დღე: ნოემბერი 9, 2023

უკრაინის ეროვნული უსაფრთხოებისა და თავდაცვის საბჭოს მდივანის, ოლექსეი დანილოვის განცხადებით, უკრაინას “დიდი წარმატებები ყირიმის მიმართულებით. ,,ჩვენ ახლა დიდ პროგრესს ვაღწევთ ყირიმის მიმართულებით. რაც შეეხება რუსეთის ფედერაციის განადგურებას, მათი აქტივების განადგურებას ყირიმის ტერიტორიაზე და შავი ზღვის ფლოტის განადგურებას, ეს ჩვენი ქვეყნის უზარმაზარი მიღწევებია”, – განაცხადა დანილოვმა.

„ჰამასი ამ ბავშვებს და მათ ოჯახებს საფრთხეში აყენებს“, – ასე ეხმაურება თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორი, ჯონ კირბი გაერო-ს გენერალური მდივანის, ანტონიუ გუტერეშის განცხადებას, სადაც გუტერეშმა აღნიშნა, რომ ღაზა ბავშვთა სასაფლაოს ემსგავსება. მისი თქმით, „ჰამასი“ საავადმყოფოების ქვეშ აშენებდა გვირაბებს და ბავშვებს მძევლებად იყენებდა. „ჩვენ ვიცით, რომ 240 მძევლის გარდა, კიდევ სხვა მძევლები ჰყავთ, რომლებიც არიან ბავშვები. ჩვენ ვცდილობთ ამ ბავშვების გათავისუფლებას“, – განაცხადა მან.  

მოლდოვის პრეზიდენტი მაია სანდუ საქართველოს პრეზიდენტ სალომე ზურაბიშვილს ტელეფონით ესაუბრა. მაია სანდუ ქართველ ხალხს ევროინტეგრაციისკენ გზაზე ამ მნიშვნელოვან ნაბიჯს ულოცავს. ,,ვულოცავ ქართველ ხალხს ამ მნიშვნელოვან ნაბიჯს ევროინტეგრაციისკენ გზაში. ჩვენ კიდევ ერთხელ გავიმეორეთ ჩვენი საერთო ხედვა მშვიდობიანი და აყვავებული მომავლის შესახებ, როგორც ევროკავშირის ოჯახის ნაწილის”, – წერს სანდუ.

ისრაელის თავდაცვის ძალების განცხადებით დაარტყეს შენობას, რომელსაც “ჰეზბოლას” მებრძოლები იყენებდნენ, სასოფლო-სამეურნეო მიწებზე ლიბანის ქალაქ კაფრ კილასა და ხიამთან ახლოს. ასევე განადგურდა ის ობიექტები, სადაც “ტექნოლოგიური აქტივები” ინახებოდა. ლიბანის სამოქალაქო დაცვის ინფორმაციით, ისრაელის დარტყმებმა ხიამთან ახლოს სასუქის შესანახი შენობა გაანადგურა.