დღე: იანვარი 12, 2023

ბალარუსელი ოპოზიციონერი პოლიტიკოსი, რომელიც ალექსანდრე ლუკაშენკოს 2020 წლის  საპრეზიდენტო არჩევნებში დაუპირისპირდა, დააკავეს. 41 წლის ანდრეი დმიტრიევი ლუკაშენკოს საწინააღმდეგო სოციალურ მოძრაობას ხელმძღვანელობს. ის გუშინ, 11 იანვარს მინსკში დააკავეს. მისი დაკავების მიზეზი ჯერჯერობით უცნობია.  

აშშ-ის პრეზიდენტის, ჯო ბაიდენის თანაშემწეებმა საიდუმლო დოკუმენტები კიდევ ერთ ადგილას აღმოაჩინეს. ამ ეტაპზე უცნობია, როდის და სად აღმოაჩინეს დამატებითი დოკუმენტები. ორი დღის წინ ცნობილი გახდა, რომ ჯო ბაიდენის ვიცე-პრეზიდენტობის დროინდელი გრიფით საიდუმლო დოკუმენტების 10 ფაილი პრეზიდენტის პირადმა ადვოკატებმა პენ ბაიდენის დიპლომატიის და გლობალური ჩართულობის ანალიტიკურ ცენტრში ნოემბერში აღმოაჩინეს. ისინი დაუყოვნებლივ გადასცეს ეროვნულ არქივს. საკითხს ამჟამად იუსტიციის დეპარტამენტი სწავლობს. გავრცელებული ინფორმაციით, ანალიტიკურ ცენტრში, რომელსაც ჯო ბაიდენი ოფისად იყენებდა 2017-2020 წლებში, ინახებოდა აშშ-ის სადაზვერვო ჩანაწერები, ასევე უკრაინასთან, ირანთან და დიდ ბრიტანეთთან დაკავშირებული ბრიფინგების მასალები. ჯო ბაიდენის განცხადებით, თავის ყოფილ ოფისში საიდუმლო დოკუმენტების აღმოჩენით…

უკრაინის გენშტაბი რუსეთის ის სამხედრო დანაკარგის შესახებ განახლებულ ინფორმაციას ავრცელებს. აღნიშნული მონაცემები 24 თებერვლიდან 12 იანვრამდე პერიოდს მოიცავს. გენშტაბის ცნობით, ოკუპანტების სამხედრო დანაკარგი ასეთია:​ ჯარისკაცი – დაახლოებით 113 990; ​ტანკი – 3 094; ჯავშანტექნიკა – 6 159; საარტილერიო სისტემა – 2082 სარაკეტო სისტემა – 437; საზენიტო საბრძოლო სისტემა – 218; თვითმფრინავები – 285; ვერტმფრენი – 276; ოპერატიულ-ტაქტიკური უპილოტო საფრენი აპარატი – 1 865; საკრუიზო რაკეტები – 723; საავტომობილო ტექნიკა და საწვავის ავზები – 4 826; გემი/ნავი/კატარღა – 17;​ სპეციალური აღჭურვილობა – 184.

რუსეთმა ზაპოროჟიე დაბომბეს, რის შედეგადაც ქალაქში ინფრასტრუქტურული ობიექტები დაზიანდა. ამის შესახებ ინფორმაციას უკრაინული მედია ზაპოროჟიეს საქალაქო საბჭოს მდივანზე, ანატოლი კურტევზე დაყრდნობით ავრცელებს. “დაწყევლილი მტერი კვლავ ცინიკურად დაესხა თავს ჩვენს ღამის ქალაქს. დაზიანდა ინფრასტრუქტურული ობიექტები, გაჩნდა ხანძარი”, – განაცხადა ანატოლი კურტევი. მისი თქმით, დაბომბვის შედეგად დაზიანდა საცხოვრებელი სახლებიც. “წინასწარი ინფორმაციით, ადამიანები არ დაშავებულან. ადგილზე შესაბამისი სამსახურები უკვე მუშაობენ”, – წერს კურტევი.