რეკლამირება არ გამიგია, ვინმეს უთხრა, ხელისუფლება, სახელმწიფო სისტემა, არაფერი არ ვარგა და ხალხო, რომელიც სადღაც ცხოვრობს, ხალხს მიეცითო. კანდიდატის სტატუსი როცა მიეცემა საქართველოს, სტატუსი მიეცემა საქართველოს ხელისუფლებას, რომელიც…

,,ვადამდელი არჩევნები აბსურდია,”- ამის შესახებ პარლამენტის თავმჯდომარემ, შალვა პაპუაშვილმა განაცხადა. მისი თქმით, მორიგი არჩევნები იქნება ცოტა ხანში. ,,რაც შეეხება ვადამდელ არჩევნებს – ეს აბსურდია. ვადამდელი კი არა, მორიგი არჩევნები იქნება ცოტა ხანში. რაღა დარჩა იმისთვის, რომ დაიწყოს წინასაარჩევნო პერიოდი მორიგ არჩევნებამდე. ამიტომ ვისაც რაიმე ეჭვი აქვს საქართველოს ხელისუფლების მიმართ ხალხის ნდობაში და ვინმე თუ დარწმუნებულია საკუთარ ძალებში დაელოდოს ვადამდელ არჩევნებს და როგორც 9 არჩევნებში გამოჩნდა, რომ არიან მარგინალები, ზუსტად ისე გამოჩნდება მე-10 არჩევნებში, რომ არიან მარგინალები”,- განაცხადა შალვა პაპუაშვილმა.

,,ძალიან ვწუხვარ, რომ ქართულ რადიკალურ პარტიებს აქვთ შესაძლებლობა სტრასბურგის, თუ ბრიუსელის სხვადასხვა კორიდორებში იარონ და შეხვდნენ ევროპარლამენტის წევრებს,”- ამის შესახებ პარლამენტის თავმჯდომარემ, შალვა პაპუაშვილმა განაცხადა. მისი თქმით, როდესაც ტყუილის და რადიკალიზმის კულტივაციით დაკავებული პარტიებს ევროკავშირის სხვადასხვა სტრუქტურაში ხვდებიან, ეს საქართველოში რადიკალიზმის წახალისებას უწყობს ხელს. ,,მე ძალიან ვწუხვარ, რომ ქართულ რადიკალურ პარტიებს აქვთ შესაძლებლობა სტრასბურგის, თუ ბრიუსელის სხვადასხვა კორიდორებში იარონ და შეხვდნენ ევროპარლამენტის წევრებს თუ ა.შ. ამ დელეგაციაში ორი პარტია – “დროა” და “გირჩი” არის ოფიციალურად რადიკალური. რადიკალები არიან, მათ დაყარეს საქართველოს პარლამენტის წევრის მანდატები, გარედან მოუწოდებენ ოპოზიციას ყოველ დღე, რომ…

ქართულმა მხარემ პოლონელ ექიმებს მიხეილ სააკაშვილის მონახულების ნება დართო. ამის შესახებ ინფორმაციას რადიო თავისუფლების ევროპის ბიუროს რედაქტორის, რიკარდ იოზვიაკი ავრცელებს. ,,ევროკავშირის ოფიციალური პირები: პოლონურ სამედიცინო ჯგუფს მიეცა სააკაშვილთან წვდომის უფლება. ჯერ უცნობია, როდის გაემგზავრებიან ისინი საქართველოში. და ეს არ ეხება ყოფილი პრეზიდენტის პოლონეთში ან სხვაგან გადაყვანას.”,- გათქვამია რიკარდ იოზვიაკის განცხადებაში.

საქართველოს პარლამენტის თავმჯდომარის, შალვა პაპუაშვილის განცხადებით, არასამთავრობო სექტორი გადატვირთვას საჭიროებს. მისი თქმით, ის კრიზისი, რომელიც ამ სექტორშია უნდა გადალახონ. ,,ბოლო პერიოდმა გამოაჩინა, რომ არასამთავრობო სექტორი საჭიროებს გადატვირთვას. ის კრიზისი, რომელიც ამ სექტორში არის, ფარისევლობის სახით, ეს კრიზისი რაღაცნაირად უნდა გადალახონ, გადატვირთონ. არის რამდენიმე ე.წ. გავლენიანი ორგანიზაცია, რომელიც დომინირებს ამ სფეროში, თრგუნავს სხვა ორგანიზაციებს, რომელთა უმეტესობა 99% არის დაკავებული იმ სოციალური, საგანმანათლებლო თუ სხვა საკითხებით, რომელიც მნიშვნელოვანია როგორც ცენტრში, ისე რეგიონებში. არის რამდენიმე დომინანტი ორგანიზაცია, რომელთა მიმართაც პატარა ორგანიზაციებს აქვთ შიში და რიდი, სწორედ იმის გამო, რომ იციან, ამ ორგანიზაციებს აქვთ…

„ნაციონალური მოძრაობა“ არის პარტია, რომელმაც ხელისუფლებაში ყოფნის დროს შექმნა გულაგების სისტემა. სისტემა, სადაც ადამიანები ციხეში მოხვედრის შიშით ან გზით იჩაგრებოდნენ, ითრგუნებოდნენ”, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა. მისი თქმით, ძალადობა იყო ყოველდღიური საქმე მაშინდელი ხელისუფლების. ,,სისტემა, სადაც ადამიანები ციხეში მოხვედრის შიშით, ან მოხვედრის გზით, იჩაგრებოდნენ, ითრგუნებოდნენ, ადამიანების ღირსების აყრა ხდებოდა და ძალადობა იყო მაშინდელი ხელისუფლების ყოველდღიური საქმე. ეს არის ნაციონალური მოძრაობის პოლიტიკური ფილოსოფია. გულაგების სისტემის შექმნა და ადამიანის ჩაგვრა. ამას დღესაც ვხედავთ ოპოზიციიდან. დღესაც იგივე აქვთ ის ფაშისტური კამპანია რაც აქვთ აწეული ადამიანების მიმართ, მათი ოჯახების მიმართ,…

მსოფლიოს მოწინავე კვლევითი ორგანიზაციის და ვაშინგტონის N1 ანალიტიკური ცენტრის, „ჰერითიჯ ფაუნდეიშენის“ კვლევის მიხედვით, „მთავრობის კეთილსინდისიერების“ ინდექსით საქართველო მსოფლიოს საუკეთესო 40 ქვეყანას შორის დასახელდა, – ამის შესახებ ინფორმაციას საქართველოს მთავრობის ადმინისტრაცია ფეისბუქგვერდზე ავრცელებს. მათივე ცნობით, 2023 წელს საქართველო „მთავრობის კეთილსინდისიერების“ ინდიკატორით ევროკავშირისა და ჩრდილოატლანტიკური ალიანსის წევრ 15 სახელმწიფოს უსწრებს. „საქართველო ლიდერია კავკასიასა და შავიზღვისპირეთში, პოსტსაბჭოთა ქვეყნებს შორის კი მხოლოდ ბალტიის ქვეყნებს ჩამორჩება. მთავრობების კეთილსინდისიერება შეფასდა შემდეგი კრიტერიუმებით: Perceptions of corruption (კორუფციის აღქმა); Risk of bribery (მექრთამეობის რისკი); Control of corruption including capture of the state by elites and private interests (კორუფციის კონტროლი, მათ შორის სახელმწიფოს…