დღე: მარტი 1, 2023

ოკუპირებული აფხაზეთის ე.წ. უშიშროების საბჭოს მდივანი კმაყოფილია საქართველოს პოზიციით რუსეთთან მიმართებაში. აფხაზური მედიის ინფორმაციით, სერგეი შამბას განცხადებით, საქართველოს ხელისუფლება რუსეთის მიმართ ნეიტრალურ პოზიციას ინარჩუნებს. „უნდა აღინიშნოს, რომ  საქართველოს დღევანდელი ხელისუფლება  ნეიტრალურია რუსეთის ფედერაციის მიმართ. ის აქტიურად ეწინააღმდეგება უკრაინის ხელისუფლების პოზიციებს, რომლებიც  რუსეთის წინააღმდეგ მეორე ფრონტის გახსნას აფხაზეთისა და სამხრეთ ოსეთის მიმართულებით ითხოვენ. ამგვარი დამოკიდებულება კი დაკავშირებულია  წმინდა პრაგმატულ მიზეზებთან“ – აცხადებს სერგეი შამბა.  

28 თებერვალს გამართულ უსაფრთხოების საბჭოს სხდომასთან დაკავშირებით განცხადებას ავრცელებს და ამბობს, რომ ის გარეთ დატოვეს. „განხილული საკითხები, რომელიც მოიცავს მსოფლიო და რეგიონული უსაფრთხოების მნიშვნელოვან ტენდენციებს, და მათ შორის, ,,უკრაინაში მიმდინარე საომარ მოქმედებებს“, საქართველოს წინაშე არსებულ გამოწვევებს, ოკუპირებულ ტერიტორიებზე მიმდინარე პროცესებს, თუ საფრთხეების შეფასების დოკუმენტის განხილვას, ყველა შემთხვევაში, მოითხოვდა პრეზიდენტის წარმომადგენლის საბჭოზე დასწრებას. უნდა აღინიშნოს, რომ პრეზიდენტმა არაერთხელ დააყენა ეროვნული უსაფრთხოების საბჭოს მოწვევის საკითხი. ასევე, ხაზი გაუსვა, ამ ფორმატში, რუსეთის მოქალაქეების საქართველოში შემოსვლით არსებული გამოწვევების შესწავლის აუცილებლობას, რასაც რეაგირება არ მოჰყოლია. ქვეყნის წინაშე მდგარი გამოწვევებიდან გამომდინარე, ძნელი გასაგებია ქვეყნის უმაღლესი მთავარსარდლის…

პარლამენტის თავმჯდომარე შალვა პაპუაშვილი ევროკავშირის ელჩს და ევროკავშირის წევრი ქვეყნების ელჩებს უცხოური გავლენის გამჭვირვალობისა და უცხოელი აგენტების რეგისტრაციის აქტის თაობაზე კანონპროექტებთან დაკავშირებით შეხვდა. პარლამენტის თავმჯდომარის თქმით, შეხვედრაზე საუბარი იყო იმ წუხილზე, რომელიც გამოთქმულია, „უცხოური გავლენის გამჭვირვალობისა” და უცხოელი აგენტების რეგისტრაციის შესახებ” პროექტებთან დაკავშირებით. „ჩვენ ამაზე სხვა დროსაც გვქონდა საუბარი. მესმის, რომ ასეთი წუხილები შეიძლება იყოს, განსაკუთრებით იმის ფონზე, რომ ხდება თავად დისკუსიის სტიგმატიზება. ფაქტია უკვე, ამერიკული კანონის პირდაპირი ასლი დაინიცირდა, და კანონსაც კი  დაარქვეს არა ამერიკული არამედ რუსული. აბსურდამდე მიდის ეს დისკუსია და გასაგებია, რომ არის მცდელობა დისკუსიის სტიგმატიზების. მიუხედავად იმისა,…

ევროკავშირის ელჩის განცხადებით, მას იმედი აქვს, რომ „ხალხის ძალის მიერ პარლამეტში ინიცირებული კანონპროექტი უცხოეთის გავლენის აგენტების შესახებ, კანონის სახეს არ მიიღებს. როგორც მან მედიასთან აღნიშნა, ეს ინიციატივა ევროკავშირის მოთხოვნებს კატეგორიულად ეწინააღმდეგება. „ეს ინიციატივა ეწინააღმდეგება სულ მცირე, ორს იმ 12 პუნქტიდან, რომელიც საქართველოს შარშან, ივნისში გადაეცა. პარლამენტის თავმჯდომარის მხრიდან მოვისმინეთ არგუმენტები საქართველოში ასეთი კანონის არსებობის აუცილებლობის შესახებ. განხილვა გაგრძელდება. როგორც მივხვდი, ეს კანონპროექტიც კი არ არის, ეს მხოლოდ ინიციატივაა. რა თქმა უნდა, ჩვენი მხრიდან ჩვენ ყურადღებით დავაკვირდებით, რას მოიცავს ეს ინიციატივა. დიდი იმედი გვაქვს, რომ ეს ინიციატივა კანონად არ გადაიქცევა. ჩვენ წარმოვადგინეთ…

„ჩვენ ახლახან დავასრულეთ ძალიან მნიშვნელოვანი შეხვედრა. მე აქ ვიმყოფებოდი თბილისში მყოფი ევროკავშირის ყველა ელჩის თანხლებით. პარლამენტის თავმჯდომარემ მოგვიწვია, რათა განგვეხილა უცხოური აგენტების კანონის შემოღების ინიციატივა“ – აღნიშნა პაველ ჰერჩინსკიმ ჟურნალისტებთან პარლამენტში შეხვედრის დასრულების შემდეგ. საქართველოში აკრედიტირებული ელჩების შალვა პაპუაშვილთან შეხვედრა კი „ხალხის ძალის“ კანონპროექტს ეხებოდა, რომელიც უცხოეთის გავლენების აგენტებს უკავშირდება. „გამოვთქვით ჩვენი შეხედულებები. ეს შეხედულებები გამოვთქვი არა მხოლოდ მე, როგორც ევროკავშირის ინსტიტუტების წარმომადგენელმა, არამედ თბილისში მცხოვრებ ევროკავშირის სხვა ელჩებთან ერთად. ჩვენ გვქონდა ძალიან გულწრფელი, ღია აზრთა გაცვლა სპიკერთან და საგარეო ურთიერთობათა კომიტეტის ორ თავმჯდომარესთან. დეტალებში რომ ჩავუღრმავდეთ, ეს არ იყო…

საქართველოს პარლამენტში დიპლომატიურ კორპუსთან შეხვედრა დასრულდა. როგორც ევროკავშირის ელჩმა შალვა პაპუაშვილთან შეხვედრის შემდეგ ჟურნალისტებთან განაცხადა, აღნიშნული კანონპროექტი სერიოზულ პრობლემებს შექმნის. „სერიოზულად ვართ შეშფოთებული, რომ ამ კანონის განხორციელებამ და შეთანხმებამ, შესაძლოა, ნეგატიური გავლენა იქონიოს ზოგადად,  სამოქალაქო საზოგადოებაზე, არასამთავრობო ორგანიზაციებსა და თავისუფალ მედიაზე. აქტიური სამოქალაქო საზოგადოება და თავისუფალი მედია, რომელსაც მოქმედების შეუფერხებელი შესაძლებლობა ექნება, ყველას ინტერესებში უნდა შედიოდეს. როგორც ევროკავშირი, ჩვენ ყოველთვის მხარს ვუჭერდით სამოქალაქო საზოგადოებას“ – აღნიშნა ელჩმა პაველ ჰერჩინსკიმ. მისივე თქმით, ევროკავშირისთვის სიტყვის თავისუფლება და მედიის თავისუფლება პრიორიტეტია. „ყოველთვის მჭიდროდ ვმუშაობდით არასამთავრობო ორგანიზაციებთან. ასევე, მტკიცედ ვუჭერთ მხარს სიტყვის თავისუფლებასა და…

ამერიკის ელჩი საქართველოში კელი დეგნანი აცხადებს, რომ კანონპროექტი უცხოური გავლენის აგენტების შესახებ, საფრთხეს იმ ორგანიზაციებს შეუქმნის რომლებიც ქვეყანაში კეთილდღეობისთვის მუშაობენ. „ეს საფრთხის ქვეშ დააყენებს იმ ორგანიზაციების მუშაობას, მათ შორის იმ ადგილობრივი ორგანიზაციების მუშაობას, რომელთა ძალისხმევა მიმართულია ადგილობრივი ხალხის ცხოვრების გაუმჯობესებაზე. ასევე, ის დააზარალებს იმ საქმეს, რაც წლებია გრძელდება საქართველოს მეგობრებსა და მის ადგილობრივ პარტნიორებთან თანამშრომლობით. კითხვა ჩნდება – რატომ? რა არის ამ კანონის მთავარი მიზანი? და რა არის მთავარი მიზეზი, რადგან ძალიან კარგად ვხედავთ, რომ ის ევროატლანტიკურ ინტეგრაციას დააზარალებს“ – აცხადებს ელჩი.

,,საჭმელი მიმაქვს და ნახევარზე მეტი უკან მომაქვს, ვერ ეკარება,”- ამის შესახებ მიხეილ სააკაშვილის დედამ, გიული ალასანიამ განაცხადა. მისი თქმით, მიხეილ სააკაშვილის კვლავ ცუდად არის. ,,ცუდად, ცუდად არის. საჭმელი მიმაქვს და ნახევარზე მეტი უკან მომაქვს, ვერ ეკარება. იმიტომ კი არა, რომ სპეციალურად, უბრალოდ არ შეუძლია. მას აქვს გულის რევა, აქვს უამრავი პრობლემა, რის გამოც ვერ ღეჭავს. მოწამვლა არის. წინა დღეებში 38-ს გადაცილებული იყო ტემპერატურა. ტემპერატურაც და წონაც მუდმივი პრობლემაა”,- აცხადებს გიული ალასანია.

ხმაური და სიტყვიერი დაპირისპირება იყო ოზურგეთის საკრებულოში. ერთმანეთს “ნაციონალური მოძრაობისა” და “ქართული ოცნების” დეპუტატები დაუპირისპირდნენ. დაპირისპირება მას შემდეგ დაიწყო, რაც ”ნაციონალური მოძრაობის” დეპუტატმა,  ”ხალხის ძალის” მიერ ინიცირებულ კანონპროექტზე ისაუბრა  და ”ქართული ოცნების” წევრებს რუსეთის ჰიმნი ჩაურთო.