დღე: აგვისტო 14, 2023

ონის მუნიციპალიტეტში, სტიქიის ზონაში სამძებრო სამუშაოები მეთორმეტე დღეა უწყვეტ რეჟიმში მიმდინარეობს. სამძებრო სამუშაოებში ჩართულია, როგორც ცოცხალი ძალა, ასევე, მძიმე ტექნიკა და მცურავი საშუალებები.  ამ დრომდე ეძებენ სალომე ხეთაგურს და გვანცა ბუბაშვილი, მათი მეგობარი – ნინო კენჭაძე მაშველებმა გარდაცვლილი იპოვეს. „ეს ჩემი გვანცას მანქანაა… მისი მეგობრებით… ხო, მამიდა, აუცილებლად შევხვდებით…ნინო გაგვიფრინდა მამიდა…მაგრამ შენ და სალომეს გელოდებით …შენ ხარ დღეს ჩემი გულის ცემა მამიდა და გთხოვ, არ შეჩერდე… რაჭაში შეხვედრამდე მამიდა… გთხოვ, დავასრულოთ ცრემლებში დამხრჩვალი დღეები… ამდენი ტკივილი დანარჩენმა დაკარგულებმა, თქვენი სიცოცხლის სიხარულით დაგვიამეთ… ძალიან ტკივილიანი დღეებია, მამიდა, და იმედის მზის სხივი…

მეტი...

რაჭის გუბერნატორის, პაპუნა მარგველაძის განცხადებით, 33 დაკარგულიდან დილის მდგომარეობით, 24 ადამიანის ცხედარი არის ამოსვენებული. მისივე თქმით, იდენტიფიცირებულია 20 გარდაცვლილის ცხედარი. ,,33 დაკარგულიდან დილის მდგომარეობით, 24 ადამიანის ცხედარი არის ამოსვენებული, იდენტიფიცირებულია 20 ცხედარი. სამუშაოები მიმდინარეობს სამძებრო. გაფართოვდა ძებნის არეალი მდინარე რიონის კალაპოტზე, ამბროლაურამდეა ჩასული სამძებრო პერიმეტრი. მიმდინარეობს მიმდებარე სოფელ გლოლის წყალმომარაგების სისტემის წყალმომარაგების სისტემის სარეაბილიტაციო სამუშაოები, რომელიც უახლოეს დღეებში დასრულდება,“ – განაცხადა პაპუნა მარგველიძემ.

მეტი...

ქუთაისის ცენტრალური სამუსიკო სასწავლებელი  მოსწავლის ტრაგიკულად გარდაცვალების შესახებ ინფორმაციას ავრცელებს და სამძიმარს უცხადებს ოჯახს. ,,უდიდეს ტკივილს განვიცდით. ტრაგიკულად დაიღუპა ჩვენი სასწავლებლის საფორტეპიანო განყოფილების მე-10 კლასის წარმატებული მოსწავლე მარიამ ბოყოველი. ვუსამძიმრებთ ოჯახს, გამწარებულ მშობლებს, ახლობლებს, მეგობრებს, ვუსამძიმრებთ მარიამის პედაგოგებს, განსაკუთრებით ქალბატონებს ლავალეტა წოწერიას და ციცინო თოდუას, რომლებიც ბავშვობიდან ზრუნავდნენ ამ ნიჭიერი და იმედისმომცემი გოგოს მუსიკალურ აღზრდაზე, მის წინსვლასა და წარმატებებზე. უფალმა მიიბაროს მარიამის ლამაზი სული, შეიწყალოს და დაამკვიდროს მარადიულ სასუფეველში!” – ნათქვამია გავრცელებულ განცხადებაში. 15 წლის გოგონა ორი დღის წინ მეოთხე სართულიდან გადმოვარდა და დაიღუპა.  

მეტი...

შოვში, სტიქიის დროს დაკარგულ 4 წლის გიორგი ხორბალაძეს ამ დრომდე ეძებენ. მცირეწლოვანის დედის, მანანა ჯაჭვაძის და ბებიის,  მარინე ხორბალაძის ცხედრები მაშველებმა იპოვეს. „შოვის ტრაგედიის დროს გარდაცვლილ ჩვენი ოჯახის წევრს, მანანა ჯაჭვაძეს 10 დღიანი ძებნის შემდეგ მივაკვლიეთ…( მის პატარა ანგელოზს ჯერჯერობით ვერ) მანანა დასვენებულია რუსთავში, მის: ყაზბეგის 2 გასასვლელი N:9, პანაშვიდი ხვალ ორშაბათს 14 აგვისტოს, გადასვენება სამშაბათს 15 აგვისტოს 12 საათზე რუსთავიდან, საგარეჯოს რაიონის სოფელ ყანდაურაში, დაკრძალვა 2 საათზე.. ყველას დიდი მადლობა სამძიმრისთვის და ამ ტკივილის გაზიარებისთვის. უფალმა გაგვაძლიეროს ამ მძიმე დროს…“ – წერს გიორგი ხორბალაძე სოციალურ ქსელში.    

მეტი...

თბილისში 14 წლის გოგოს ეძებენ. როგორც გოგონას ახლობლები სოციალურ ქსელში წერენ, ლიზი სახლიდან 11 აგვისტოს გავიდა და აღარ დაბრუნებულა. მათივე ინფორმაციით, ბოლოს გოგონა 12 აგვისტოს, ვაგზლის მეტროს ტერიტორიაზე შენიშნეს.  

მეტი...