დღე: დეკემბერი 11, 2023

სლოვაკეთი დღეიდან უკრაინის საზღვართან სატვირთო მანქანების გადაადგილებას კვლავ დაბლოკავს. სლოვაკეთის საგზაო ტრანსპორტის გაერთიანება UNAS-ი უკრაინის საზღვართან დაბლოკვას ადგილობრივი დროით 15:00 საათიდან განაახლებს. დაიბლოკება ტრანსპორტის შესვლა, მგზავრთა გადაადგილება კი არ შეიზღუდება. სლოვაკეთის საგზაო ტრანსპორტის გაერთიანების მთავარი მოთხოვნაა, უკრაინელი გადამზიდავებისთვის სალიცენზიო ნებართვის აღდგენა.

რუსეთის გაჩერება უკრაინაშია აუცილებელი, – ამის შესახებ განცხადება აშშ-ის სახელმწიფო მდივანმა, ენტონი ბლინკენმა განაცხადა. მისივე თქმით, ერთადერთი ხალხი, ვინც ბედნიერი იქნება, თუ აშშ უკრაინის სამხედრო მხარდაჭერის შემცველ ფინანსურ პაკეტს კონგრესში კენჭს არ უყრის და არ დაამტკიცებს, მოსკოვში, თეირანსა და პეკინში ზის. „ვფიქრობ, ერთადერთი ხალხი, ვინც ბედნიერი იქნება, თუ აშშ უკრაინის სამხედრო მხარდაჭერის შემცველ ფინანსურ პაკეტს კონგრესში კენჭს არ უყრის და არ დაამტკიცებს, მოსკოვში, თეირანსა და პეკინში ზის. ახლა დროა, ვიმოქმედოთ, წინააღმდეგ შემთხვევაში ჩვენ ვიცით, რა მოხდება – პუტინი წინ წაიწევს დაუსჯელად და ჩვენ ვიცით, რომ ის უკრაინაში არ გაჩერდება და ის შესაძლოა,…

აშშ-ის სახელმწიფო მდივანი, ენტონი ბლინკენი აცხადებს, რომ ისრაელმა მეტი უნდა გააკეთოს მშვიდობიანი მოსახლეობის დასაცავად. მისი თქმით, ღაზის სექტორში „ჰამასის“ წინააღმდეგ ისრაელის განზრახვასა და შედეგებს შორის დიდი სხვაობაა. „განზრახვა არსებობს, მაგრამ შედეგებსა და განზრახვას შორის დიდი სხვაობაა, მიუხედავად იმისა, რომ ისრაელმა გადადგა დამატებითი ნაბიჯები, მაგალითად, სამხრეთში უსაფრთხო ტერიტორიების მარშრუტის დანიშნა. საჭიროა მეტი ჰუმანიტარული პაუზა, მეტი განსაზღვრული უსაფრთხო მარშრუტი, რათა ადამიანებმა იცოდნენ, როდის და სად არის უსაფრთხო გადაადგილება შესაძლებელი. ეს არის ის, რისთვისაც ჩვენ ყოველდღიურად ვმუშაობთ, რათა დავრწმუნდეთ, რომ გაზრახვა და შედეგი მაქსიმალურად ახლოს იქნება ერთმანეთთან“, – განაცხადა ბლინკენმა.

მაქსიმალურად ვმუშაობთ უკრაინის საჰაერო თავდაცვის გასაძლიერებლად, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. მისი თქმით, რუსული რეჟიმი იმეორებს უკვე ჩადენილ ბოროტებას, მაგრამ ცდილობს, ყოველი დარტყმა უფრო მტკივნეული გახადოს. „ჩვენ ახლა ვაგრძელებთ მუშაობას, თითქმის ყოველ კვირას უკრაინისთვის ახალი შეთანხმებები და შესაძლებლობები მოაქვს. რუსული რეჟიმი იმეორებს უკვე ჩადენილ ბოროტებას, მაგრამ ცდილობს, ყოველი დარტყმა უფრო მტკივნეული გახადოს. ჩვენ ეს ვიცით და მადლობას ვუხდი ყველას, ვინც იცავს უკრაინას „შაჰედის“ უპილოტო საფრენი აპარატებისგან, ვინც იგერიებს რუსეთის სარაკეტო დარტყმებს, ჩვენს დაზვერვას და ყველა პარტნიორს, ვინც მიიღო გადაწყვეტილება, მხარი დაუჭიროს უკრაინის საჰაერო თავდაცვის გაძლიერებას და ტერორისტი…