დღე: თებერვალი 14, 2023

,,ევროპარლამენტის რეზოლუციები კარგავს ავტორიტეტს და ძალას,” – ასე ეხმიანება საპარლამენტო უმრავლესობის წევრი ალუდა ღუდუშაური ევროპარლამენტში წარდგენილ რეზოლუციის 5 პროექტს, რომელიც მიხეილ სააკაშვილის ჯანმრთელობის მდგომარეობას ეხება. მისი თქმით, რეზოლუციების შინაარსი სულ უფრო აცდენილია ფაქტებს და რეალობას. „რაოდენ სამწუხაროც არ უნდა იყოს, ფაქტია, ეს რეზოლუციები კარგავს თავის ავტორიტეტს და ძალას, მისი შინაარსი სულ უფრო აცდენილია ფაქტებს და რეალობას. ჩვენ გვაქვს სასამართლო გადაწყვეტილება და ყოველგვარი სპეკულაციები სააკაშვილთან დაკავშირებით უადგილოა, პროცესი არის სამართლებრივ ჭრილში და როგორც ადვოკატები ამბობენ, აპირებენ გაასაჩივრონ პირველი ინსტანციის გადაწყვეტილება. სრულიად აბსურდული ხდება ის კამპანია, რაც გაჩაღებულია ივანიშვილის წინააღმდეგ, ერთადერთი მიზანი არის ორკესტრირებული…

მეტი...

,,24 თებერვალს უნდა შევიკრიბოთ იმისთვის, რომ კიდევ ერთხელ დავანახოთ მსოფლიოს საქართველოს ხელისუფლებისგან განსხვავებული ქართველი ხალხის, საქართველოს ფაქტობრივად ყველა მოქალაქის სურვილი და ნება”, – ამის  შესახებ საქართველოს მეოთხე პრეზიდენტი, გიორგი მარგველაშვილი „ფეისბუქზე“ წერს. მარგველაშვილი საზოგადოებას 24 თებერვალს დაანონსებულ აქციაზე მისვლისკენ მოუწოდებს. „დღეს უკრაინაში და ევროპაში მიმდინარეობს ისტორიული პროცესი – უკრაინელი ხალხის გმირული ბრძოლა რუსული აგრესიის წინააღმდეგ. აუცილებელია დავაფიქსიროთ ჩვენი მხარდაჭერა უკრაინელი ხალხის მიმართ, იმ მებრძოლების მიმართ, ვინც შეაჩერა რუსული აგრესია და საკადრის პასუხს სცემს მათ. მინდა განსაკუთრებული პატივისცემა გამოვხატო ქართველი მებრძოლების მიმართ, რომლებიც იცავენ არა მხოლოდ უკრაინის თავისუფლებას, არამედ საქართველოს თავისუფლებასა…

მეტი...

მოძრაობა „ხალხის ძალის“ განცხადებით, რომ პარლამენტში აინიცირებენ კანონპროექტს, რომლის სახელწოდებაა „უცხოური გავლენის გამჭვირვალობის შესახებ“. ცვლილებების მიხედვით, ქვეყანაში “უცხოური გავლენის აგენტების რეესტრიც” უნდა შეიქმნას. ,,მიგვაჩნია, რომ საჯაროობის და გამჭვირვალობის პრინციპებიდან გამომდინარე საზოგადოებისთვის ცნობილი უნდა იყოს არა მხოლოდ იმ პოლიტიკოსების შემოსავლის წყაროები, რომლებიც გადაწყვეტილებებს იღებენ სახელმწიფოში, არამედ გამჭვირვალე უნდა იყოს ისეთი სუბიექტების (ენჯეოებისა და მედიის) შემოსავლის წყაროებიც, რომელთა მიზანია ზეგავლენა მოახდინონ საჯარო გადაწყვეტილებებზე და რომლებიც მონაწილეობენ საზოგადოებრივი აზრის ფორმირებაში ან აქტიურ მონაწილეობას იღებენ საკანონმდებლო და აღმასრულებელი ხელისუფლების მიერ კანონების თუ გადაწყვეტილებების მიღების დროს გამართულ დისკუსიებში. სწორედ ამიტომ „ხალხის ძალის“ მიერ შემოთავაზებული კანონით,…

მეტი...

საქართველოს მთავრობამ, თურქეთში ჰუმანიტარული დახმარება გაგზავნა. პრემიერ-მინისტრის გადაწყვეტილებით, თურქეთის რესპუბლიკაში მომხდარი სტიქიური უბედურების შედეგად დაზარალებული მოსახლეობისთვის, ჰუმანიტარული დახმარების აღმოჩენის მიზნით, 1 მლნ ლარი, მთავრობის სარეზერვო ფონდიდან გამოიყო. ჰუმანიტარული დახმარების მობილიზება ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ უზრუნველყო. 100 ტონაზე მეტი ჰუმანიტარული ტვირთი პირველადი სამედიცინო დახმარების საგნებს, მედიკამენტებს, სამედიცინო აღჭურვილობას, ჩვილის საკვებს, გადაუდებელი დახმარების პერსონალისთვის განკუთვნილ ნივთებს, უნიფორმებს, თბილ ტანსაცმელს, კარვებს, გენერატორებს, საძილე ტომრებს, მშრალ კვებას, კონსერვებსა და სხვა საგნებს მოიცავს. ტვირთის ნაწილის მობილიზება თავდაცვის სამინისტროს, ასევე ჯანდაცვის სამინისტროს მარაგებიდან მოხდა.

მეტი...

,,გაუშვით მიშა, მე გაძლევთ პირობას, ბიძინას გაყინულ ფულს მე ჩავუდგები სათავეში, რომ გავათავისუფლებინო,” – ამის შესახებ „ნაციონალური მოძრაობის“ წევრმა, გიორგი ჩალაძემ „ტვ პირველის“ ეთერში განაცხადა. „თუ ფულით ეს ყველაფერი კეთდება, ბიძინა ივანიშვილი რატომ ვერ აქვეყნებს სტატიებს? სად ჩვენ, სად მისი ფული და შესაძლებლობა. გამოვიდა ადვოკატი და იძახის, არ მიქვეყნებენ სტატიებსო. გაუშვით, ბიძია, ეს კაცი, გაუშვით მიშა, მე გაძლევთ პირობას, მაგ ბიძინას გაყინულ ფულს მე ჩავუდგები სათავეში, რომ გავათავისუფლებინო. გაუშვით მიშა სააკაშვილი, ნუ შესწირავთ ჩვენი ქვეყნის მომავალს“, – განაცხადა ჩალაძემ.

მეტი...