დღე: ოქტომბერი 24, 2020

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე და იმერეთში სახელმწიფო რწმუნებული ზვიად შალამბერიძე, რეგიონში კოვიდკლინიკების წარმომადგენლებს შეხვდნენ. მინისტრმა რეგიონში არსებულ ეპიდვითარებაზე, რეგულაციების დაცვასა და ინფიცირებულების სწორად მართვის პროცესზე იმსჯელა. ასევე, ყურადღება გაამახვილა არსებულ ხარვეზებზე და აღნიშნა, რომ სამინისტრო მზად არის თითოეულ საკითხის გადაჭრაში მყისიერად ჩაერთოს. მინისტრის განცხადებით რეგიონულ ჭრილში კლინიკების წარმომადგენლებთან შეხვედრა და უწყვეტი კომუნიკაცია მნიშვნელოვანია, რადგან სამინისტროს გააჩნია კონკრეტული გეგმა თუ როგორ უნდა მოხდეს თითოეული რეგიონის გაძლიერება იმ საჭიროებების მიხედვით რაც შეხვედრებზე იკვეთება. სახელმწიფო რწმუნებულის განმარტებით იმერეთის რეგიონში კოვიდინფიცირებულების მართვაში ამ ეტაპზე 12 კლინიკაა ჩართული.

“მნიშვნელოვანია არა საწოლების რაოდენობა, არა სასუნთქი აპარატები, არამედ ჩვენი საექიმო რესურსი, რომელიც ლიმიტირებულია. აქედან გამომდინარე, ამის ძალიან მნიშვნელოვანია, გაუფრთხილდეთ ერთმანეთს”, – ამის შესახებ ჯანდაცვის მინისტრმა, ეკატერინე ტიკარაძემ ეპიდსიტუაციასთან დაკავშირებით ჟურნალისტებს განუცხადა. მისი თქმით, ჯანდაცვის სისტემა მაქსიმალურად მომზადებულია, თუმცა ვირუსის მართვის პროცესი ასევე დამოკიდებულია მოქალაქეების ქცევაზე. „ჩვენ ეპიდსიტუაციის მსგავს განვითარებას ველოდით, ვინაიდან ყოველდღიურ რეჟიმში ვაკვირდებით, რა არის ინფექციის გავრცელების კოეფიციენტი. ეს გვაძლევს საშუალებას, რომ წინა 14 დღის განმავლობაში დაფიქსირებული ინფექციის რაოდენობის ცვლილებიდან გამომდინარე, გავაკეთოთ მომდევნო ორი კვირის პროგნოზი. აქედან გამომდინარე, ვდგამთ ყველა საჭირო ნაბიჯს, რითაც ჯანდაცვის სისტემა მომზადებულია, მიიღოს პაციენტები სამ სხვადასხვა დონეზე. ამაში ჩვენ ვგულისხმობთ ოჯახის…

„ევროპული საქართველოს“ წევრს, დეპუტატ ოთარ კახიძეს კორონავირუსი დაუდასტურდა. ამის შესახებ მან სოციალურ ქსელში დაწერა. როგორც დეპუტატი წერს, მას სიცხე, ხველა, ყელისა და სახსრების ტკივილი აღენიშნება. „მოკლედ, კოვიდინფიცირებულებს მე და ნანუკაც შევუერთდით. ვირუსის კვალობაზე თავს ნორმალურად ვგრძნობთ. სიცხე, ხველა, ყელის და სახსრების ტკივილია ჩვენი სიმპტომები. ვმკურნალობთ ქუთაისში, თვითიზოლაციის პირობებში. ატარეთ პირბადე და გაუფრთხილდით თქვენ გარშემო მყოფებს, განსაკუთრებით, ხანდაზმულებსa და ქრონიკული დაავადების მქონე ადამიანებს. ქუთაისში საარჩევნო კამპანიას ჩვენი გუნდით ვაგრძელებთ, ჯანდაცვის რეკომენდაციების დაცვით, რაც გავრცელების რისკებს ამცირებს. ამ ვირუსს მალე მოვერევით და მასთან ერთად ქოცური ვირუსიც დაგვემარცხებინოს“, – წერს კახიძე.

დღეის მდგომარეობით გვაქვს 1 941 ახალი დადასტურებული შემთხვევა, – ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა. მან ისაუბრა კოვიდ 19-ის უახლეს სტატისტიკასა და ბოლო 24 საათის განმავლობაში გატარებულ ზომებთან დაკავშირებით. „დღეის მდგომარეობით გვაქვს 1 941 ახალი დადასტურებული შემთხვევა. ქვეყანაში, 2020 წლის 26 თებერვლიდან დღემდე, კოვიდ -19-ის დადასტურებული შემთხვევების საერთო რაოდენობა შეადგენს  26 503-ს. 24 საათში გამოჯანმრთელდა 412 პირი. სულ გამოჯანმრთელებულთა რაოდენობა შეადგენს – 10 163-ს. სამწუხაროდ, 24 საათში 10 ადამიანი გარდაიცვალა და 2020 წლის 26 თებერვლიდან დღემდე სულ გვაქვს 193…

საქართველოში კორონავირუსით ათი პაციენტი გარდაიცვალა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა. საქართველოში „კოვიდ-19“-ით გარდაცვლილთა რაოდენობა ჯამში 193-ს შეადგენს. დღეს საქართველოში კორონავირუსის 1 941 ახალი შემთხვევა გამოვლინდა, ხოლო 412 პაციენტი გამოჯანმრთელდა.