ამერიკული მედიის ინფორმაციით, შესაძლოა, პრეზიდენტი დონალდ ტრამპი საავადმყოფოდან დღეს გაწერონ.
უარყოფითია შტატების საპრეზიდენტო კანდიდატის ჯო ბაიდენის ტესტის პასუხი. ბაიდენმა კოვიდ-19-ზე ტესტირება ტრამპთან გამართული დებატების შემდეგ უკვე მესამედ ჩაიტარა.
ინფიცირების შემთხვევების მატების გამო დღეიდან შეზღუდვების გამკაცრება იგეგმება პარიზში. ცნობილია, რომ ქალაქის მასშტაბით კაფე-ბარები 15 დღით დაიხრება.
რთული ეპიდისიტუაციაა საქართველოს მოსაზღვრე ქვეყნებშიც. ბოლო 24 საათში რუსეთში ვირუსს 107 ადამიანი ემსხვერპლა, მედიკოსების რჩევით მოსკოვის ყველა სკოლაში 14 დღით სწავლა შეჩერდება.
გასული დღე-ღამის მონაცემებით, ფატალური შემთხვევების რიცხვი თურქეთში 57-ს, სომხეთში ხუთს, აზერბაიჯანში კი ერთს შეადგენს.