პეკინში დიდთოვლობის გამო, მეტროს ორი მატარებელი ერთმანეთს შეეჯახა, რის შედეგადაც 515 ადამიანი დაშავდა. მათგან საავადმყოფოში 102 ძვლების მოტეხილობით გადაიყვანეს.
არსებული ინფორმაციით, ინციდენტის გამომწვევი მიზეზი გზების მოყინვა გახდა, რის გამოც ერთ-ერთმა მატარებელმა დროულად დამუხრუჭება ვერ შეძლო და მეორე მატარებელს შეეჯახა.
პეკინში ძლიერი თოვლის გამო საავტომობილო, სარკინიგზო და საჰაერო ტრანსპორტი შეფერხებულია. ზოგიერთ ქალაქში დახურულია სკოლები და ბაღები.