დღე: მარტი 18, 2023

ამერიკის შეერთებული შტატების ყოფილი პრეზიდენტი დონალდ ტრამპი აცხადებს, რომ მას დააკავებენ. ტრამპი ერთ კვირაში მოსალოდნელ დაკავებასთან დაკავშირებით სოციალურ ქსელში წერს. ტრამპი დაკავების მიზეზზეც საუბრობს და მას პორნომსახიობ სტორმი დენიელსისთან აკავშირებს. პორნოვარსკვლავი ამტკიცებს, რომ მას ყოფილმა პრეზიდენტმა  130 ათასი აშშ დოლარი გადაუხადა, რომ მათი სექსუალური კავშირის შესახებ არსად ესაუბრა. როგორც ტრამპი წერს, მისი დაკავების შემთხვევაში, მისმა მომხრეებმა უნდა გააპროტესტონ.

მეტი...

რუსეთის ფედერაციის პრეზიდენტი უკრაინაში მიმდინარე „სამხედრო ოპერაციასთან“ დაკავშირებით გავრცელებული ე.წ. ფეიკ ნიუსებით ისე გაღიზიანდა, კანონმდებლობის გამკაცრება გადაწყვიტა. პრეზიდენტმა ხელი უკვე მოაწერა კანონს, რომელიც ყალბი ინფორმაციის გავრცელებაზე სს პასუხისმგებლობას ითვალისწინებს. საუბარია უკრაინის ომზე, რომელსაც რუსული მხარე ე.წ. „სპეციალური სამხედრო ოპერაცია“ უწოდებს კერძოდ, ოპერაციის მონაწილეების დისკრედიტაციისა და „ფეიკ“ ინფორმაციის გავრცელებისთვის სს პასუხისმგებლობა შემოდის. კანონმდებლობა მკაცრდება მოხალისეებთან დაკავშირებით ყალბი ინფორმაციის გავრცელებაზეც. მაქსიმალური სასჯელი კი 15 წლიანი პატიმრობა იქნება.  

მეტი...

საგარეო პოლიტიკის და უსაფრთხოების საკითხებში ევროკავშირის უმაღლესი კომისრის, ჯოზეფ ბორელის განცხადებით, ვლადიმერ პუტინის დაკავების ორდერის გაცემა „მხოლოდ დასაწყისია“. „ეს საერთაშორისო სამართლის მნიშვნელოვანი გადაწყვეტილებაა უკრაინის ხალხისთვის. ევროკავშირი ყოველთვის მკაფიოდ ამბობდა, რომ უკრაინის წინააღმდეგ უკანონო, უსაფუძვლო და არაპროვოცირებული ომის დაწყებისთვის პასუხისმგებელი პირები პასუხისგებაში უნდა მიეცნენ. ეს რუსეთისა და მისი ლიდერების პასუხისგებაში მიცემის პროცესის მხოლოდ დასაწყისია იმ დანაშაულებისთვის და სისასტიკისთვის, რომლებიც მათ უკრაინაში ჩაიდინეს”, – განაცხადა ჯოზეფ ბორელმა. შეგახსენებთ, ჰააგის სასამართლომ რუსეთის პრეზიდენტის, ვლადიმერ პუტინის და ბავშვთა საკითხების ომბუდსმენის, მარია ლვოვა-ბელოვას დაკავების ორდერები გასცა.

მეტი...

აშშ-ს პრეზიდენტის, ჯო ბაიდენის განცხადებით, რუსეთის პრეზიდენტმა ვლადიმერ პუტინმა აშკარად ჩაიდინა სამხედრო დანაშაულები და სასამართლოს გადაწყვეტილება მისი დაკავების ორდერის გაცემის შესახებ გამართლებულია. „ეს ძალიან ძლიერი სიგნალია. პუტინმა ნამდვილად ჩაიდინა ომის დანაშაულები“, – განაცხადა ჯო ბაიდენმა. შეგახსენებთ, ჰააგის სასამართლომ რუსეთის პრეზიდენტის, ვლადიმერ პუტინის და ბავშვთა საკითხების ომბუდსმენის, მარია ლვოვა-ბელოვას დაკავების ორდერები გასცა.    

მეტი...

დაკავების ორდერი არ არის ჯადოსნური ჯოხი, მაგრამ ჩვენ გვჯერა ჩვენი სამართალწარმოებისას ორდერის შემაკავებელი ეფექტის – ამის შესახებ სისხლის სამართლის საერთაშორისო სასამართლოს პრეზიდენტმა პიოტრ ჰოფმანსკიმ განაცხადა. მისი თქმით, ”არსებობს 123 ქვეყანა, მსოფლიოს ქვეყნების ორი მესამედი, სადაც პუტინი უსაფრთხოდ არ იქნება”. „ყველა მონაწილე სახელმწიფოს აქვს იურიდიული ვალდებულება სრულად ითანამშრომლოს სასამართლოსთან, რაც ნიშნავს, რომ ისინი ვალდებულნი არიან მიიღონ დაკავების გადაწყვეტილება,”- განაცხადა ჰოფმანსკიმ.

მეტი...

,,სისხლის სამართლის საერთაშორისო სასამართლომ პუტინის დაპატიმრების ორდერი გასცა. ისტორიული გადაწყვეტილება, საიდანაც ისტორიული პასუხისმგებლობა დაიწყება,”- ასე ეხმიანება უკრაინის პრეზიდენტი, ვოლოდიმირ ზელენსკი, ჰააგის სასამართლოს გადაწყვეტილებას. ,,ტერორისტული სახელმწიფოს მეთაური და კიდევ ერთი ოფიციალური პირი, ოფიციალურად გახდნენ ეჭვმიტანილები ომის დანაშაულებში. უკრაინელი ბავშვების დეპორტაცია არის ათასობით ჩვენი ბავშვის უკანონო გადაყვანა ტერორისტული სახელმწიფოს ტერიტორიაზე”, – განაცხადა ზელენსკიმ. შეგახსენებთ, ჰააგის სასამართლომ რუსეთის პრეზიდენტის, ვლადიმერ პუტინის და ბავშვთა საკითხების ომბუდსმენის, მარია ლვოვა-ბელოვას დაკავების ორდერები გასცა.

მეტი...