დღე: ოქტომბერი 17, 2023

კანადის პრემიერ-მინისტრი ჯასტინ ტრუდო ისრაელს ღაზას სექტორში ჰუმანიტარული დერეფნის გახსნისკენ მოუწოდებს. მისი თქმით, სასწრაფო დახმარებაა საჭირო 2.3 მილიონი ალყაში მოქცეული ადამიანის დასახმარებლად. „კანადა მხარს უჭერს ისრაელის უფლებას დაიცვას საკუთარი თავი, მაგრამ ომებსაც აქვთ თავისი წესები. ვერაფერი გაამართლებს „ჰამასის“ ტერორისტულ აქტებს. „ჰამასი“ არ წარმოადგენს პალესტინელ ხალხს და არც მათ ლეგიტიმურ მისწრაფებებს“, – განაცხადავ ტრუდომ. ისრაელზე ჰამასის თავდასხმის შედეგად ხუთი კანადელი დაიღუპა, სამი კი უგზო-უკვლოდ დაკარგულად ითვლება.  

“ჰამასის” ვიდეო ავრცელებს, სადაც მძევლად აყვანილი ერთ-ერთი ადამიანი ჩანს. ვიდეოში ახალგაზრდა ქალი ამბობს, რომ მისი სახელია მაია სემი, ის არის 21 წლის და არის ისრაელიდან. ისრაელის თავდაცვის ძალებმა დაადასტურა, რომ მაია “ჰამასმა” გაიტახა და მათივე თქმით,  ისინი კავშირში არიან გატაცებულის  ოჯახთან. ტერორისტული დაჯგუფების განცხადებით,  მძევლად 200-დან 250-მდე ადამიანი ჰყავთ აყვანილი. გარდაცვლილია 22 ადამიანი. დაჯგუფების წარმომადგენლის, აბუ ოდაიდის თქმით, მძევლების ზუსტი რაოდენობა უცნობია.

ბელგიის პრემიერ-მინისტრის, ალექსანდრ დე კროს განცხადებით,  ბრიუსელში სროლის შედეგად დაღუპული ორი ადამიანი შვედეთის მოქალაქეები არიან. „გულწრფელად ვუსამძიმრებ შვედეთის პრემიერ-მინისტრს ამ ღამით ბრიუსელში შვედეთის მოქალაქეებზე განხორციელებული შემზარავი თავდასხმის გამო. ჩვენი ფიქრები იმ ოჯახებთან და მეგობრებთანაა, რომლებმაც დაკარგეს საყვარელი ადამიანები. როგორც ახლო პარტნიორები, ტერორიზმთან ბრძოლა არის ერთობლივი“, – წერს ალექსანდრ დე კრო. სროლას ტერორიზმად განიხილავენ. თავდასხმის შემდეგ ბრიუსელში ტერორისტული საფრთხის დონე ოთხამდე, უმაღლეს დონემდე გაიზარდა.

აშშ-ის პრეზიდენტი, ჯო ბაიდენი ოთხშაბათს ისრაელში ჩავა. ამის შესახებ ინფორმაცია სახელმწიფო მდივანმა, ენტონი ბლინკენმა გაავრცელა. ჯო ბაიდენი მოლაპარაკებებს გამართვს პრემიერ-მინისტრ ბენიამინ ნეთანიაჰუსთან. აშშ-ის პრეზიდენტი ასევე გაემგზავრება იორდანიაში, სადაც შეხვდება მეფე აბდულა II-ს, ეგვიპტის პრეზიდენტ აბდელ ფატაჰ ელ-სისის და პალესტინის ხელისუფლების პრეზიდენტს მაჰმუდ აბასს.