დღე: ოქტომბერი 5, 2020

„ყოფილი იპოდრომის ტერიტორიის თბილისის მერიისთვის გადაცემა განსაკუთრებული ფაქტია. აქ განხორციელდება ახალი, ძალიან მნიშვნელოვანი პროექტი“ – ამის შესახებ გარემოს დაცვისა და სოფლის მეურნეობ ის მიინისტრმა, ლევან დავითაშვილმა განაცხადა. მინისტრის ინფორმაციით დაგეგმილია ინფრასტრუქტურული პროექტების გახორციელება. „მოეწყობა ცენტრალური პარკი. როგორც ქალაქის მაცხოვრებლებისთვის, ისე სტუმრებისთვის, შეიქმნება ეკოლოგიურად სუფთა გარემო. წლების განმავლობაში, ბატონი ბიძინა ივანიშვილი არა ერთ საქველმოქმედო პროექტს ახორციელებს ჯანსაღი გარემოსთვის და ეკოლოგიისთვის, მათ შორისაა შავ ზღვისპირეთში განხორციელებული ახალი ცენტრები, რომლებმაც ქვეყნის ტურისტული მიზიდულობა სრულად შეცვალა. ასევე პროექტი, რომელიც თბილისის ქედის გამწვანებას, ველობილიკების მოწყობას, ეკოტურისტული ინფრასტრუქტურის განვითარებას ითვალისწინებს. ამ ჩამონათვალში, მაინც განსაკუთრებით აღსანიშნავია თბილისის…

მარაგში გვაქვს დაახლოებით ნახევარ მილიონზე მეტი „პისიარ“ ტესტი და 200 000-მდე სწრაფი ტესტი. ამიტომ, ამ მხრივ ქვეყანაში დაბრკოლება არ არის, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საკოორდინაციო საბჭოს დასრულების შემდეგ გამართულ ბრიფინგზე განაცხადა. მისივე თქმით, საქართველოში ლაბორატორიების რაოდენობა იზრდება, რათა ტესტირება ყელგან ხელმისაწვდომი. ამასთან, გამყრელიძემ საზოგადოებას ეპიდემიოლოგების მიერ გაცემულიი რეკომენდაციების დაცვისკენ კიდევ ერთხელ მოუწოდა. „იზრდება ლაბორატორიათა რაოდენობა რათა, ქვეყანაში კორონავირუსზე ტესტირება ყელგან იყოს ხელმისაწვდომი. გეოგრაფიულად ახლოს იყო 22,  უახლოეს მომავალში  სამი ლაბორატორია ემატება, რათა ხელმისაწვდომობა იყოს. მთავარია, ისევ და ისევ ჩვენი პასუხისმგებლობა, რაც უნდა გამოიხატოს იმ…

დინამოს აკადემიის ორ თანამშრომელს კორონავირუსი დაუდგინდა. აკადემიის ინფორმაციით, საწვრთნელი პროცესი 1 კვირით გადაიდო.  “ბოლო პერიოდში მათ მინიმალური შეხება ჰქონდათ სავარჯიშო პროცესთან, შესაბამისად აკადემიაში გათვალისწინებულია ჯანმრთელობის სამინისტროს ყველა რეკომენდაცია და ახლო პერიოდში აკადემიის ყველა თანამშრომელს მორიგი ტესტრება ჩაუტარდება, რის შემდეგაც აღდგება საწვრთნელი პროცესი. ამ თემასთან დაკავშირებით საქმის კურსშია დავადებათა კონტროლის ეროვნული ცენტრი და გათვალისწინებულია მათი რჩევები და მითითებები,” – ნათქვამია დინამოს აკადემიის განცხადებაში. 

გრიპის ვაქცინა შეძენილია და ერთი კვირის მანძილზე ველოდებით, რომ პირველი ნაწილი საქართველოში იქნება, – ამის შესახებ ჯანდაცვის მინისტრმა, ეკატერინე ტიკარაძემ, საკოორდინაციო საბჭოს სხდომის დასრულების შემდეგ ჟურნალისტებს განუცხადა. მინისტრის ინფორმაციით, ქვეყანა 250 ათასზე მეტ ვაქცინას შეიძენს. „ვაქცინა შეძენილია, ჩვენ ვზრუნავთ, რომ შევიძინოთ ვაქცინის დამატებითი რაოდენობა, რადგან მოსახლეობაში გაზრდილია მოთხოვნა და სურვილი რომ იყვნენ აცრილები. შემდეგი ერთი კვირის მანძილზე ველოდებით, რომ ვაქცინის პირველი ნაწილი იქნება საქართველოში და დავიწყებთ მოსახლეობის ვაქცინაციას. საერთო ჯამში, ჩვენ შევიძენთ 250 ათასზე მეტ ვაქცინას“, – განაცხადა ტიკარაძემ.

ჯანდაცვის მინისტრის თქმით, კორონავირუსის შემთხვევების გაზრდილ რიცხვებს ნეგატიურად არ აღიქვამენ – ეკატერინე ტიკარაძემ ქვეყანაში შექმნილ ეპიდსიტუაციასთან დაკავშირებით საკოორდინაციო საბჭოს სხდომის დასრულების შემდეგ ისაუბრა. “გაზრდილ რიცხვებს არ აღვიქვამთ როგორც ნეგატიურ რიცხვებს, რადგან საკმაოდ მაღალია პროცენტული გამოვლენა იმ სამიზნე ჯგუფებში, რომლებშიც ჩვენ ვატარებთ ტესტირებას. ჩვენი მიზანია, გამოვლენა გვქონდეს მაღალი და არცერთი ინფიცირებული არ დარჩეს როგორც საზოგადოებისთვის რისკის მატარებელი საზოგადოებაში და ინფექციის გამავრცელებელი,” – აღნიშნა მინისტრმა. საქართველოში დღეს კორონავირუსის 578 შემთხვევა გამოვლინდა, გამოჯანმრთელდა 375 პაციენტი.

აჭარაში დადებითობის პროცენტო საკმაოდ მაღალი გვაქვს, რაც ნიშნავს, რომ მიზნობრივი ტესტირება შედეგს იძლევა იმისა, რომ თითქმის ყველა ხუთიდან ერთში ინფიცირება დგინდება, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ  საკოორდინაციო საბჭოს დასრულების შემდეგ გამართულ ბრიფინგზე განაცხადა. მისივე თქმით, საერთო ინციდენტობის მაჩვენებლის მიხედვით, საქართველო ეგრეთ წოდებულ, დაბალ დიაპაზონშია ჯერჯერობით, ამ კუთხით ქვეყანა კარგად გამოიყურება. „მთლიანად საქართველოში ეს მაჩვენებელი 3.69 პროცენტია. იცით, ჩვენთან ინციდენტობის მაჩვენებელს ვითვლით ბოლო შვიდი დღის და ბოლო 14 დღის განმავლობაში. შვიდი დღის მაჩვენებელი გვაქვს 12/100 000 მოსახლეზე მთელს ქვეყანაში და 14-დღიანი ინციდენტობის საშუალო მაჩვენებელი არის 9.6/…

საქართველოს დაავადებათა კონტროლის ცენტრის ხელმძღვანელი ამირან გამყრელიძე მიიჩნევს, რომ საქართველო-ბალარუსის მატჩი მაყურებლის გარეშე უნდა ჩატარდეს. როგორც გამყრელიძემ ჟურნალისტებს განუცხადა, აღნიშნული რეკომენდაციაზე უწყებათაშორისი საბჭოს დღევანდელ სხდომაზეც ისაუბრა. „მჩემი რეკომენდაცია დღევანდელ სხდომაზეც ვთქვი. ჩემი პირადი რეკომენდაცია არის, რომ თამაში უნდა ჩატარდეს მაყურებლის გარეშე. უეფა-მ ​სტადიონის საერთო მაყურებლის 30 პროცენტის დასწრების ნება დაგვრთო, თუმცა საბოლოო გადაწყვეტილების მიღება ქვეყნებს დაუტოვა. საქართველოში ეპიდემიის გავრცელების ეტაპზე ჩვენ, დაავადებათა კონტროლის ეროვნული ცენტრი რეკომენდაციას ვერ მივცემთ იმის შესახებ, რომ მატჩი მაყურებლის დასწრებით ჩატარდეს“, – განაცხადა ამირან გამყრელიძემ.

კორონავირუსით კიდევ ერთი პაციენტი ქუთაისში გარდაიცვალა – 62 წლის მამაკაცს ქუთაისში,  “კლინიკა ბომონდის” კოვიდცენტრში მკურნალობდნენ.  ის კლინიკაში 24 სექტემბერს შევიდა და შემოსვლისთანავე მართვით სუნთქვაზე გადავიდა. პაციენტს ორმხრივ მწვავე პნევმონიასთან და სუნთქვის მწვავე უკმარისობასთან ერთად, ფილტვის ქრონიკული ობსტრუქციული დაავადება აღენიშნებოდა.  ჩატარებული ღონისძიებების მიუხედავად, მისი გადარჩენა ვერ მოხერხდა.

ფაქტია, მიუხედავად იმისა, რომ ვირუსის დაწყებიდან დაახლოებით რვა თვე გავიდა, თანამედროვე მსოფლიომ ახალი ვერაფერი შემოგვთავაზა ვირუსის წინააღმდეგ ბრძოლაში. ისევ პირბადე, ისევ დისტანცია, ისევ დიდი რაოდენობის არასაჭირო სოციალური თავშეყრებისგან თავის არიდება და ა.შ., – ამის შესახებ საქართველოს პრემიერ-მინისტრმა, გიორგი გახარიამ უწყებათაშორისი საკოორდინაციო საბჭოს სხდომაზე განაცხადა. მთავრობის მეთაურმა აღნიშნა, რომ ქვეყანა არის ადაპტაციისა და მართვის ეტაპზე და მოქალაქეებმა უნდა დაიცვან წესები. მისივე თქმით, შეზღუდვების შემოღების აუცილებლობა და საჭიროება არ არსებობს. „ჩვენ როცა ვამბობთ, რომ ადაპტაციისა და მართვის ეტაპზე ვართ, პირველ რიგში, უნდა დავიცვათ ეს წესები. კიდევ ერთხელ ხაზგასმით მინდა, გითხრათ, არავის ეგონოს,…

საქართველოში ბოლო 24 საათში კორონავირუსისგან კიდევ 375 პაციენტი გამოჯანმრთელდა და მათი საერთო რაოდენობა 4619 -ს შეადგენს. ბოლო 24 საათში საქართველოში კორონავირუსის 578 ახალი შემთხვევა გამოვლინდა. კორონავირუსისგან კიდევ 2 პაციენტი გარდაიცვალა და მათი რაოდენობა 52-ს შეადგენს.

საქართველოში ბოლო 24 საათში კორონავირუსისგან კიდევ ორი პაციენტი გარდაიცვალა და მათი რაოდენობა 52-მდე გაიზარდა. ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე, stopcov.ge-ზეა განთავსებული.

საქართველოში კორონავირუსის 578 ახალი შემთხვევა გამოვლინდა და ინფიცირების შემთხვევათა რაოდენობა 8696 -ს შეადგენს. ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე, stopcov.ge-ზეა განთავსებული. ქვეყანაში კორონავირუსით 52 ადამიანი გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 41 მოქალაქე.

ქუთაისის 31-ე საჯარო სკოლა დღეიდან მთლიანად სწავლების დისტანციურ რეჟიმზე გადავიდა. მიზეზი კოვიდ 19-ია, რომელიც ორ მოსწავლეს დაუდგინდა. ორივე მათგანი ერთი ოჯახის წევრია. დაინფიცირებულია მათი მშობელიც. თვითიზოლაციაში გადავიდნენ დაავადებული მოსწავლეების მასწავლებლები და თანაკლასელები. მთელი სკოლის ონლაინრეჟიმში სწავლების გაგრძელების შესახებ მოსწავლეთა ნაწილს ინფორმაცია არ ჰქონდა, რის გამოც ისინი დილიდან სკოლაში მივიდნენ, თუმცა ადმინისტრაციამ ისინი სახლებში გააბრუნა.