დღე: ივლისი 31, 2023

“ლელოს” გენერალური მდივნის, ირაკლი კუპრაძის ინფორმაციით, ბათუმში საპროტესტო აქციაზე უკრაინის მოქალაქე დააკავეს. ირაკლი კუპრაძე სოციალურ ქსელში ვიდეოსაც ავრცელებს. ,,დააკავეს უკრაინის მოქალაქე ქალი, რომელსაც წაართვეს ტელეფონი, დროშა, პირადი ნივთები, არ აძლევენ ზარის განხორიციელების შესაძლებლობას!”, – წერს ირაკლი კუპრაძე. შეგახსენებთ, ბათუმში  აქცია ამ წუთებშიც გრძელდება. ადგილზე ვითარება კვლავ დაძაბულია. შსს-ის ინფორმაციით, დაკავებულია ცხრა ადამიანი. საკრუიზო ლაინერი Astoria Grande, რომელზეც რუსეთის მოქალაქეები იმყოფებიან, ბათუმის ნავსადგურში დილის 6-ის ნახევარზე შემოვიდა. რუსეთიდან გამოსულ საკრუიზო გემს ბათუმში პროტესტით დახვდნენ. საპროტესტო აქცია ბათუმის ნავსადგურში მთელი ღამის განმავლობაში მიმდინარეობდა.

“რუსეთი მტერია და არა სტუმარი!”- ახალგაზრდული მოძრაობა “ჯიუტები” 19:00 საათზე, პარლამენტთან აქციას აანონსებენ. როგორც განცხადებაშია აღნიშნული, სოლიდარობას უცხადებენ სამშობლოს ღირსების მცველებს. ,,დღეს, დილის 7 საათზე ბათუმში ისევ შემოვიდა რუსული გემი. ქართულმა პოლიციამ, რუსული მთავრობის დავალებით, ყველაფერი გააკეთა ოკუპანტებისთვის კომფორტის შესანარჩუნებლად. ბათუმში, რუსული მთავრობის დავალებით, 10-მდე მშვიდობიანი პროტესტის მონაწილე დააკავეს. სოლიდარობა სამშობლოს ღირსების მცველებს! თანადგომა ბათუმს! საღამოს შვიდ საათზე ვიკრიბებით პარლამენტთან საკუთარი და სამშობლოს ღირსების დასაცავად,” – ნათქვამია განცხადებაში.

 „ხალხის ძალა“ განცხადებას ავრცელებს, სადაც ნათქვამია, რომ ჩინეთში, საქართველოს პრემიერ-მინისტრის, ირაკლი ღარიბაშვილის დახვედრამ ჩვენი ეროვნული სიამაყის განცდა კიდევ ერთხელ გააღვიძა. როგორც განცხადებაშია აღნიშნული, ჩინეთის პრეზიდენტმა საქართველოს მთავრობის მეთაურს თანასწორი მიღება გაუმართა. „შეიძლება ვინმემ ისიც თქვას, რომ როდესაც ერთი სახელმწიფოს ლიდერი მეორე სახელმწიფოს ლიდერს თანასწორ მიღებას უწყობს, ეს სრულიად ბუნებრივი მოვლენაა. შეიძლება ეს მართალიცაა, თუმცა, ჩვენ უკვე მრავალი წელია მიგვაჩვიეს, რომ დიდ ქვეყანას ჩვენს პატარა ქვეყანასთან მხოლოდ ბატონყმური ურთიერთდამოკიდებულება შეიძლება ჰქონდეს. უკვე მრავალი წელია, საქართველოს ზემოდან უყურებენ; საქართველოს განიხილავენ არა როგორც ღირსეულ პარტნიორს, არამედ როგორც ტერიტორიას, რომელიც აუცილებლად აგენტურის ხელით უნდა…

ერთი კონკრეტული გზავნილით ჩამოვედი – გავაძლიეროთ ჩვენი ორმხრივი კავშირები, ურთიერთობა და მეგობრობა, – ამის შესახებ საქართველოს პრემიერ-მინისტრმა ირაკლი ღარიბაშვილმა, ჩინეთის სახალხო რესპუბლიკის სახელმწიფო საბჭოს პრემიერთან ლი ციანთან შეხვედრისას განაცხადა. მისი თქმით, საქართველოს და ჩინეთის ურთიერთობების სტრატეგიული პარტნიორობის დონემდე გაზრდა მოიტანს ცვლილებებსა და კონკრეტულ შედეგებს საქართველოსა და ჩინეთში. ,,ბატონო პრემიერო, დიდი პატივი და სიამოვნებაა ჩემთვის დღეს  თქვენთან შეხვედრა. უპირველეს ყოვლისა უნდა ვთქვა რომ დიდად ვაფასებთ ჩინეთთან ურთიერთობას და მეგობრობას. ერთი კონკრეტული გზავნილით ჩამოვედი – გავაძლიეროთ ჩვენი ორმხრივი კავშირები, ურთიერთობა და მეგობრობა. ბატონო პრემიერო, მე მქონდა პატივი და  შესაძლებლობა შევხვედროდი პრეზიდენტ სი…