დღე: აგვისტო 16, 2023

შოვში მომხდარი სტიქიის დროს დაკარგული ზაზა მესხს და მის სამ შვილს კვლავ ეძებენ. მისი მეუღლე უკ­რა­ი­ნე­ლი ჟურ­ნა­ლის­ტი ალი­ნა პო­ლი­კოვ­სკა მაშველებმა გარდაცვლილი იპოვეს. ზაზა მესხის ახლობლები ხელისუფლებას მიმართავენ. „შველას ვთხოვთ ხელისუფლებას! მე- 12 დღეა უკვე. მოგვიძებნეთ ზაზა მესხის და მისი 3 შვილის ცხედარი (მწყურვალის ან მშიერის მისი პოვნის იმედი დაიკარგა)“. – ვკითხულობთ ზაზა მესხის ახლობლების მიერ სოციალურ ქსელში გავრცელებულ მიმართვაში. ცნობისთვის, შოვში მეწყერი 3 აგვისტოს ჩამოწვა.  სამძებრო ღონისძიების ფარგლებში ნაპოვნია 26 ადამიანის ცხედარი და 7 პირთან დაკავშირებით გრძელდება სამძებრო სამუშაოები.

ბლექ სი არენა The Killers-ის კონცერტზე მომხდართან დაკავშირებით განცხადებას ავრცელებს და აღნიშნავს, რომ არტისტის მოქმედება სცენაზე, არ არის მათი პოზიცია. ,,გვესმის ჩვენი სტუმრების ემოციების. არტისტის მოქმედება სცენაზე არ არის Black Sea Arena-ს პოზიცია. ვიაზრებთ ჩვენს წილ პასუხისმგებლობას, გულწრფელად ვიხდით ბოდიშს და გიზიარებთ არტისტის პასუხს მომხდართან დაკავშირებით. რუსეთი ოკუპანტია”, – წერს  Black Sea Arena.   ,,ჩვენ არავის შეურაცხყოფა არ გვინდოდა და ბოდიშს გიხდით”- The Killers

Black Sea Arena-ზე გამართულ კონცერტზე, The Killers-ის სოლისტმა აუდიტორიიდან სცენაზე რუსი დრამერი აიყვანა, რასაც ხალხის პროტესტი მოჰყვა. როგორც სოციალურ ქსელში მოქალაქეები წერენ, ერთ-ერთი სიმღერის შესრულებამდე, ჯგუფის სოლისტმა დარბაზში შეკრებილებს ჰკითხა, იცოდა თუ არა მათ შორის ვინმემ დრამზე დაკვრა, რის შემდეგაც, სცენაზე ერთ-ერთი ადამიანი აიყვანა, რომელიც ეროვნებით რუსი აღმოჩნდა. განვითარებული მოვლენების შემდეგ, ჯგუფი The Killers განცხადებას ავრცელებს: ,,კარგო ადამიანებო საქართველოდან, ჩვენი განზრახვა არასდროს ყოფილა ვინმეს შეურაცხყოფა. ჩვენ დიდი ხნის ტრადიცია გვაქვს, ხალხს დრამზე დასაკვრელად სცენაზე ვეპატიჟებით. თავდაპირველად, დარბაზში მყოფი მსმენელების რეაქციით ჩანდა, რომ თითქოს აუდიტორიიდან სცენაზე ამოყვანილი ადამიანი მისაღები იყო. ვაცნობიერებთ,…