დღე: მარტი 21, 2024

,,ომი ყოველთვის დამარცხებას ნიშნავს… ყველანაირი შესაძლებლობა უნდა გამოვიყენოთ, რათა ვაწარმოოთ მოლაპარაკებები”. ამის შესახებ რომის პაპმა ფრანცისკემ განაცხადა. ,,არასოდეს დაივიწყოთ, რომ ომი ყოველთვის დამარცხებას ნიშნავს… ომის დროს წინსვლა არ შეგვიძლია. ჩვენ ყველანაირი შესაძლებლობა უნდა გამოვიყენოთ, რათა ვისაუბროთ და ვაწარმოოთ მოლაპარაკებები”, – თქვა რომის პაპმა.

მოლაპარაკებები ღაზაში ცეცხლის შეწყვეტის უზრუნველსაყოფად, რომელიც დაკავშირებულია “ჰამასის” მიერ დაკავებული მძევლების გათავისუფლებასთან, “უახლოვდება” შეთანხმებას. ამის შესახებ აშშ-ის სახელმწიფო მდივანმა, ენტონი ბლინკენმა განაცხადა. ,,ძალიან ბევრი ვიმუშავეთ კატართან, ეგვიპტესთან და ისრაელთან, რათა მაგიდაზე ძლიერი წინადადება დაგვეყენებინა. ჩვენ ეს გავაკეთეთ; ჰამასი ამას არ მიიღებს. ისინი დაბრუნდნენ სხვა თხოვნებით, სხვა მოთხოვნებით. მოლაპარაკებები ახლა ამაზე მუშაობენ”, – თქვა ბლინკენმა. ,,ჰამასის” სპიკერმა განაცხადა, რომ ისრაელის პასუხი მათ უახლეს კონტრწინადადებაზე ,,ზოგადად უარყოფითი იყო” და არ აკმაყოფილებდა ,,ჰამასის” მოთხოვნებს. გასულ კვირის წინადადება მოიცავდა 700-დან 1 000-მდე პალესტინელი პატიმრის გათავისუფლებას მძევლებისთვის. ისრაელის პრეზიდენტმა ბენიამინ ნეთანიაჰუმ ჰამასის წინადადებას ,,არარეალური” უწოდა.

ნიდერლანდები უკრაინისთვის, საბრძოლო მასალისა და უპილოტო თვითმფრინავების შესაძენად, 350 მილიონ ევროს გამოყოფს. ამის შესახებ ქვეყნის თავდაცვის მინისტრმა კაისა ოლონგრენიმ განაცხადა. კერძოდ ნიდერლანდები 150 მილიონ ევროზე მეტს საბრძოლო მასალისთვის გამოყოფს, დანარჩენი 200 მილიონი ევროთი კი დაგეგმილია მნიშვნელოვანი რაოდენობის ISR (დაზვერვა-სამეთვალყურეო-სადაზვერვო) დრონების შეძენა და უკრაინაში გადატანა. ცნობისთვის, მანამდე ნიდერლანდებმა, ჩეხეთის ინიციატივის ფარგლებში, უკრაინისთვის 250 მილიონი ევრო გამოყო.

აშშ გააგრძელებს უკრაინის მხარდაჭერას ყოველდღე, ყველა შესაძლო გზით, – ამ თემაზე აშშ-ის ეროვნული უსაფრთხოების საკითხებში მრჩეველმა ჯეიკ სალივანმა გუშინ, უკრაინაში ვიზიტის ფარგლებში გამართულ ბრიფინგზე ისაუბრა. ,,დღეს აქ ვარ იმისთვის, რომ გითხრათ, რომ გვჯერა თქვენი. გვჯერა, რომ თქვენ გაიმარჯვებთ. ჩვენ გვჯერა, რომ თქვენ ააშენებთ ნათელ მომავალს უკრაინელი ხალხისთვის, უფრო ძლიერ დემოკრატიას, სტაბილურ და უსაფრთხო ქვეყანას, რომელსაც შეუძლია მოიგეროს მომავალი აგრესია. და ჩვენ ვიქნებით თქვენი პარტნიორი ყოველ ნაბიჯზე. უნდა გჯეროდეთ შეერთებული შტატების. ჩვენ ვიდექით თქვენს გვერდით ამ ომის დაწყების დღიდან. ჩვენ უზარმაზარ მხარდაჭერას ვუწევდით და გავაგრძელებთ ამას ყოველ დღე, ყველანაირად, რაც შეგვიძლია.”