დღე: აპრილი 7, 2023

,,სულ უფრო აშკარაა, რომ მალე მოვკვდები, თუ სათანადო სამედიცინო დახმარებას არ მივიღებ ქვეყნის ფარგლებს გარეთ,”- ამის შესახებ საქართველოს ყოფილი პრეზიდენტი მიხეილ სააკაშვილი აცხადებს. სტატიას Politico აქვეყნებს, სადაც ყოფილი პრეზიდენტი  მიმდინარე მოვლენებზე საუბრობს. ,,მე ვაგრძელებ მოწოდებას აშშ-სა და საერთაშორისო საზოგადოებას, გააკეთონ ყველაფერი, რაც შეუძლიათ ჩემი სიცოცხლის გადასარჩენად საქართველოს მთავრობაზე დიპლომატიური ზეწოლისა და ივანიშვილისა და მისი თანამოაზრეების წინააღმდეგ ეკონომიკური სანქციების დაწესებით. ჩემმა სიკვდილმა შეიძლება გამოიწვიოს პოლიტიკური ქაოსი საქართველოში, მაგრამ ჩემი წამება, რა თქმა უნდა, ჩაითვლება პუტინის გამარჯვებად – ძლიერი სიმბოლო ყველა ლიდერისთვის ამ რეგიონში,და შესაძლოა მსოფლიოც, რომლებმაც ვერ შეძლეს წინ აღდგომოდნენ რუსულ…

ყოფილი სახალხო დამცველი, ნინო ლომჯარია აშშ-ის სახელმწიფო დეპარტამენტის მიერ ოთხი ქართველი მოსამართლის დასანქცირებას ეხმიანება. მისი თქმით, აღნიშნული გადაწყვეტილება არის გზავნილი, რომ მათ დაინახეს ქართველი ხალხის ბრძოლა თავისუფლებისთვის. ,,ეს გადაწყვეტილება სახელმწიფო დეპარტამენტმა მას შემდეგ მიიღო, რაც დაინახა რომ საქართველოში ადამიანები 1 წლის განმავლობაში არიან მზად რომ ფიზიკურად დაიცვან დემოკრატიული ღირებულებები და საქართველოს ევროატლანტიკური არჩევანი. შესაბამისად, ჩემთვის ეს გადაწყვეტილება არის ცალსახა გზავნილი, რომ მათ დაინახეს ქართველი ხალხის ბრძოლა თავისუფლებისთვის, სამართლიანი სასამართლოსთვის, დემოკრატიული საზოგადოების მშენებლობისთვის და ეს არის მათი მხრიდან ამ ბრძოლაში მათი მხარდამჭერი გზავნილი საქართველოს მოქალაქეების მიმართ,”- განაცადა ნინო ლომჯარიამ ”ფორმულას” ეთერში.

,,არასოდეს განგვიხორციელებია ზეწოლა მოსამართლეზე საქართველოში,”- ამის შესახებ საქართველოში აშშ-ის ელჩმა, კელი დეგნანმა ”იმედის” ეთერში განაცხადა. მისი თქმით, მოსამართლეებმა უნდა იმუშაონ ჩარევის და დაშინების გარეშე. ,,ჩვენ არასოდეს განგვიხორციელებია ზეწოლა მოსამართლეზე საქართველოში. წლების განმავლობაში ჩვენი თანამშრომლობა იყო იმისთვის, რომ გაუმჯობესებულიყო სასამართლო სისტემა, გამჭვირვალობა და როგორც ვთქვით, დიდი პროგრესი მიიღწა, ჩვენ ძალიან მჭიდროდ ვთანამშრომლობთ ბევრ მოსამართლესთან. მე თავად იურისტი ვარ და მაინტერესებს მათი საქმიანობის შესახებ, ყოველთვის ვეკითხები, არის თუ არა აშშ-ის დახმარება მათთვის ეფექტური. ჩემთვის ძალიან საინტერესოა ეს პირადად და ასევე, ძალიან მიხარია, რომ მქონდა შესაძლებლობა შევხვედროდი ბევრ ქართველ მოსამართლეს, რომლებიც არიან ნიჭიერები,…

,,მერწმუნეთ, რომ ვერანაირ მტკიცებულებას ვერ წარმოადგენს ამერიკის საელჩო იმასთან დაკავშირებით, რომ ჩვენ ვართ კორუფციაში გახვეული, მე კი შემიძლია დავადასტურო, რომ იყო ზეწოლა,”- ამის შესახებ აშშ-ის მიერ სანქცირებულმა მოსამართლემ ლევან მურუსიძემ ტელეკომპანია ”იმედის” ეთერში განაცხადა. მისი თქმით, სურს, პრემიერ-მინისტრი, ირაკლი ღარიბაშვილი ჩააყენოს საქმის კურსში. ,,მე ვფიქრობ, რომ როდესაც როდესაც საკითხი ეხება მართლმსაჯულების დამოუკიდებლობას, ეს საკითხი პირდაპირ არის დაკავშირებული ქვეყნის სუვერენიტეტთან და ბუნებრივია, რომ პრემიერ-მინისტრი, რომელიც არის მთავარი ფიგურა საქართველოში და სახელმწიფოს მეთაური, ის უნდა იყოს საქმის კურსში, თუ რა საფრთხეები ემუქრება მართლმსაჯულების სისტემას, რა გამოწვევები არსებობს, რა თავდასხმები ხორციელდება ამერიკის საელჩოს…

,,სასამართლოს პოსტს კი არ ვეკიდები. სიმართლე გითხრათ, ერთი სული მაქვს, აი, როდის წავალ სასამართლოდან. დავისვენებ,”- ამის შესახებ აშშ-ის მიერ სანქცირებულმა მოსამართლემ ლევან მურუსიძემ ტელეკომპანია ”იმედის” ეთერში განაცხადა. ,,ერთი რამე მინდა გითხრათ. როდესაც თქვენ გაბრალებენ, რომ კორუმპირებული ხართ და თან გეუბნებიან, მე არ გეტყვი, რატომ ხარ კორუმპირებული. და ახლა მე ავდგე და გადავდგე? სად წავიდე, როგორ წავიდე, როგორ ვიცხოვრო. მე სასამართლოს პოსტს კი არ ვეკიდები. მე ის კი არა მაქვს, სიმართლე გითხრათ, ერთი სული მაქვს, აი, როდის წავალ სასამართლოდან. დავისვენებ, ხო. სულ მურუსიძის სახელი არის და ყველაფერ უბედურებას ქვეყანაში ძირითადად მე…