დღე: თებერვალი 12, 2024

ბათუმში ავტომობილი ქვეითს შეეჯახა, ის ადგილზე დაიღუპა. შემთხვევა აეროპორტის გზატკეცილზე მოხდა. ინფორმაციას და ფოტომაასალას The Ajara Times ავრცელებს. სხვა დამატებითი დეტალები ამ დროისთვის უცნობია.

რესპუბლიკური საავადმყოფოს ექიმებმა ხელმოწერების შეგროვება დაიწყეს. ხელმოწერებს სპეციალურ მიმართვას დაურთავენ და  პრემიერ-მინისტრის ადმინისტრაციაში გადააგზავნიან. ექიმები ვარაუდობენ, რომ მათ არგუმენტებს ირაკლი კობახიძე გაიგებს და ჯანდაცვის სამინისტროს შენობის დემონტაჟს გადააფიქრებინებს.

შინაგან საქმეთა სამინისტრომ ავლაბარში მომხდარი მკვლელობის საქმეზე 2 პირი დააკავა. შეგახსენებთ, რომ გუშინ, 12 თებერვალს, ავლაბარში ახალგაზრდა კაცი ცეცხლსასროლი იარაღით მოკლეს. რა გახდა დაპირისპირების მიზეზი ჯერჯერობით უცნობია. მომხდარზე გამოძიება სისხლის სამართლის კოდექსის 108-ე და 236-ე მუხლებით დაიწყო, რაც განზრახ მკვლელობასა და ცეცხლსასროლი იარაღის მართლსაწინააღმდეგო შეძენა, შენახვა, ტარებას გულისხმობს.

15 თებერვლამდე საქართველოში შენარჩუნებული იქნება თბილი და უმეტესად უნალექო ამინდი. ჰაერის ტემპერატურა დღის საათებში დაბლობსა და ბარში +17, +22 გრადუსამდე მოიმატებს. ქ. თბილისში უნალექო ამინდი იქნება. ჰაერის ტემპერატურა დღისით +16, +18 გრადუსი დაფიქსირდება. სანაპირო რაიონებში (ბათუმი, ქობულეთი, ანაკლია, ფოთი): თბილი და უნალექო ამინდია მოსალოდნელი. ჰაერის ტემპერატურა დღისით +20, +22 გრადუსი დაფიქსირდება. დასავლეთ საქართველოს დაბლობ რაიონებში (ქუთაისი, ზესტაფონი, ზუგდიდი, მარტვილი, ოზურგეთი): თბილი და უნალექო ამინდია მოსალოდნელი. ჰაერის ტემპერატურა დღისით +19, +21 გრადუსი დაფიქსირდება. დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო): უმეტესად უნალექო ამინდია მოსალოდნელი. ჰაერის ტემპერატურა დღისით…