შოვში განვითარებულ სტიქიას 23 წლის სოფო ბაკურაძე ემხსხვერპლა. მისი ცხედარი იდენტიფიცირებულია. როგორც ოჯახის ახლობელი აცხადებს, გარდაცვლილი შოვში მუშაობდა.
„სოფო ბაკურაძე მუშაობდა შოვში.. იყო მარტოხელა დედა, ყოველ ზაფხულს დადიოდა შოვში – მუშაობდა დამლაგებლად.3 აგვისტოს, დილით რომ წავიდა და ჩაეხუტა ბავშვს, იმის მერე არავის აღარ გვინახავს. ვეძებდით ცხედარს. ამოცნობაზე ვიყავით წასულები – ველოდებოდით დნმ-ის პასუხს. ლუსი ახლობლებთანაა, ისევ სჯერა, რომ დედა კანფეტზეა წასული”,- ამბობს ოჯახის ახლობელი.