დღე: ნოემბერი 14, 2023

ისრაელის სამხედროების განცხადებით, ინკუბატორების გადატანის პროცესში არიან ისრაელის საავადმყოფოდან ღაზაში. სოციალურ მედიაში, ისრაელის თავდაცვის ძალებმა  გამოაქვეყნა სურათი, როგორც ჩანს, მისი ერთ-ერთი ჯარისკაცი ინკუბატორს ფურგონიდან ტვირთავს ავტოსადგომზე. ის თუ სად არის გადაღებული ფოტო, არ სახელდება.

ჩვენ უნდა შევასრულოთ უკეთესი მომავლის დაპირება – მხარი დავუჭიროთ მათ, ვინც ამისკენ ისწრაფვის და დავიცვათ უდანაშაულო ადამიანები, რომელსაც რუსეთი სამიზნედ, ხოლო ჰამასი ცოცხალ ფარად იყენებს – ამის შესახებ დიდი ბრიტანეთის პრემიერ-მინისტრმა, რიში სუნაკმა განაცხადა. ,,რამ აიძულა ჰამასი, დაეწყო თავისი საშინელი თავდასხმა ისრაელზე? ეს არ იყო მხოლოდ სიძულვილი. ეს იყო შიში იმისა, რომ ახალი ახლო აღმოსავლეთი იბადებოდა, სადაც ისრაელს მეზობლებთან ურთიერთობების ნორმალიზების შესაძლებლობა ექნებოდა და რომელიც უკეთესი, უფრო უსაფრთხო, უფრო აყვავებული მომავლის იმედს აძლევდა. რატომ შეიჭრა რუსეთი უკრაინაში? იმიტომ, რომ პუტინს ეშინოდა მის ზღურბლზე თანამედროვე, რეფორმირებული, აყვავებული დემოკრატიის გაჩენისა და სურდა…

უკრაინის საგარეო საქმეთა მინისტრის, დმიტრო კულებას განცხადებით, ევროკავშირი უკრაინისთვის ერთი მილიონი საარტილერიო ჭურვის მიწოდების გეგმას სავარაუდოდ 2024 წლის მარტამდე ვერ შეასრულებს. „სავარაუდოა, რომ შესრულდეს“, – განაცხადა კულებამ. მისი თქმით, მიზეზი არა ევროკავშირში პოლიტიკური ნების ნაკლებობაა, არამედ „თავდაცვითი ინდუსტრიის სავალალო მდგომარეობა“ და ბიუროკრატიული დაბრკოლებები. „ევროკავშირი მუშაობს ამ პრობლემების აღმოსაფხვრელად. სწორედ ამიტომ, ბერლინში ყოფნისას მოვუწოდე ევროკავშირს, შეემუშავებინა ჰოლისტიკური პოლიტიკა თავდაცვის მრეწველობის სფეროში“, – განაცხადა დმიტრო კულებამ.  

ეროვნული უსაფრთხოების საკითხებში თეთრი სახლის მრჩევლის, ჯეიკ სალივანის განცხადებით, კონგრესში უკრაინისთვის ახალი პაკეტის დამტკიცების გარეშე, აშშ-ის შესაძლებლობები ყოველ კვირას მცირდება. მისი თქმით, კონგრესმა ჯო ბაიდენის მოთხოვნა, რომელიც უკრაინისა და ისრაელის დახმარებას მოიცავს, რაც შეიძლება მალე უნდა მიიღოს, რადგან ეს პირდაპირ აისახება აშშ-ის ეროვნულ ინტერესებზე. “კონგრესში უკრაინისთვის ახალი პაკეტის დამტკიცების გარეშე, აშშ-ის შესაძლებლობები ყოველ კვირას მცირდება. ეს უკვე გავლენას ახდენს ჩვენს უნარზე, მივცეთ უკრაინას ყველაფერი, რაც სჭირდება. ეს ეფექტი დროთა განმავლობაში მხოლოდ გაიზრდება”, – განაცხადა სალივანმა.  

აშშ-ის პრეზიდენტის, ჯო ბაიდენის განცხადებით, ღაზაში მდებარე ალ-შიფას საავადმყოფო დაცული უნდა იყოს. მისი თქმით, მისი სურვილი და მოლოდინია, რომ საავადმყოფოსთან შედარებით ნაკლები არასასურველი ქმედებები იქნება განხორციელებული. „ჩემი სურვილი და მოლოდინია, რომ საავადმყოფოსთან შედარებით ნაკლები არასასურველი ქმედებები იქნება განხორციელებული. ჩვენ კონტაქტზე ვართ ისრაელელებთან. ასევე, არის მცდელობა, რომ პაუზა მივიღოთ პატიმრების გათავისუფლებასთან დაკავშირებით. მოლაპარაკებები მიმდინარეობს კატარელებთანაც, ასე რომ, გარკვეულწილად იმედი მაქვს, თუმცა საავადმყოფო დაცული უნდა იყოს“, – აღნიშნა ბაიდენმა.

უკრაინის საგარეო საქმეთა მინისტრი, დმიტრო კულება ევროკავშირს უკრაინის სამხედრო დახმარების გაზრდისა და მიწოდების დროის შემცირებისკენ მოუწოდებს. კულებამ მადლობა გადაუხადა ევროკავშირს იარაღისა და საბრძოლო მასალის მიწოდებისთვის. „ევროკომისიის პოზიტიური რეკომენდაციის წყალობით, უკრაინელებმა იგრძნეს, რომ ჩვენი ბრძოლა არ იყო უშედეგო, რომ ჩვენი ძალისხმევა იყო აღიარებული. ჩვენ ვიმედოვნებთ თქვენი ლიდერების ერთსულოვან მხარდაჭერას დეკემბერში, როდესაც ევროპის საბჭო შეიკრიბება, რათა გადაწყვიტოს უკრაინის ევროკავშირში გაწევრიანების შესახებ მოლაპარაკებების დაწყება“, – აღნიშნა დმიტრო კულებამ.