ოპოზიციური პარტიები ერთობლივ განცხადებას ავრცელებენ: რუსული კანონი საქართველოს ევროპული გზის ღალატია, ჩვენ, ქართული პროდასავლური პოლიტიკური ძალები, ვგმობთ “ქართული ოცნების” მიერ რუსული კანონის რეინიცირებას. ეს არის საქართველოს მოქალაქეებისა და ჩვენი სტრატეგიული პარტნიორებისთვის მიცემული სიტყვის კიდევ ერთხელ გატეხა და იმ ახალგაზრდების აბუჩად აგდება, რომლებმაც 1 წლის წინ დაიცვეს ჩვენი ისტორიული არჩევანი და ამით ჩვენს სამშობლოს შეუნარჩუნეს შანსი, გახდეს ევროკავშირის სრულფასოვანი წევრი.დღეს, “ქართული ოცნების” ერთადერთ მიზანს წარმოადგენს ძალაუფლებისა და ანტისახელმწიფოებრივი, კორუფციული ქმედებებით მოხვეჭილი ქონების შენარჩუნება. მაშინ როდესაც ხელისუფლება თავად იქცა სიღარიბის, კორუფციის, ფასების კატასტროფული ზრდისა და ქვეყნიდან მოქალაქეების გადინების მთავარ მიზეზად, ივანიშვილი ცდილობს, პუტინის სტილში ჩაახშოს კრიტიკული ხმა და მოგუდოს თავისუფალი საზოგადოება. მმართველი ძალა სრულად დაიცალა ევროპული ღირებულებებისა და პრინციპებისგან.ხელისუფლების მიერ ხელახლა ინიცირებული რუსული კანონის მიღების შემთხვევაში, საქართველო ასცდება ევროპულ გზას და საქართველოს რიგითი მოქალაქისთვის ევროკავშირის წევრობით გარანტირებული უსაფრთხოების, მშვიდობისა და კეთილდღეობის კარი კიდევ დიდი ხნით დაიკეტება.ახლა, როგორც არასდროს, ამ ისტორიულ მომენტში, ცვლილება უნდა იქცეს თითოეული ჩვენგანის უმთავრეს პრიორიტეტად. ცვლილება, რომელიც მოიტანს მრავალპარტიულ, დემოკრატიულ მმართველობას და გახდება საქართველოს ევროპის ოჯახში დაბრუნების გარანტია.ხელმომწერი პოლიტიკური პარტიები:ახალი • AhaliGirchi • გირჩი – მეტი თავისუფლებაDroa • დროაერთიანი ნაციონალური მოძრაობა • United National Movementლელო საქართველოსთვის • Lelo For Georgiaრესპუბლიკური პარტია Republican Partyსტრატეგია აღმაშენებელი • Strategy Aghmashenebeli
მსგავსი თემები
-
ყალბ დოკუმენტებს ამზადებდა, რომლებითაც მოქალაქეებს საზღვარგარეთ თავშესაფრის მიღება მარტივად შეეძლოთ – დააკავეს 1 პირი
ფინანსთა სამინისტროს საგამოძიებო სამსახურის ცნობით, ყალბი ოფიციალური დოკუმენტების დამზადება-გასაღების ფაქტზე ერთი პირი დააკავეს. დაკავებული საზღვარგარეთ საცხოვრებლად... -
,,გაიფიცე საქართველოსთვის” – ახალგაზრდების ნაწილი აქცია-მსვლელობას დღეს, 15:00 საათზე გამართავს
ახალგაზრდული მოძრაობა ,,დაფიონი”, 21 მაისს, 15:00 საათზე, პარლამენტთან აქცია-მსვლელობას აანონსებს. ,,ძვირფასო ქართველებო, ვაგრძელებთ ჩვენს უწყვეტ აქციებს!... -
,,არა რუსულ კანონს” – აქცია პორტუგალიაშიც გაიმართა
გამჭვირვალობის შესახებ კანონის წინააღმდეგ აქცია გაიმართა პორტუგალიის დედაქალაქ ლისაბონშიც. აქციაზე შეკრებილები ,,ქართულ ოცნებას” მოუწოდებენ, გაიწვიოს კანონი...