“გათენდება ახალი წელი და კვლავაც მოგევლინებით ეკონომიკის მინისტრის ამპლუაში”- ნათია თურნავა

მედიის წარმომადგენელმა ნათია თურნავას გადადგომასთან დაკავშირებით კითხვა დაუსვა, ხოლო ეკონომიკისა და მდგრადი განვითარების მინისტრმა ასეთი პასუხი გასცა: “გათენდება ახალი წელი და კვლავაც მოგევლინებით ეკონომიკის მინისტრის ამპლუაში – თქვენი ინფორმაცია საპნის ბუშტივით რომ გასკდება კვლავაც, ბოდიშს მომიხდით თუ არა?”

ნათია თურნავა აცხადებს, რომ  “რამდენიმე პარტიული ტელევიზია უტიფრად ავრცელებს ცრუ ინფორმაციას”.

„რამდენიმე ე.წ. პარტიული ტელევიზია ავრცელებთ კვლავ უტიფრად ჩემი გადადგომის შესახებ ყოვლად დაუსაბუთებელ ინფორმაციას. მე მესმის კიდევაც თქვენი ჩანაფიქრი რა არის ამ შემთხვევაში. რა თქმა უნდა, არ არის როგორც ჩანს სასიამოვნო საუბარი იმაზე, რომ ეკონომიკის აღდგენა მიდის და ამით გნებავთ აქცენტი გადაიტანოთ პიროვნებაზე. ეს გასაგებია, რომ აქეთკენ მიმართული ნაბიჯია, მაგრამ არაფერს გამოიღებს. გათენდება ახალი წელი და კვლავაც მოგევლინებით ეკონომიკის მინისტრის ამპლუაში. მზად ხართ თუ არა, რომ ბოდიში მომიხადოთ თქვენი კოლეგების თანდასწრებით? თქვენი ინფორმაცია როგორც საპნის ბუშტი რომ გასკდება კვლავაც, ბოდიშს მომიხდით თუ არა? აბა, იფიქრეთ ამ პასუხზე!“ – მიმართა თურნავამ ჟურნალისტს.

მსგავსი თემები