დღე: ოქტომბერი 30, 2023

აშშ-ის წარმომადგენელთა პალატის სპიკერის, მაიკ ჯონსონის განცხადებით, ისრაელის დახმარების შესახებ ცალკე კანონპროექტს მიმდინარე კვირაში წარმომადგენელთა პალატის წინაშე წარადგენენ. „მიმდინარე კვირაში ვაპირებთ, წარმომადგენლობით პალატას წარვუდგინოთ კანონპროექტი ისრაელის ცალკეული დაფინანსების შესახებ. ვიცი, რომ ჩვენს კოლეგებს, რესპუბლიკელ კოლეგებს სენატში აქვთ მსგავსი კანონპროექტი. გვჯერა, რომ ეს არის გადაუდებელი საჭიროება. მსოფლიოში ბევრი რამ ხდება, რასაც ჩვენ უნდა გავუმკლავდეთ და ამას გავაკეთებთ, მაგრამ ახლა ყურადღება სჭირდება იმას, რაც ისრაელში ხდება. ვფიქრობ, ჩვენ ასე უნდა მოვიქცეთ, ჩვენ უნდა განვაცალკეოთ მათი დახმარება“, – განაცხადა ჯონსონმა.  

დაღესტანში, მაჰაჩყალის აეროპორტში მომხდარი ინციდენტის შედეგად 20-ზე მეტი ადამიანი დაშავდა, მათ შორის პოლიციელები და მშვიდობიანი მოქალაქეები. „მაჰაჩყალის აეროპორტში მომხდარი ინციდენტის შედეგად დაშავებულებს საშუალო და მძიმე დაზიანებები აქვთ. მათ შორის არიან როგორც პოლიციელები, ასევე სამოქალაქო პირები. ორი პირის მდგომარეობა უკიდურესად მძიმეა“, – აცხადებენ რეგიონულ ჯანდაცვის სამინისტროში. რუსული მედიის ინფორმაციით, აეროპორტში არეულობაში მონაწილე 150 პირია იდენტიფიცირებული, მათგან 60 დაკავებულია. „დაღესტნის რესპუბლიკის შსს-ს თანამშრომლების მიერ, სხვა ძალოვან სტრუქტურებთან თანამშრომლობით მიღებული ღონისძიებების შედეგად, აღიკვეთა დარღვევები. ამჟამად, აეროპორტი მთლიანად ძალოვანი სტრუქტურების კონტროლის ქვეშაა. არეულობის 150-ზე მეტი მონაწილე იდენტიფიცირებულია, მათგან 60 დააკავეს და განყოფილებაში გადაიყვანეს“, –…

რუსეთის თავდაცვის მინისტრი, სერგეი შოიგუ ჩინეთის დედაქალაქ პეკინში ჩავიდა. რუსეთის თავდაცვის სამინისტროს განცხადებაში აღნიშნულია, ვიზიტის ფარგლებში შოიგუ მონაწილეობას მიიღებს ქსიანშანის უსაფრთხოების ფორუმში. „რუსეთის სამხედრო დეპარტამენტის ხელმძღვანელი პლენარულ სხდომაზე მოხსენებას გააკეთებს თემაზე „დიდი სახელმწიფოების პასუხისმგებლობა და თანამშრომლობა გლობალური უსაფრთხოების სფეროში“, – ნათქვამია განცხადებაში.  

სისხლის სამართლის საერთაშორისო სასამართლოს პროკურორის, კარიმ ხანის განცხადებით,  მისი ინსტიტუტი „აქტიურ გამოძიებას“ აწარმოებს „ჰამასის“ 7 ოქტომბრის თავდასხმაზე, ისევე როგორც ღაზასა და დასავლეთ სანაპიროზე არსებულ ვითარებაზე. „მიმდინარეობს აქტიური გამოძიება 7 ოქტომბერს ისრაელში სავარაუდო ჩადენილ დანაშაულებებთან დაკავშირებით, ასევე ღაზასა და დასავლეთ სანაპიროს მიმართ”,- აცხადებს პროკურორი. მისივე თქმით, ინსტიტუტი იმუშავებს პროფესიონალურად, რათა ბრალდება ფაქტისგან განაცალკევოს და შეისწავლოს ყველა შესაბამისი მტკიცებულება. „ეს არის ობიექტურობის მომენტი, ეს არის მომენტი, როდესაც საერთაშორისო საზოგადოება და საერთაშორისო არქიტექტურა აგებულია მეორე მსოფლიო ომის ნანგრევებზე, ჰოლოკოსტზე, ქალაქების განადგურებაზე მთელ ევროპაში, რომლებიც მიზნად ისახავს, შექმნას ინსტიტუტები, რომლებიც უზრუნველყოფენ, რომ აღარასოდეს დავინახოთ…