თვე: ნოემბერი 2020

ლაგოდეხში მედპერსონალს კორონავირუსი დაუდასტურდა. მედიკოსები “არქიმედეს”კლინიკაში მუშაობენ. სამი კოვიდგანყოფილებაში, ორი კი სამშობიაროს კლინიკის თანამშრომელია. ყველა მათგანის ჯანმრთელობის მდგომარეობა დამაკმაყოფილებელია, მათ covid-19 გეგმიური ტესტირების დროს დაუდგინდათ. კლინიკის დირექტორის ნიკოლოზ ყარალაშვილის ინფორმაციით, COVID-19-ით ინფიცირებული მედიკოსები მკურნალობას ბინაზე გადიან და გართულებები ამ ეტაპისთვის არ აღენიშნებათ. კლინიკა ამ დროისთვის ჩვეულ რეჟიმში აგრძელებს მუშაობს და იღებს პაციენტებს.

რუხის კლინიკაში ჟანგბადის ორი გენერატორი, ე.წ. მინი ქარხანა დამონტაჟდა. როგორც საავადმყოფოს კლინიკური მენეჯერი ნინო აკობია ამბობს, ამ ეტაპზე აღნიშნული მოწყობილობებით ჟანგბადდამოკიდებული პაციენტების ნახევრის 24 საათიანი უწყვეტი მომარაგებაა შესაძლებელი.  “რუხის კლინიკის გახსნის დღიდან ჟანგბადით კლინიკა მარაგდებოდა ორი 4-ტონიანი თხევადი ჟანგბადის ავზით. შემოგვქონდა ჟანგბადი, იტვირთებოდა ჟანგბადის ავზებში და ასე მიეწოდებოდა პაციენტებს. გუშინ დამონტაჟდა ორი მინი ჟანგბადის ქარხანა, რომელიც 24 საათიანი ჟანგბადის მიწოდების რეჟიმში, თითქმის ნახევრად ფარავს და უზრუნველყოფს პაციენტებისთვის ჟანგბადის მიწოდებას. გადმოგვეცა უსასყიდლოდ ჯანდაცვის სამინისტროსგან და მადლობა მათ. ადგილზე ჟანგბადის მიწოდება და წარმოება უფრო ხელსაყრელია და მნიშვნელოვანია, რომ ეს პროცესი იყოს უწყვეტი. კარგი იქნება, თუკი…

დაავადებათა კონტროლის ცენტრის დირექტორი ამირან გამყრელიძე აცხადებს, რომ საქართველო ახლა პიკშია და რამდენი ხანი გაგრძელდება პიკი, დამოკიდებულია, როგორ დაიცავს საზოგადოება რეგულაციებს. “არავინ არ მალავს, რომ მდგომარეობა რთულია, თუმცა მართვადია. იყო დაახლოებით 350-მდე თავისუფალი საწოლი და სასუნთქი აპარატების რამდენიმე ასეული თავი, მაგრამ ესენი გაბნეულები არიან სხვადასხვა კლინიკაში.დღეს 85 სრული კოვიდკლინიკაა გადაკეთებული. ჩვენ პიკში ვართ ახლა და ეს პიკი იმაზეა დამოკიდებული, როგორ დავიცავთ ამ რეგულაციებს,”-აღნიშნა ამირან გამყრელიძემ.

“საქართველოში ჟანგბადების პრობლემა რეალურად გადაჭრილია, ჟანგბადის კონცენტრატორი უკვე დაიდგა რუხის საავადმყოფოში, იგეგმება მისი დამონტაჟება ბათუმისა და თბილისის რესპუბლიკურ საავადმყოფოებშიც,” – ამის შესახებ საქართველოს დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ მთავრობის ადმინისტრაციაში, საკოორდინაციო საბჭოს სხდომის შემდეგ გამართულ ბრიფინგზე განაცხადა. „საქართველოში ჟანგბადების პრობლემა რეალურად გადაჭრილია. იცით, რომ რუხის საავადმყოფოში უკვე დამონტაჟებულია ჟანგბადის წარმომქმნელი აგრეგატი, რაც სრულად უზრუნველყოფს რუხის საავადმყოფოსთვის საჭირო სრულ მოცულობას. შემდეგი დანადგარები იგეგმება, რომ დაიდგას ბათუმის რესპუბლიკურ საავდმყოფოში, შემდეგ კი თბილისის რესპუბლიკურ საავადმყოფოშიც დაიდგმება ასევე ჟანგბადის წარმომქმნელი კონცენტრატორი. ყველა დანარჩენ კონცენტრატორთან დაკავშირებით მიმდინარეობს მსჯელობა. აუცილებლად ექნება ასევე ახალ…

ჯანდაცვის მინისტრმა ეკატერინე ტიკარაძემ ეკონომიკური საქმიანობის აღდგენის მოთხოვნით გამართულ აქციებთან დაკავშირებით განაცხადა, რომ მთავრობის ნომერ პირველი ამოცანა ადამიანების სიცოცხლის დაცვაა. მინისტრმა აღნიშნა, რომ კრიტიკულად მნიშვნელოვანია ყველამ დაიცვას ის შეზღუდვები, რომელიც ამოქმედდა 28 ნოემბრიდან. “გამომდინარე იქიდან, რომ დღეს მსოფლიოს მასშტაბით მძვინვარებს პანდემია, ის არის ნომერ პირველი ამოცანა, რომ ჩვენ დავიცვათ ადამიანების სიცოცხლე. მიუხედავად იმისა, რომ ძალიან ვწუხვარ, რომ ეს აქციები კვლავ იმართება, ჩვენ ვერ შევძელით საკმარისი კომუნიკაცია და ახსნა იმის, თუ რამდენად მნიშვნელოვანია შეჩერებული იყოს ყველა იმ ობიექტზე ეკონომიკური საქმიანობა, რომელთან დაკავშირებითაც მთავრობამ მიიღო გადაწყვეტილება. დღეს კრიტიკულად მნიშვნელოვანია ჩვენ დავიცვათ ყველა ის…

ეკონომიკის მინისტრ ნათია თურნავას განცხადებით, ეკონომიკის სამინისტრო სამედიცინო ჟანგბადის წარმოების ხელშეწყობასა და მარაგების გაზრდაში ჩართულია. როგორც მინისტრმა უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე აღნიშნა, ქვეყანაში ჟანგბადით მომარაგების საკითხი სრულად გადაწყვეტილია და ამ კუთხით დეფიციტს ვერავინ იგრძნობს. მინისტრის თქმით, დეკემბერში საქართველოში 6 დანადგარი შემოვა. „საკოორდინაციო საბჭოს და პრემიერ-მინისტრის დავალებით, ეკონომიკის სამინისტრო ჩაერთო საქართველოში სამედიცინო ჟანგბადის წარმოების სიმძლავრეების გაზრდის ხელშეწყობასა და ასევე მარაგები გაზრდის თვალსაზრისით. განსაკუთრებით მეორე ტალღის დროს სამჯერ და მეტადაა გაზრდილი სამედიცინო დაწესებულებების მიერ სამედიცინო ჟანგბადის მოხმარება და დღეში 80 ტონას აჭარბებს. პრემიერის დავალებით ვმუშაობთ, რომ არ შეიქმნას დეფიციტი. მინდა მოსახლეობა და…

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველოში ეპიდემიოლოგიური ვითარება რთული, მაგრამ მართვადია. მისივე თქმით, მართალია, პაციენტების ჰოსპიტალიზებასთან დაკავშირებით გარკვეული ხარვეზები არსებობს, თუმცა საჭიროების მიხედვით დახმარება ყველას ეწევა. „არავინ არ მალავს, ეპიდემიოლოგიური მდგომარეობა რთულია, მაგრამ ამ ეტაპზე სიტუაცია მართვადია. იგივე დილის მონაცემებით 350-მდე თავისუფალი საწოლი იყო, მათ შორის სასუნთქი აპარატების რამდენიმე ასეული იყო თავისუფალი. მესმის, ვიცი, რომ არსებობს გარკვეული ხარვეზები სტაციონარიზაციაში, მაგრამ საბოლოოდ, ვისაც სჭირდება სტაციონარი, ის სტაციონარში თავსდება. სტაციონარს გარეთ სიკვდილიანობის მაჩვენებელი ჩვენს ქვეყანაში ერთ-ერთი ყველაზე დაბალია“, – განაცხადა ამირან გამყრელიძემ.

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, მსოფლიოში ბევრი კლინიკა პრეპარატ “რემდესივირს” იყენებს და აქტიურად გამოიყენება კორონავირუსის საწინააღმდეგოდ. გამყრელიძის განცხადებით, ჯანდაცვის სამინისტრო მუშაობს, რათა “რემდესივირი”  ქვეყანაში შემოვიდეს. “რემდესივირი” როგორც მე ვიცი გაფორმებული აქვს ჯანდაცვის სამინისტროს ხელშეკრულება ერთ-ერთ წამყვან კომპანიასთან და ვიცი, რომ სულ მალე უნდა იყოს ქვეყანაში გამოსაყენებლად. მაგრამ “რემდესივირი” კარგად დაიმახსოვრეთ, რომ ეს არ არის ყოველდღიური ხმარების მედიკამენტი. ის იხმარება მხოლოდ და მხოლოდ ექიმის დანიშნულებით, შესაბამისი ჩვენებებით კლინიკაში და არა, ამბულატორიებში. ძალიან ბევრი კლინიკა მსოფლიოში და ბევრი ქვეყანა “რემდესივირს” იყენებს. ის გახლავთ პირდაპირი მოქმედების ანტივირუსული პრეპარატი, რომელიც შეიქმნა 2014-2015 წლებში ებოლას…

“ბოლო 24 საათის განმავლობაში გამოვლენილია ვირუსით ინფიცირების 3 216 ახალი დადასტურებული შემთხვევა,” – ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა. მან კორონავირუსთან დაკავშირებით არსებულ უახლეს სტატისტიკურ მონაცემებზე ისაუბრა. „დღეის მდგომარეობით, ბოლო 24 საათის განმავლობაში გამოვლენილია ვირუსით ინფიცირების 3 216 ახალი დადასტურებული შემთხვევა. ქვეყანაში „კოვიდ-19“-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 135 584-ს. ბოლო 24 საათში გამოჯანმრთელდა 3 937 პირი, ხოლო ჯამში გამოჯანმრთელებულთა რაოდენობა გაიზარდა 113 986-მდე. სამწუხაროდ, უკანასკნელი 24 საათის განმავლობაში გვაქვს კორონავირუსით გარდაცვალების 37 ახალი შემთხვევა.…

საქართველოში კორონავირუსის 3 216 ახალი შემთხვევა გამოვლინდა. ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის  მოადგილემ, ბერდია სიჭინავამ მთავრობის ადმინისტრაციაში გამართულ ბრიფინგზე განაცხადა. მისივე ცნობით, ქვეყანაში ბოლო 24 საათში 3 937 ადამიანი გამოჯანმრთელდა. ამასთან, ბოლო დღე-ღამეში კორონავირუსით გარდაიცვალა 37 პაციენტი. საქართველოში კორონავირუსით ინფიცირების სულ 135 584 შემთხვევაა გამოვლენილი, მათგან 113 986 გამოჯანმრთელდა, 1 267 კი გარდაიცვალა. საკარანტინო სივრცეებში იმყოფება 2 104 მოქალაქე, თვითიზოლაციაშია 52 822 პირი, 6 383 ადამიანი მკურნალობს საავადმყოფოში, კოვიდსასტუმროში კი იმყოფება 3 857. უცხოეთიდან სამკურნალოდ გადმოყვანილია საქართველოს 41 მოქალაქე. საქართველოში გუშინ კორონავირუსის 4 426 ახალი შემთხვევა გამოვლინდა, გამოჯანმრთელდა 3 721 ადამიანი.

საქართველოში კორონავირუსით 37 პაციენტი გარდაიცვალა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა. საქართველოში კორონავირუსით გარდაცვლილთა საერთო რაოდენობა 1 267-ს შეადგენს. დღეს კორონავირუსით ინფიცირების 3216 ახალი შემთხვევა გამოვლინდა, გამოჯანმრთელდა 3937  პაციენტი. საქართველოში კორონავირუსით ინფიცირების სულ 135 584 შემთხვევაა გამოვლენილი, მათგან 113 986  გამოჯანმრთელდა.